• Isamu 15:1-5
    Bayibolu yaNsona jaKaayi Kakaha

    • 15 Eyi Yehova, hinyi wunateli kwikala mwenyi mwitenti deyi?

      Hinyi wunateli kushakama mumpidi yeyi yajila?+

       2 Muntu wunakwenda chakadi hakumwinkela muloña,*+

      Wunakwila yuma yaloña+

      Nawa wunakuhosha chalala mumuchima windi.+

       3 Hatwambilaña akwawu nedimi dindiku,+

      Hamwilaña ntuñi nindi katamaku,+

      Nawa hasawulaña amabwambu jindiku.+

       4 Wadikundaña namuntu watama wanyi,+

      Ilaña walemeshaña antu amutiyaña Yehova woma.

      Welaña mwashiikañayi,* hela chakwila munakali ñahi.+

       5 Hakongweshaña mali indi kulonda atambwilihu mali amakwawuku,+

      Nawa hatambulaña majika kanwa akufwisha nachu muntu wakadi muloñaku.+

      Muntu wejima welaña yumiyi wakanyinkeshewa wanyi.*+

  • Isamu 84:1-4
    Bayibolu yaNsona jaKaayi Kakaha

    • 84 Ochiyasweja lubanji* tabanaka yeyi yeneni,+

      Eyi Yehova wamazaza!

       2 Wumi wami wafwilaña chikupu,

      Eña, nahwidili nakukeñesha,

      Malubanza aYehova.+

      Muchima wami nimujimba wami jadikuwaña namuzañalu kudi Nzambi wamumi.

       3 Nikada kawanaña mwakushakama mwenomu

      Nawa kambimbi kawanañamu chisakala chaku,

      Mukahembelaña anyanaku

      Kukamwihi nakameña keyi keneni, eyi Yehova wamazaza,

      Mwanta wami nawa Nzambi yami!

       4 Adi namuzañalu wowu anakushakama mwitala deyi!+

      Atwalekañahu kukushimeka.+ (Sela)