41 Mukakweji kamu 7, Ishimayeli+ mwana kaNetaniya, Netaniya mwana kaElishama owu wadiña hakachi kawantu atela kuswana wanta* nawa wahadi antu jamwanta alema, wenjili nawamayala 10 kudi Gedaliya mwana kaAhikami kuMizipa.+ Hadiileñawu yakuda hamu muMizipa, 2 Ishimayeli mwana kaNetaniya niamayala 10 adiñayi nawu anyamukili nakumutapa Gedaliya mwana kaAhikami, Ahikami mwana kaShafani nampoku yakabali. Dichi wajahili muntu atondeliwu kudi mwanta waBabiloni nindi ataleña ituña.