Namulinga Jino Mwaya Muchima waYehova Tahi?

Tuli nakumisakwilila chikuma hakuwanako lwola lwakuhunanana hambuloshuwa yino mangana mututachikize etu Vinjiho jaYehova, namilimo yetu, nakumona nawa omu lyazata liuka lyetu. Twafwelela ngwetu mbuloshuwa yino yinamikafwe kumona jino ngwenu etu yetu tweji kulinganga mwaya muchima waYehova. Tuli nakumikolezeza mutwaleho lika kulinangula chinyingi chaKalunga nakulwezako tanga yenu namasepa jenu vyuma muli nakulinangula, nakulikata lwola lwosena nayetu kukukunguluka chetu chavaka-Kulishitu.—WavaHepeleu 10:23-25.

Namumona chikupu omwo amizanga Yehova omu namutwalaho lika nakulinangula vyayikiye. Echi nachimilingisa muzate nangolo mangana nayenu nawa musolole ngwenu mwamuzanga. (WaYowano 1, 4:8-10, 19) Uno namuhasa kusolola ngachilihi ngwenu mwazanga Kalunga mukuyoya chenu? Mwomwo ika chapwila changanyo kwononoka jishimbi jaKalunga jakatwamino katoma? Vyuma muka navimikafwa mulinunge nayetu nakulinga mwaya muchima waKalunga? Mutu eji kuminangulanga Mbimbiliya mwamikafwa muwane muvakumbulwila vihula kana mangana enu natanga yenu ‘mutwamenga muzangi yaKalunga, nakukapwa nakukuyoya chahaya myaka Yosena.’—WaYuta 21.

Tuli nakumilomba mutwaleho lika nakuzovoloka mumuchano hakulinangula mukanda ou wakwamba ngwavo . . . “Lilaminenunga Muzangi Yakalunga”