49 Hakwila nawu atookeshi itala kumusoñu,* watela kuleta tuda tuyedi, mutondu wamusida, wanda wuchinana nge-e nihisopi.*+ 50 Kada kamu, akakijahili muchipwepu chewumba hewulu damenji anafumi tuhu nakutehunawu. 51 Kuhiñahu, wakanona kada kakumi hamu namutondu wamusida, hisopi* niwanda wuchinana nge-e nakujitumpika mumashi akada kajahawu nimumenji anafumi tuhu nakutehunawu, nawa akayisampwili kwitala mapampa 7.+ 52 Kuhiñahu, wakatookesha odu itala kumusoñu,* namashi akada, namenji anafumi tuhu nakutehunawu, nakada kakumi, namutondu wamusida, nahisopi* ninawanda wuchinana nge-e. 53 Kufumahu, wakakuumbaku oku kada kakumi hanji yamusumba kulonda kakayi mumpata nawa wakabuta hanshidi yanodu itala nawa dakekala dakadi majilu.

6 Nawa kapristu wakanona mutondu wamusida, hisopi*+ niwanda wuchinana nge-e nakujinatila mukesi munakochawu ñombi wamukaji.

9 “‘Muntu wakadi majilu, akakuñuli mawuti añombi+ wamukaji nakuyitwala hanji yachilombu kwiluña dawunyonji, nawa akayihembaña kudi izaza dawaIsarela kulonda akayibombeña namenji akutookesha nachu.+ Himulambu wahanshidi.