11 Kuhiñahu, Mosi wamwihwili Yehova nindi: “Muloñadi chiwunakunkabishila ami kambuñeyi? Muloñadi chiwunabulili kuntiyila kuwaha hakwila wuntwiki chiteli chakwakamena awa antu ejima?+

15 Neyi ichi dichiwukuñilaña, mwani njahi chochichi.+ Neyi wunakuntiya kuwaha, bayi wuñiteja kumona yihuñu yikwawuku.”

3 Chatiyiliyi awa mazu watiyili woma, dichi wanyamukili nakutemuka kulonda apulwishi wumi windi.+ Washikili kuBeyerisheba,+ musumba waYuda+ nawa washiyili mukakumukalakela kwenoku. 4 Wendeli lwendu lwefuku dimu kuya mwisaña, dichi washikili nawa washakamini mwishina dachiputa nawa walombeli nindi afwi.* Wahosheli nindi: “Kunahu! Ichi dinu eyi Yehova, njahi*+ muloña ami hinnabadiki ankakulula jamiku.”

16 Wumi wami nawuheli chikupu;+ hinnakukeña kutwalekahu kuhandaku.

Nleki kwami, muloña mafuku ami adi neyi muuya.+

2 Dichi walombeli kudi Yehova nindi: “Eyi Yehova, talaña, komana ichi hidichuma chinakamineña hinadiña mwituña detuku? Dichaletesheli nitemukili kuTashishi+ hakusambila; muloña eyi wukweti wushona* nawa wudi Nzambi waluwi, hiwazuwaña swayiku nawa wavulisha kukeña kwakashinshi,+ watiyaña kutama yihuñu. 3 Ichi dinu eyi Yehova, mwani njahi hohu, muloña chikuwaha ami kufwa kubadika kuhanda.”+