12 Yehova asompi hakachi kaneyi nanami,+ nawa Yehova antendi kudi eyi,+ ilaña chikasa chami hichakakwimakena eyiku.+ 13 Neyi chahosha chishimu chakushankulu nawu, ‘Kutama kwafumaña kudi akakutama,’ ilaña chikasa chami hichakakwimakena eyiku.

8 Dichi Abishayi wamulejeli Davidi nindi: “Dalelu Nzambi namuhani chilumbu cheyi muchikasa cheyi.+ Dichi, mwani ñiiteji nimulamiki heseki neyoña kamu hohu, hinukumwaasa kayediku.” 9 Hela chochu, Davidi wamulejeli Abishayi nindi: “Bayi wumukatishaku, muloña hinyi wunateli kwolola chikasa chindi nakutapa wawayishewa waYehova+ nakwikala wakadi muloña?”+ 10 Davidi watwalekelihu nindi: “Kwesekeja nachahandayi Yehova, Yehova yomweni wakamubabesha,+ hela ifuku dindi dakufwa dakashika,+ indi kwiji wakaya kunjita nawa dikwakafwilayi.+