17 Dichi iha daEfweroni daMakipela dadiña kwakwihi naMamiri, dikwila nawu iha niiyeñu dadiñamu ninyitondu yejima yadiña muñinza yeha, yekalili 18 yuma yaAbarahama yalandiliyi hamesu awanyana kaHeti nihamesu awantu ejima eñilileña muchenzelu chamusumba windi.

9 Anyanindi aIsaka naIshimayeli amujiikili mwiyeñu daMakipela dadiña kwakwihi naMamiri mwiha daEfweroni mwana kaZohari mwini Hiti,+ 10 iha dalandiliyi Abarahama kudi anyana kaHeti. Dimwamujiikiliwu Abarahama hamu nañodindi Sara.+

27 Nkumininaku, Yakoba washikili kwadiña tata yindi Isaka kuMamiri+ muKiriyati Ariba, dikwila nawu Hebironi, oku kwashakamineñawu aAbarahama naIsaka neyi añiinza.+

29 Kufumahu, wayinkeli iyi nshimbi nindi: “Ami keña anjiiki neyi chajiikiliwu ankakulula jami.*+ Mwakanjiiki hamu nawankakulula jami mwiyeñu didi mwiha daEfweroni mwini Hiti,+ 30 mwomwiyeñu didi mwiha daMakipela kwakwihi naMamiri mwituña daKenani, iha dalandiliyi Abarahama kudi Efweroni mwini Hiti kulonda diikali mpata yakujiikahu.