• Kwidika 32:13
    Bayibolu yaNsona jaKaayi Kakaha

    • 13 Anukaku ambuñeyi aAbarahama, Isaka niIsarela. Wasanyikili nakuyileja neyi: ‘Nakayivulishila anyanenu* neyi tutumbwa twamumawulu+ nawa nakayinka anyanenu* idi ituña dejima dinnafuukuli kuyinkadu kulonda akaditambuli dakekali iheta dawu dahaya nyaaka.’”+

  • ALevi 26:41, 42
    Bayibolu yaNsona jaKaayi Kakaha

    • 41 Ninami nendeli nakudikaña nawena+ nanochu chinayileteli mwituña dawayilumbu jawu.+

      “‘Hadaha nyichima yawu yabula kwalama* yakadizoza,+ kuhiñahu dinu akafweta hachiluwa chawu. 42 Nawa nakanuka chitiyañenu chami chinatiyañeni naYakoba+ nichinatiyañeni naIsaka.+ Nakanuka nichitiyañenu chinatiyañeni naAbarahama+ nawa nakanuka ituña.

  • Isamu 106:43-45
    Bayibolu yaNsona jaKaayi Kakaha

    • 43 Wayipulwishili mapampa amavulu,+

      Ilaña adiña nakudikaña nikubula kwovwahila,+

      Nawa adiña nakuyizeyesha muloña wayiluwa yawu.+

      44 Ilaña wamweneña yihuñu yawu+

      Nawa watiyileña kudila kwawu kwakulomba wukwashu.+

      45 Muloña wawena, wadiña nakwanuka chitiyañenu chindi,

      Nawa wadiña nakuyitiyila wushona,* muloña wakukeña kwindi kwakashinshi kwasweja.*+