• 2 Anyanta 24:17-20
    Bayibolu yaNsona jaKaayi Kakaha

    • 17 Mwanta wakuBabiloni wamudiishili Mataniya tata yaYehoyakini+ wakansi wanta, nawa wamuhimpili ijina nakumutuumba nindi Zedekiya.+

      18 Zedekiya wadiña nayaaka 21 hekaliliyi mwanta nawa wayuulili yaaka 11 muYerusalema. Ijina damama yindi dadiña Hamutali+ mwana kaYeremiya wakuLibina. 19 Watwalekelihu kukoña yuma yatama kumesu aYehova kwesekeja nayuma yejima yakoñeliyi Yehoyakimi.+ 20 Yumiyi yamwekeni muYerusalema nimuYuda muloña wakuzuwa kwaYehova sampu nichayifumishiliyi kumesu indi.+ Nawa Zedekiya wadikañili namwanta wakuBabiloni.+

  • 2 Kushindulula 36:11, 12
    Bayibolu yaNsona jaKaayi Kakaha

    • 11 Zedekiya+ wadiña nayaaka 21 hekaliliyi mwanta nawa wayuulili yaaka 11 muYerusalema.+ 12 Watwalekelihu kukoña yuma yatama kumesu aYehova Nzambi yindi. Hadizozeli kumesu akaprofwetu Yeremiyaku,+ owu wahosheli kwesekeja nachamulejeliwu kudi Yehova.