• 2 Anyanta 25:6, 7
    Bayibolu yaNsona jaKaayi Kakaha

    • 6 Kufumahu, mwanta amukwatili nawa amukandwishili nakumuleta kudi mwanta+ wakuBabiloni kuRibila nawa amusompesheli. 7 Ajahili anyana kaZedekiya awamayala iku nakutalaku; kufumahu, Nebukaneza wamuputishili Zedekiya mesu, wamuhatili mumpompa jawuneñu nawa wamuleteli muBabiloni.+

  • Yeremiya 37:17
    Bayibolu yaNsona jaKaayi Kakaha

    • 17 Kuhiñahu, Mwanta Zedekiya watemesheli antu kuya nakumuleta, nawa mwanta wamwihujoleli mukuswamujoka mwitala* dindi.+ Wamwihwili nindi, “Kudihu izu dinafumi kudi Yehova?” Yeremiya waakwili nindi, “Didi kwoku!” nawa watwalekelihu nindi, “Akakuhana muchikasa chamwanta waBabiloni!”+

  • Yeremiya 39:5-7
    Bayibolu yaNsona jaKaayi Kakaha

    • 5 Ilaña njita yawaKalideya yayikumpishili, nawa Zedekiya amuwaninini muyana yachinkalampata yaYeriku.+ Amukwatili nakumutwala kudi Mwanta Nebukaneza* wakuBabiloni kuRibila+ mwituña daHamati,+ kwamusompesheleliyi. 6 Mwanta waBabiloni wajahili anyana kaZedekiya kuRibila iku yena nakutalaku, nawa mwanta waBabiloni wajahili antu ejima alema amuYuda.+ 7 Dichi waputishili mesu aZedekiya, kufumahu wamuhatili mumpompa jawuneñu nakumutwala kuBabiloni.+

  • Yeremiya 52:9-11
    Bayibolu yaNsona jaKaayi Kakaha

    • 9 Kufumahu, mwanta amukwatili nawa amukandwishili nakumuleta kudi mwanta wakuBabiloni kuRibila mwituña daHamati nawa wamusompesheli. 10 Nawa mwanta wakuBabiloni wajahili anyana kaZedekiya awamayala iku nakutalaku, wajahili niatulamba ejima amuYuda kwenoku kuRibila. 11 Kuhiñahu, mwanta wakuBabiloni wamuputishili Zedekiya mesu,+ wamuhatili mumpompa jawuneñu, wamuleteli muBabiloni nawa wamushili mukaleya kushika niifuku dafwiliyi.