9 Wocheli itala daYehova,+ itala* damwanta+ nimatala ejima amuYerusalema;+ wocheli niitala deyala wejima walema.+ 10 Nawa mpwembu janyeñumukili Yerusalema ajihumwini kudi mashidika awaKalideya ejima owu adiña namukulumpi wawatulama.+ 11 Nebuzaradani mukulumpi wawatulama wasendeli antu ejima ashalili mumusumba nakuyitwala muwunkoli, antu ejima ayili nakudibomba namwanta wakuBabiloni niantu amakwawu ashalilihu.+

17 Dichi wayileteleli mwanta wawaKalideya,+ nawa yena wajahili anyikwenzi jawu nampoku yakabali+ mwitala dawu dajila.+ Hatiyilili wushona mukwenzi hela mujiki,* kashinakaji hela wakataku.+ Nzambi wahanini yuma yejima muchikasa chindi.+

19 Wocheli itala daNzambi walala,+ wahumwini mpwembu yaYerusalema,+ wocheli tuposhi twaYerusalema twejima twakola nakesi nawa wakisañeni yuma yejima yalema wuseya.+

3 Aakwili nawu: “Antu anashali mukabeta owu anabuli kukwatawu wunkoli anakukabakana nankashi nikusawuka.+ Mpwembu jaYerusalema anajihumoni+ niyiisu yayu anayochi nakesi.”+

13 Wocheli itala daYehova,+ itala* damwanta nimatala ejima amuYerusalema; wocheli nimatala ejima amaneni. 14 Nawa mpwembu janyeñumukili Yerusalema ajihumwini kudi mashidika awaKalideya ejima owu adiña namukulumpi wawatulama.+

15 Nebuzaradani mukulumpi wawatulama wasendeli antu amakwawu akehelamu niejima ashalili mumusumba nakuyitwala muwunkoli. Wasendeli cheñi niantu ayili nakudibomba namwanta wakuBabiloni kushilahu niakawukalawenu ejima elukisha nyidimu.+