• Isaya 63:1-3
    Bayibolu yaNsona jaKaayi Kakaha

    • 63 Hinyi iwu wunakwinza kufuma kuEdomi,+

      Kufuma kuBozira+ iku navwali yakuvwala yawulombu watamuka,*

      Iwu wunavwali yakuvwala yalubanji,

      Wunakwenda nañovu jindi jasweja?

      “Yami, Owu wunakuhosha mukuloña,

      Wukweti ñovu jasweja jakwamwina.”

       2 Wunavwalilidi yakuvwala yichinana,

      Nawa muloñadi yakuvwala yeyi chiyinakumwekena neyi yamuntu wunakukamuna vinyu?+

       3 “Nadatola muwukamwinu wavinyu nkawami.

      Kwosi muntu hela wumu wadiña nanamiku.

      Natwalekahu kuyidatola nakuhila kwami,

      Nawa natwalekahu kuyichika nakuzuwa kwami.+

      Mashi awu asampokela kuyakuvwala yami,

      Nawa nakoweshi yakuvwala yami yejima.

  • Obadiya 8, 9
    Bayibolu yaNsona jaKaayi Kakaha

    •  8 Hanodu ifuku,” dichinahoshiyi Yehova,

      “Komana hinakayijilumuna akamaana amuEdomi+

      Niakweti kashinshi ekala mwiluña damapidi daEsawuku?

       9 Nawa amashidika eyi akatiya woma,+ eyi Temani,+

      Muloña antu ejima adi mwiluña damapidi daEsawu akayitapa nakuyijilumuna.+