28 Yesu wayilejeli nindi: “Inakuyileja chalala nami, hakuleña yuma chachiha, hakashakamayi Mwana kamuntu hetanda dakulema kwindi, enu munanlondeli mwakashakama hamatanda 12 nakusompesha nyichidi 12 yaIsarela.+

29 nawa ami natiyañani nanenu kuyuula muwanta, neyi Tata yami chatiyañeniyi nanami,+

6 nawa watwilishili twiikali wanta,+ atupristu+ kudi Nzambi yindi nawa Tata, eña, kudi yena kwiikali kulema niñovu haya nyaaka. Ameni.

21 Muntu wukwimika mushindu+ nakamwiteja kushakama hamu nanami hetanda dami,+ neyi chinemikili mushindu nakushakama+ naTata yami hetanda dindi.

9 Nawa embili kamina+ kakaha nawu: “Eyi watelela kutambula muvuñilu nikulamuna yilamiku yawu, muloña akujahili nawa wamulandilili Nzambi antu+ namashi eyi kufuma munyichidi yejima, mumadimi ejima, mudi antu ejima nimunyuza yejima.+ 10 Wenawa wayilishili kwikala wanta+ niatupristu aNzambi yetu+ nawa akayuula neyi anyanta+ hamaseki hejima.”

4 Namweni matanda, nawa owu ashakaminihu ayinkeli wuswa wakusompesha. Namweni mawumi* anowu ajahiliwu* kukoola wunsahu washimwiniwu hadi Yesu nikukoola kuhosha hadi Nzambi, ninowu abulili kudifukula kudi kanyama wazuwa hela kuchifwikija chindi nawa abulili kwiteja kuyisha chinjikijilu hamahama nihamakasa awu.+ Ekalili amomi cheñi nawa ayuulili neyi anyanta hamu naKristu+ hadi yaaka 1,000.