• 2 Kushindulula 28:18
    Bayibolu yaNsona jaKaayi Kakaha

    • 18 AFilisitinu+ niwena alukukili nyisumba yamuShefela+ niyamuNegebi maluña amuYuda nawa atambwili Betishemeshi,+ Ayiyaloni,+ Gederoti, Soko nimatawuni* anyeñumukiliku, Timina+ nimatawuni anyeñumukiliku niGimizo nimatawuni anyeñumukiliku; nawa ashakamini mwenomu.

  • Isaya 9:11, 12
    Bayibolu yaNsona jaKaayi Kakaha

    • 11 Yehova wakamuletela Rezini akankunyi nindi kulonda akamulukuki

      Nawa wakayisañumuna ayilumbu jindi kulonda akamulukuki,

      12 Siriya kufuma kumusela nawa aFilisitinu kufuma kumujika,*+

      Akaasama mutunwa twawu nakumuda Isarela.+

      Hamuloña wayuma yejimiyi, kuzuwa kwindi hikunafwomokiku,

      Ilaña chikasa chindi chichidi choloka kulonda chiyibabeshi.+

  • Isaya 14:29
    Bayibolu yaNsona jaKaayi Kakaha

    • 29 “Eyi Filisitiya ninenu ashakamamu, bayi muzañalalaku,

      Nanochu chineli mukombu wanowu wunakuyeta anawukotoli.

      Muloña kumuji wakapela kwakafuma kapela+ kawulembi,+

      Nawa mwanindi wakekala kapela kakesi katuukaña.*

  • Yoweli 3:4-6
    Bayibolu yaNsona jaKaayi Kakaha

    •  4 Nawa, eyi Tira niSidoni ninenu maluña ejima aFilisitiya,

      Munakukeñadi kudi ami?

      Kudi chuma chimunakukeña kunfweta hachuma chatama chinayikoña?

      Neyi munakunfweta,

      Nukunyakala swayi-swayi kuleta wufwetu wenu hanyitu yenu.+

       5 Chineli munasendi siliva yami niwuru,+

      Nawa munaleti maheta ami amawahi nankashi mutembeli jenu;

       6 Nawa antu amuYuda nimuYerusalema munayilandishi kudi aGiriki,+

      Kulonda muyitwali kwakulehi neluña dawu;