-
Isaya 2:2, 3Bayibolu yaNsona jaKaayi Kakaha
-
-
2 Mumafuku akukuminina,
Mpidi yetala daYehova
Akayishimatisha chikupu hewulu damapidi,+
Nawa akayisompwesha kubadika tupidi,
Nawa kwenoku dikwakahwila nyuza yejima.+
3 Nawa antu amavulu ashiyashana akaya nawa akahosha nawu:
“Twayenu tukanduki kumpidi yaYehova,
Kwitala daNzambi yaYakoba.+
Yena wakatuleja njila jindi,
Nawa tukenda munjila jindi.”+
-
-
Isaya 56:6, 7Bayibolu yaNsona jaKaayi Kakaha
-
-
6 Hakwila añiinza adihanaña awenawu kudi Yehova kulonda amukalakeli,
Akeñi ijina daYehova+
Nikwikala ambuñindi,
Ejima ahembaña Sabata nawa abulaña kuyijilola
Niakakelaña kuchitiyañenu chami,
7 Niwena nakayileta kumpidi yami yajila+
Nawa nakayizañaleshela mukachi ketala dami dakulombela.
Nyilambu yawu yamukuma yakushita ninyilambu yawu yikwawu nakayiteja hakameña kami.
Muloña itala dami akaditena nawu itala dakulombelamu antu ejima.”+
-
-
Mika 4:1, 2Bayibolu yaNsona jaKaayi Kakaha
-
-
4 Mumafuku akukuminina,
Mpidi yetala daYehova+
Akayishimatisha chikupu hewulu damapidi,
Nawa akayisompwesha kubadika tupidi,
Nawa kwenoku dikwakahwila antu.+
2 Nawa nyuza yayivulu yakaya nawa yakahosha nawu:
“Twayenu tukanduki kumpidi yaYehova,
Nikwitala daNzambi yaYakoba.+
Yena wakatuleja njila jindi,
Nawa tukenda munjila jindi.”
Muloña nshimbi* yakafuma muZiyona,
Nawa izu daYehova dakafuma muYerusalema.
-
-
Zekariya 8:22, 23Bayibolu yaNsona jaKaayi Kakaha
-
-
22 Nawa antu amavulu ashiyashana ninyuza yañovu akenza nakumukeñakeña Yehova wamazaza muYerusalema+ nawa akalemba nawu ayitiyili luwi* kudi Yehova.’
23 “Yehova wamazaza nahoshi nindi, ‘Munowu mafuku amayala 10 kufuma kumadimi ejima amunyuza+ akakwata, eña, akakwata chikupu kumunkukumba* wakaYudeya,* nakuhosha nawu: “Tunakukeña kuya nenu,+ muloña tunatiyi nawu Nzambi wudi nanenu.”’”+
-