• Isaya 9:7
    Bayibolu yaNsona jaKaayi Kakaha

    •  7 Chiyuulu* chindi chikatohelañaku

      Nikuwunda kwindi kwakakuma wanyi,+

      Hetanda daDavidi+ nihawanta windi

      Kulonda akawukoleshi chikupu+ nikuwuhemba

      Nawuñanji+ nikuloña,+

      Kufuma yinu mpinji nihaya nyaaka.

      Iyena daYehova wamazaza didakakoña chumichi.

  • Isaya 11:4, 5
    Bayibolu yaNsona jaKaayi Kakaha

    •  4 Antu abula kulema wakayisompesha mwamuwahi,

      Nawa antu amwovu ahamaseki wakayizuwililaku nakwoloka.

      Waketa iseki nambwechi yakanwa kindi+

      Nawa antu atama wakayijaha namuuya wakunyivumbu yindi.+

       5 Kuloña kwakekala muya wamumbunda yindi,

      Nawa kashinshi nikena kakekala muya wamumbunda yindi.+

  • Zekariya 9:9
    Bayibolu yaNsona jaKaayi Kakaha

    •  9 Eyi mwana kaZiyona wamumbanda, zañalalaku chikupu.

      Eyi mwana kaYerusalema wamumbanda, dikuwi namuzañalu.

      Tiyaña! Mwanta weyi nakwinza kudi eyi.+

      Waloña, nakuleta wamwinu,*

      Wadizoza+ nawa nakwendela hachimbuulu,

      Hamwana kachimbuulu,* mwana kachimbuulu mukaji.+