22 Dichi Eli washinakajili chikupu, ilaña watiyileña yuma yejima yakoñeleñawu anyanindi+ awamayala kudi aIsarela ejima nichakaamineñawu nawanyana awambanda azatilileña kuwiñililu wakwitenti dakubulakena.+ 23 Wadiña nakuyila nindi: “Muloñadi chimunatwalekelihu kukoña yuma yamuchidiwu? Muloña yuma yinnakutiya yinakuhoshawu antu ejima hadi enu yatama. 24 Inehi anyanami, oyu nsañu yinnakutiya hakachi kawantu jaYehova yayiwahi wanyi. 25 Neyi muntu amuvulumuna mukwawu, mukwawu wukumwimenaku* kudi Yehova; ilaña neyi muntu amuvulumuna Yehova,+ hinyi wunateli kumulombelaku?” Ilaña wena akaanineña kumutiyilila tata yawu, muloña Yehova wafuukwili kuyijaha.+

8 Samweli chashinakajiliyi, watondeli anyanindi awamayala kulonda ekali ansompeshi awaIsarela. 2 Ijina dawedi windi wadiña Yoweli nawa ijina damwanindi wamuchiyedi wadiña Abiya;+ adiña ansompeshi muBeyerisheba. 3 Ilaña anyanindi hiyendeleña munjila jindiku; afwilileña kuheta munjila yawupwapoki,+ etejeleña majika kanwa+ nawa aheñesheleña wuñanji.+

14 Hohenohu Davidi walejeli ambuñindi ejima adiñayi nawu muYerusalema nindi: “Nyamukenu, tuyenu tutemuki,+ muloña kwosi niwumu hakachi ketu wukupuluka kudi Abisalomiku! Nyakalenu, neyi nehi keña atuwani atuleteli kukala nikutapa musumba nampoku yakabali!”+