10 Rehobowami wayili kuShekemi,+ muloña aIsarela ejima enjili kuShekemi nakumutonda ekali mwanta.+ 2 Yerobowami+ mwana kaNebati chatiyiliyi tuhu chumichi (wachidiña muEjipitu, watemukili muloña waMwanta Solomoni),+ Yerobowami wafuntili kufuma kuEjipitu. 3 Kufumahu amutemesheleli akumutambika, nawa Yerobowami niaIsarela ejima enjili kudi Rehobowami nakumuleja nawu: 4 “Tata yeyi watulemesheleli mpaanda yetu.+ Ilaña neyi wukutupeleshela mudimu wakala watata yeyi nikutupeleshelaku mpaanda yatutwikiliyi, tukukukalakelaña.”