13 Yehova watwalekelihu kuyisoñamisha aIsarela niaYuda kuhitila mudi atuprofwetu twindi ejima nimudi akakumona yimwenu+ ejima nindi: “Lekenu kulondela njila jenu jatama!+ Hembenuña kuleja kwami ninshimbi jami kwesekeja nanshimbi jejima jinayilejeli ankakulula jenu nijinayitemesheleli enu mudi ambuñami atuprofwetu.” 14 Ilaña wena hiyatiyililiku nawa atwalekelihu kwikala achinchika neyi* ankakulula jawu abulili kumwekesha chikuhwelelu mudi Yehova Nzambi yawu.+

15 Yehova Nzambi yawankakulula jawu watwalekelihu kuyisoñamisha kuzatisha antemesha indi, wayisoñamishileña kakavulu, muloña wayitiyilili wushona antu jindi niiluña dindi mwakushakama. 16 Ilaña atwalekelihu kudiwula antemesha jaNzambi walala+ nawa adiwili mazu indi+ nikusupisha atuprofwetu indi,+ kushika nimpinji yenjili kuzuwa kwaYehova hadi antu jindi,+ nichashikiliwu hachipimu chakukañanya kuyuuka.

25 kufuma tuhu hefuku dafuminiwu ankakulula jenu mwituña daEjipitu kushika nidalelu.+ Dichi natwalekelihu kutemesha ambuñami ejima atuprofwetu kudi enu, nayitemesheleña hefuku-hefuku, kapampa kakavulu.*+ 26 Ilaña akaanini kuntiyilila, nawa hiyateñelekeli matu awuku.+ Ilaña adiña achinchika,* nawa akoñeli yuma yatama kubadika ankakulula jawu!