10 “Yehova Nzambi yeyi chakakutwalayi mwituña dasanyikiliyi kudi ankakulula jeyi aAbarahama, Isaka niYakoba kukwinka,+ nyisumba yamaneni nawa yayiwahi yiwabulili kutuña,+ 11 matala enzala yuma yejima yayiwahi yashiyashana yiwabulili kukalakela, mashima akupokola mumalola iwabulili kupokola, matempa anyivinyu ninyitondu yanyiolivi jiwabulili kudima, nawa chiwakela wunadi dehi nakwikuta,+ 12 wakababali kulonda wakabuli kuvulamena Yehova+ wakufumishili mwituña daEjipitu, mwitala dawuduñu.

 4 Bayi wudizeyesha nakufwila kuhetaku.+

Lekaku nawa mwekeshaku kashinshi.*

19 “Lekenu kudilumbikila maheta hamaseki+ hekala tububu nindala janoñeshaña nawa hekala amakombi eñilaña nakwiya.

24 “Kwosi muntu wunateli kwikala nduñu wawanyanta ayediku; muloña wukuhelahu wumu nakukeñahu mukwawu,+ hela wukukakelahu wumu nakusekeshahu mukwawu. Himunateli kukalakela Nzambi niMahetaku.+

36 Mwamweni, chumanyi chikuwaninamu muntu neyi aheta kaayi kejima ilaña ajimbesha wumi windi?+

15 Kufumahu, wayilejeli nindi: “Tonenuña nawa tondolwelenuña lwisu* lwejima,+ muloña hela chakwila muntu wukweti yuma yayivulu nankashi, wumi windi hiwashindamena hayuma yahetayiku.”+

17 Wuyilejeña antu aheta munshakaminu yamakonu* neyi bayi adivwimbeña nikukuhwelela mumaheta anoñañaku,+ ilaña akuhweleleña mudi Nzambi, watwinkaña chikupu yuma yejima yitwadiluñishaña.+

16 muloña yuma yejima yidi mukaayi, dikwila nawu yuma yafwilaña mujimba,+ yuma yafwilaña mesu+ nikudisamba nayuma yikwetiyi* muntu, hiyafumaña kudi Tataku, ilaña yafumaña mukanu kaayi.