KUSHINDULULA WATACHI

5 Anyana kaYafweta awamayala adiña Goma, Magogi, Madayi, Yavani,+ Tubali, Misheki+ niTirasi.+

6 Anyana kaGoma awamayala adiña Ashikenazi, Rifati niTogama.+

7 Anyana kaYavani awamayala adiña Elayisha, Tashishi, Kitimi niRodanimi.

8 Anyana kaHami awamayala adiña Kushi,+ Mizirayimi, Pati+ niKenani.

9 Anyana kaKushi awamayala adiña Seba,+ Havila, Sabita, Rayama+ niSabiteka.

Anyana kaRayama awamayala adiña Sheba niDedani.+

10 Kushi wavweli Nimurodi.+ Nimurodi diyi wadiña watachi kwikala mukañovu nankashi hamaseki.

11 Mizirayimi wavweli Ludimi,+ Anamimi, Lehabimi, Nafutuhimi,+ 12 Patirusimi,+ Kasaluhimi (mwafumini aFilisitinu)+ niKafitori.+

13 Kenani wavweli Sidoni,+ wedi windi, niHeti,+ 14 kushilahu niaYebusi,+ aAmori,+ aGirigashi,+ 15 aHivi,+ aAraki, aSini, 16 aArivadi,+ aZemari niaHamati.

18 Arapakishadi wavweli Shela+ nawa Shela wavweli Eberi.

19 Eberi wavweli anyana ayedi awamayala. Ijina damwana wumu wadiña Pelegi,*+ muloña mumpinji yakuhanda kwindi dimwapalañesheleliwu antu hamaseki.* Ijina damanakwindi wadiña Yokitani.

20 Yokitani wavweli Alimodadi, Shelefi, Hazamaveti, Yera,+ 21 Hadorami, Uzali, Dikila, 22 Obali, Abimayeli, Sheba, 23 Ofiri,+ Havila+ niYobabi; awa ejima adiña anyana kaYokitani awamayala.

28 Anyana kaAbarahama awamayala adiña Isaka+ niIshimayeli.+

29 Ichi dichatachikili yisaka yawu: Wedi waIshimayeli wadiña Nebayoti,+ halondela Kedari,+ Adibiyeli, Mibisami,+ 30 Mishima, Duma, Masa, Hadadi, Tema, 31 Yeturi, Nafishi niKedema. Awa diwu adiña anyana kaIshimayeli awamayala.

32 Ketura,+ ntombu* yaAbarahama, anyana awamayala avweliyi adiña Zimirani, Yokishani, Medani, Midiyani,+ Ishibaki niShuwa.+

Anyana kaYokishani awamayala adiña Sheba niDedani.+

33 Anyana kaMidiyani awamayala adiña Efa,+ Eferi, Hanoki, Abida niElidaya.

Awa ejima adiña anyana kaKetura.

34 Abarahama wavweli Isaka.+ Anyana kaIsaka awamayala adiña Esawu+ niIsarela.+

35 Anyana kaEsawu awamayala adiña Elifazi, Ruweli, Yewushi, Yalami niKora.+

36 Anyana kaElifazi awamayala adiña Temani,+ Omari, Zefo, Gatami, Kenazi, Timina niAmaleki.+

37 Anyana kaRuweli awamayala adiña Nahati, Zera, Shama niMiza.+

38 Anyana kaSeyiri+ adiña Lotani, Shobali, Zibeyoni, Ana, Dishoni, Ezeri niDishani.+

39 Anyana kaLotani awamayala adiña Hori niHomami. Muhela aLotani wadiña Timina.+

40 Anyana kaShobali awamayala adiña Alivani, Manahati, Ebali, Shefo niOnami.

Anyana kaZibeyoni awamayala adiña Aya niAna.+

41 Mwana* avweliwu kudi Ana wadiña Dishoni.

Anyana kaDishoni awamayala adiña Hemidani, Eshibani, Itirani niKerani.+

42 Anyana kaEzeri+ awamayala adiña Bilihani, Zayavani niAkani.

Anyana kaDishani awamayala adiña Uzi niArani.+

43 Awa diwu anyanta ayuulili mwituña daEdomi+ henohu aIsarela* kanda ekali namwanta wudi wejima wakuyiyuula:+ Bela mwana kaBeyori; ijina damusumba windi wadiña Dinihaba. 44 Bela chafwiliyi, Yobabi mwana kaZera wakuBozira+ wamuswanini nakutachika kuyuula. 45 Yobabi chafwiliyi, Hushami wakwituña dawaTemani wamuswanini nakutachika kuyuula. 46 Hushami chafwiliyi, Hadadi mwana kaBedadi wemikili mushindu aMidiyani mwiluña* daMowabi, wamuswanini nakutachika kuyuula. Ijina damusumba windi wadiña Aviti. 47 Hadadi chafwiliyi, Samila wakuMasireka wamuswanini nakutachika kuyuula. 48 Samila chafwiliyi, Shawuli wakuRehoboti kwakwihi naKaloña, wamuswanini nakutachika kuyuula. 49 Shawuli chafwiliyi, Bayali Hanani mwana kaAkibori wamuswanini nakutachika kuyuula. 50 Bayali Hanani chafwiliyi, Hadadi wamuswanini nakutachika kuyuula. Ijina damusumba windi wadiña Pawu nawa ijina dañodindi wadiña Mehetabeli mwana kaMatiredi, Matiredi mwana wamumbanda avweliwu kudi Mezahabi. 51 Kufumahu, Hadadi wafwili.

Antwamina* jaEdomi adiña Ntwamina Timina, Ntwamina Aliva, Ntwamina Yeteti,+ 52 Ntwamina Oholibama, Ntwamina Ela, Ntwamina Pinoni, 53 Ntwamina Kenazi, Ntwamina Temani, Ntwamina Mibizari, 54 Ntwamina Magidiyeli niNtwamina Irami. Awa diwu adiña antwamina jaEdomi.

2 Awa diwu adiña anyana kaIsarela awamayala:+ Rubeni,+ Simiyoni,+ Levi,+ Yuda,+ Isakari,+ Zebuluni,+ 2 Dani,+ Yosefu,+ Benjamini,+ Nafitali,+ Gadi+ niAsheri.+

3 Anyana kaYuda awamayala adiña Eri, Onani niShela. Awa anyana asatu wayivweleleli mudi mwana kaShuwa, mumbanda wakuKenani.+ Ilaña Eri, mwana kaYuda wawedi wamutiyishileña Yehova kutama, dichi wamujahili.+ 4 Tamari,+ muku waYuda wamumbanda wamuvweleleli Yuda aPerezi+ naZera. Anyana awamayala ejima avweliwu kudi Yuda adiña atanu.

5 Anyana kaPerezi awamayala adiña Hezironi niHamuli.+

6 Anyana kaZera awamayala adiña Zimiri, Etani, Hemani, Kalikoli niDara. Ejima wawu hamu adiña atanu.

7 Mwana* kaKarimi wadiña Akari,* owu waleteli kukala* hadi Isarela,+ wabulili kumwekesha kashinshi nayuma yateleleli kujilumunawu.+

8 Mwana* kaEtani wadiña Azariya.

9 Anyana kaHezironi awamayala adiña Yerameyeli,+ Rami+ niKelubayi.*

10 Rami wavweli Aminadabi.+ Aminadabi wavweli Nashoni+ nlomboli waamuchisaka chaYuda. 11 Nashoni wavweli Salima.+ Salima wavweli Bowazi.+ 12 Bowazi wavweli Obedi. Obedi wavweli Yesi.+ 13 Yesi wavweli Eliyabi mwanindi wawedi, wamuchiyedi Abinadabi,+ wamuchisatu Shimeya,+ 14 wamuchiwana Netaneli, wamuchitanu Radayi, 15 wamu 6 Ozemi nawa wamu 7 Davidi.+ 16 Ahela jawu adiña Zeruwiya niAbigayili.+ Anyana kaZeruwiya awamayala asatu adiña Abishayi,+ Yowabi+ niAsaheli.+ 17 Abigayili wavweli Amasa+ nawa tata yaAmasa wadiña Yeteri kaIshimayeli.

18 Kalebu* mwana kaHezironi, wavweli anyana awamayala mudi ñodindi Azuba nimudi Yeriyoti; nawa awa diwu adiña anyanindi awamayala: Yesheri, Shobabi niAdoni. 19 Azuba chafwiliyi, Kalebu wasumbwili Efurati+ nawa wamuvweleleli Kalebu Huri.+ 20 Huri wavweli Uri. Uri wavweli Bezaleli.+

21 Mukuhita kwampinji, Hezironi wakaamini namwana wamumbanda avweliwu kudi Makiri+ tata yaGiliyadi.+ Hamusumbwiliyi, Hezironi wadiña nayaaka 60 nawa iwu mumbanda wamuvweleleli Hezironi Segubi. 22 Segubi wavweli Yayiri,+ wadiña nanyisumba 23 mwituña daGiliyadi.+ 23 Chimwahitili mpinji, aGeshuri+ niaSiriya+ atambwili Havoti+ Yayiri kudi awa antu hamu niKenati+ nimatawuni* anyeñumukiliku, nyisumba 60. Awa ejima adiña amuchisaka chaMakiri tata yaGiliyadi.

24 Chafwiliyi Hezironi+ muKalebu Efurata, Abiya ñoda Hezironi wamuvweleleli Hezironi Ashuri+ tata yaTekowa.+

25 Anyana awamayala owu avweliwu kudi Yerameyeli wedi waHezironi, adiña Rami wedi windi, Buna, Oreni, Ozemi niAhiya. 26 Yerameyeli wadiña namumbanda mukwawu wejina daAtara. Diyi wadiña mama yaOnami. 27 Anyana awamayala avweliwu kudi Rami mwana kaYerameyeli wawedi adiña Mayazi, Yamini niEkeri. 28 Anyana kaOnami awamayala adiña Shamayi niYada. Anyana kaShamayi adiña Nadabi niAbishuri. 29 Ijina dañoda Abishuri wadiña Abihayili, owu wamuvweleleli Abani niMolidi. 30 Anyana kaNadabi awamayala adiña Seledi niApayimi. Ilaña Seledi wafwili chakadi kuvwalahu anyana awamayala. 31 Mwana* kaApayimi wadiña Ishi. Nawa mwana* kaIshi wadiña Sheshani, nawa mwana* kaSheshani wadiña Alayi. 32 Anyana awamayala avweliwu kudi Yada mana kwaShamayi adiña Yeteri niYonatani. Ilaña Yeteri wafwili chakadi kuvwalahu anyana awamayala. 33 Anyana kaYonatani awamayala adiña Pileti niZaza. Awa adiña amuchisaka chaYerameyeli.

34 Sheshani hadiñahu nawanyana awamayalaku, chiña awambanda hohu. Dichi Sheshani wadiña nañamba mwini Ejipitu wejina daYaha. 35 Sheshani wahanini mwanindi wumu wahadi anyanindi awambanda kudi kambuñindi Yaha kulonda ekali ñodindi nawa iwu mumbanda wamuvweleleli Atayi. 36 Atayi wavweli Natani. Natani wavweli Zabadi. 37 Zabadi wavweli Efilali. Efilali wavweli Obedi. 38 Obedi wavweli Yehu. Yehu wavweli Azariya. 39 Azariya wavweli Helezi. Helezi wavweli Eleyasa. 40 Eleyasa wavweli Sisimayi. Sisimayi wavweli Shalumi. 41 Shalumi wavweli Yekamiya. Yekamiya wavweli Elishama.

42 Anyana kaKalebu*+ awamayala mana kwaYerameyeli adiña Mesha mwanindi wawedi, wavweli Zifi nianyana kaMaresha awamayala tata yaHebironi. 43 Anyana kaHebironi awamayala adiña Kora, Tapuwa, Rekemi niShema. 44 Shema wavweli Rahami tata yaYokeyami. Rekemi wavweli Shamayi. 45 Mwana kaShamayi wadiña Mawoni. Mawoni wavweli Betizuri.+ 46 Efa, ntombu* yaKalebu wavweli Harani, Moza niGazezi. Harani wavweli Gazezi. 47 Anyana kaYahidayi awamayala adiña Regemi, Yotamu, Geshani, Peleti, Efa niShayafi. 48 Mayaka, ntombu* yaKalebu wavweli Sheberi niTihana. 49 Mukuhita kwampinji, iwu mumbanda wavweli Shayafi tata yaMadimana+ niSheva tata yaMakibena niGibeya.+ Mwana kaKalebu+ wamumbanda wadiña Akisa.+ 50 Awa diwu adiña amuchisaka chaKalebu.

Anyana awamayala avweliwu kudi Huri+ wedi waEfurata+ adiña Shobali tata yaKiriyati Yeyarimi,+ 51 Salima tata yaBetelemi+ niHarefi tata yaBetigaderi. 52 Shobali tata yaKiriyati Yeyarimi wadiña nanawa anyana awamayala: Harowe nichibalu chaMenuhoti. 53 Yisaka yaKiriyati Yeyarimi yadiña aItiri,+ aPati, aShumati niaMishirayi. Mudi awa dimwafumini aZorati+ niaEshitayoli.+ 54 Anyana kaSalima awamayala adiña Betelemi,+ aNetofa, Atarotibeti Yowabi, chibalu chaaManahati niaZori. 55 Yisaka yawansoneki ashakamineña kuYabezi yadiña, aTirati, aShimeyati niaSukati. Awa adiña aKeni+ owu afumini kudi Hamati tata yawantu amwitala daRekabi.+

3 Awa diwu anyana kaDavidi awamayala avweliyi muHebironi:+ Wedi wadiña Aminoni,+ mama yindi wadiña Ahinowami+ wakuYezireyeli; wamuchiyedi Danyeli, mama yindi wadiña Abigayili+ wakuKarimeli; 2 wamuchisatu Abisalomi,+ mwana kaMayaka mwana wamumbanda avweliwu kudi Talimayi mwanta wakuGeshuri; wamuchiwana Adoniya,+ mwana kaHagiti; 3 wamuchitanu Shefatiya, mama yindi wadiña Abitali; nawa wamu 6 Itireyami, mama yindi wadiña Egila ñoda Davidi. 4 Awa anyana 6 wayivweleleli muHebironi; wayuulili muHebironi yaaka 7 natukweji 6 nawa wayuulili muYerusalema yaaka 33.+

5 Awa diwu anyana avweliyi muYerusalema:+ Shimeya, Shobabi, Natani+ niSolomoni;+ mama yanawa anyana awana wadiña Batisheba+ mwana kaAmiyeli. 6 Nawa anyanindi amakwawu 9 awamayala adiña Ibihari, Elishama, Elifeleti, 7 Noga, Nefegi, Yafiya, 8 Elishama, Eliyada niElifeleti. 9 Awa ejima adiña anyana kaDavidi awamayala, kushilahu nianyana awamayala avweliwu kudi antombu* jindi, nawa Tamari+ diyi wadiña muhelawu.

10 Mwana kaSolomoni wadiña Rehobowami;+ Rehobowami wavweli Abiya,+ Abiya wavweli Asa,+ Asa wavweli Yehoshafati,+ 11 Yehoshafati wavweli Yehorami,+ Yehorami wavweli Ahaziya,+ Ahaziya wavweli Yehowashi,+ 12 Yehowashi wavweli Amaziya,+ Amaziya wavweli Azariya,+ Azariya wavweli Yotamu,+ 13 Yotamu wavweli Ahazi,+ Ahazi wavweli Hezekiya,+ Hezekiya wavweli Manasi,+ 14 Manasi wavweli Amoni,+ Amoni wavweli Yosiya.+ 15 Anyana kaYosiya awamayala adiña, wedi wadiña Yohanani,+ wamuchiyedi Yehoyakimi, wamuchisatu Zedekiya,+ wamuchiwana Shalumi. 16 Mwana kaYehoyakimi + wadiña Yekoniya, wavweli Zedekiya. 17 Anyana kaYekoniya kayili* awamayala adiña Sheyalitiyeli, 18 Malikirami, Pedaya, Shenaza, Yekamiya, Hoshama niNedabiya. 19 Anyana kaPedaya awamayala adiña Zerubabeli+ niShimeyi; nawa anyana kaZerubabeli adiña Meshulami niHananiya (nawa Shelomiti diyi wadiña muhelawu); 20 nawa anyana amakwawu awamayala atanu adiña Hashuba, Oheli, Berekiya, Hasadiya niYushabihesedi. 21 Nawa anyana kaHananiya awamayala adiña Pelatiya niYeshaya; mwana* kaYeshaya wadiña Refaya; mwana* kaRefaya wadiña Anani; mwana* avweliwu kudi Anani wadiña Obadiya; mwana* kaObadiya wadiña Shekaniya; 22 nawa anyana kaShekaniya awamayala adiña Shemaya, nawa anyana kaShemaya awamayala adiña: Hatushi, Igali, Bariya, Neyariya niShafati, ejima hamu adiña 6. 23 Nawa anyana kaNeyariya awamayala asatu adiña Eliyowenayi, Hizikiya niAzirikami. 24 Nawa anyana kaEliyowenayi awamayala 7 adiña Hodaviya, Eliyashibi, Pelaya, Akubi, Yohanani, Delaya niAneni.

4 Anyana kaYuda awamayala adiña Perezi,+ Hezironi,+ Karimi, Huri+ niShobali.+ 2 Reyaya mwana kaShobali wavweli Yahati; Yahati wavweli Ahumayi niLahadi. Iyi diyadiña yisaka yawaZorati.+ 3 Awa diwu adiña anyana awamayala avweliwu kudi tata yaEtami:+ Yezireyeli, Ishima niIdibashi (nawa ijina damuhelawu wadiña Hazeleliponi), 4 Penuweli wadiña tata yaGedori nawa Ezeri wadiña tata yaHusha. Awa diwu adiña anyana kaHuri+ awamayala, wedi waEfurata nawa tata yaBetelemi.+ 5 Ashuri+ tata yaTekowa+ wasumbwili ambanda ayedi, Hela naNayara. 6 Nayara wamuvweleleli Ashuri awa anyana, Ahuzami, Heferi, Temeni niHayahashitari. Awa diwu adiña anyana kaNayara awamayala. 7 Nawa anyana kaHela awamayala adiña Zereti, Izihari niEtinani. 8 Kozi wavweli Anubi, Zobeba niyisaka yaAhaheli mwana kaHarumi.

9 Yabezi amulemesheli chikupu kubadika amanakwindi; nawa mama yindi wamutuumbili nindi Yabezi,* nakuhosha nindi: “Namuvweleleli munyisoñu.” 10 Yabezi walombeli kudi Nzambi yaIsarela nindi: “Nkiswili nikuntoheshela iluña dami nawa chikasa cheyi chiikali nanami nawa wunkiñi kukukala kulonda kubuli kwikala chuma chatama chikummwekena.” Dichi Nzambi wamwililili chuma chalombeliyi.

11 Kilubi mana kwaShuha wavweli Mahiri wadiña tata yaEshitoni. 12 Eshitoni wavweli Betirafa, Paseya niTehina, tata yaIrinahashi. Awa adiña amayala akuReka. 13 Nawa anyana kaKenazi awamayala adiña Otiniyeli+ niSeraya, nawa mwana* kaOtiniyeli wadiña Hatati. 14 Meyonotayi wavweli Ofira. Serayi wavweli Yowabi tata yawaGeharashi,* ayituumbili idi ijina muloña adiña akawukalawenu.

15 Anyana awamayala avweliwu kudi Kalebu+ mwana kaYefuna adiña Iru, Ela niNayami; nawa mwana* kaEla wadiña Kenazi. 16 Anyana kaYehaleleli awamayala adiña Zifi, Zifa, Tiriya niAsareli. 17 Anyana kaEzira awamayala adiña Yeteri, Meredi, Eferi niYaloni; wemitili* nawa wavweli Miriyamu, Shamayi niIshiba tata yaEshitemoya. 18 (Nawa ñodindi kaYudeya wavweli Yeredi tata yaGedori, Heberi tata yaSoko niYekutiyeli tata yaZanowa.) Awa diwu adiña anyana kaBitiya awamayala, mwana kaFwaru wamumbanda, owu asumbwiliwu kudi Meredi.

19 Anyana awamayala avweliwu kudi ñoda Hodiya, muhela aNahami, adiña atata jaKeyila mwini Gami niEshitemowa mwini Mayakati. 20 Nawa anyana kaShimoni awamayala adiña Aminoni, Rina, Benihanani niTiloni. Nawa anyana kaIshi awamayala adiña Zoheti niBenizoheti.

21 Anyana kaShela+ awamayala mwana kaYuda adiña Eri tata yaLeka, Layada tata yaMaresha niyisaka yatuñileña mahina amawahi amwitala daAshibeya, 22 niYokimi, amayala akuKozeba, Yowashi niSarafi, owu asumbwili ambanda aMowabi niYashubilehemi. Iji nsañu jakunyaaka.* 23 Kwadiña atuñemi ashakamineña muNetayimi nimuGedera. Dimwashakamineñawu nawa amuzatilileña mwanta.

24 Anyana kaSimiyoni+ awamayala adiña Nemuyeli, Yamini, Yaribi, Zera niShawulu.+ 25 Shawulu wavweli Shalumi, Shalumi wavweli Mibisami, Mibisami wavweli Mishima. 26 Nawa anyana kaMishima awamayala adiña Hamuweli, Hamuweli wavweli Zakuri, Zakuri wavweli Shimeyi. 27 Nawa Shimeyi wadiña nawanyana awamayala 16 niawambanda 6; ilaña amanakwindi hiyadiña nawanyana awamayala amavuluku, nawa kwosi yisaka yawu yadiña nawanyana awamayala amavulu neyi amayala akumuchidi waYudaku.+ 28 Ashakamineña muBeyerisheba,+ muMolada,+ muHazari Shuwali,+ 29 muBiliha, muEzemi,+ muToladi, 30 muBetuweli,+ muHorima,+ muZikilagi,+ 31 muBetimakaboti, muHazari Susimi,+ muBetibiri nimuShayarayimi. Iyi diyadiña nyisumba yawu kushika nimpinji yachiyuulu chaDavidi.

32 Nyikala yawu yadiña Etami, Ayini, Rimoni, Tokeni niAshani,+ nyisumba yitanu, 33 kushilahu ninyikala yawu yanyeñumukili iyi nyisumba ndo-o nikuBeyali. Awa diwu majina asonekeliwu muyisaka yawu nimaluña mwashakamineñawu. 34 Nawa Meshobabi, Yamileki, Yosha mwana kaAmaziya, 35 Yoweli, Yehu mwana kaYoshibiya, Yoshibiya mwana kaSeraya, Seraya mwana kaAsiyeli, 36 Eliyowenayi, Yayakoba, Yeshohaya, Asaya, Adiyeli, Yesimiyeli, Benaya, 37 niZiza mwana kaShifi, Shifi mwana kaAloni, Aloni mwana kaYedaya, Yedaya mwana kaShimiri, Shimiri mwana kaShemaya; 38 awa anateniwu hamajina, diwu adiña anlomboli mukachi kayisaka yawu, nawa amwitala dawankakulula jawu avulili nankashi. 39 Dichi ayili kuwiñililu waGedori, kukabadi kamusela wachinekineki nakukeña munyenvu wakuda nyikanka yayimuna yawu. 40 Nkumininaku, awanini munyenvu wawuwahi nankashi, nawa odu ituña dadiña deneni, damwena nawa mwakadi akakuluwañesha. Antu ashakamineñamu hakusambila adiña eni Hami.+ 41 Awa anasonekiwu majina, enjili hamafuku Hezekiya+ hadiñayi Mwanta waYuda nawa akisañeni matenti awaHami niawaMeyuni adiña kwenoku. Ayijilumwini kushika nikulelu; nawa atachikili kushakama mwiluña dawu muloña mwadiña munyenvu wakudiisha nyikanka yayimuna yawu.

42 ASimiyoni amakwawu, amayala 500, ayili kuMpidi yaSeyiri+ hamu nawanyana kaIshi awamayala, Pelatiya, Neyariya, Refaya niUziyeli, owu ayilombweleña. 43 Nawa atapili aAmaleki+ ejima ashalilihu owu atemukili, nawa ashakamaña kwenoku kushika nikulelu.

5 Awa diwu anyana kaRubeni+ awamayala, wedi waIsarela. Diyi wadiña wedi, ilaña hamuloña wakutamisha* kadidi katata yindi,+ wuswa windi wakwikala wedi awuhanini kudi anyana awamayala avweliwu kudi Yosefu+ mwana kaIsarela. Dichi hamajina achisaka chawu, Rubeni hiyamusonekeli neyi wediku. 2 Hela chakwila Yuda+ wadiña wabadika amanakwindi nawa mudi yena dimwafumini muntu wakekala nlomboli,+ ilaña Yosefu diyi watambwili wuswa wakwikala wedi. 3 Anyana awamayala avweliwu kudi Rubeni wedi waIsarela, adiña Hanoki, Palu, Hezironi niKarimi.+ 4 Anyana kaYoweli awamayala adiña Shemaya, Shemaya wavweli Gogi, Gogi wavweli Shimeyi, 5 Shimeyi wavweli Mika, Mika wavweli Reyaya, Reyaya wavweli Bayali, 6 nawa Bayali wavweli Beyera asendeliwu kudi Tiligati Pilineseri Mwanta+ wakuAsiriya nakumutwala muwunkoli; diyi wadiña nlomboli wawaRubeni. 7 Amanakwindi asonekeliwu kwesekeja nayisaka yawu nikwesekeja nandonda yachisaka chawu, adiña ñana, akulumpi adiña Yeyeli, Zekariya 8 niBela mwana kaAzazi mwana kaShema, Shema mwana kaYoweli. Antu amwitala daBela ashakamineña muAroweri+ nikuNebo ndo-o nikuBayali Meyoni.+ 9 Ashakamini nawa nikumusela kushika nikwatachikila isaña daKaloña Yufurati,+ muloña yimuna yawu yavulili nankashi mwituña daGiliyadi.+ 10 Mumafuku aSawulu, azuñili njita nawaHagiri, emikiliwu mushindu hamesu awu. Dichi atachikili kushakama mumatenti awu mwahitili iluña daGiliyadi dejima.

11 Dichi akachisaka chaGadi ashakamineña kwakwihi nawena mwituña daBashani kushika nikuSaleka.+ 12 Yoweli diyi wadiña mukulumpi, halondela Shafami nawa Yenayi niShafati adiña anlomboli muBashani. 13 Nawa amanakwawu akumutaña wawu adiña Mikayeli, Meshulami, Sheba, Yorayi, Yakani, Ziya niEberi, ejima hamu adiña 7. 14 Awa adiña anyana awamayala avweliwu kudi Abihayili mwana kaHura, Hura mwana kaYarowa, Yarowa mwana kaGiliyadi, Giliyadi mwana kaMikayeli, Mikayeli mwana kaYeshishaya, Yeshishaya mwana kaYado, Yado mwana kaBuzi. 15 Ahi mwana kaAbidiyeli, Abidiyeli mwana kaGuni diyi wadiña mukulumpi wachisaka chawantu amwitala dawu. 16 Ashakamineña muGiliyadi,+ muBashani+ nimumatawuni* anyeñumukiliku, nimumaluña ejima amunyenvu amuSharoni ndo-o nikuyakumininiwu. 17 Ejima wawu ayisonekeli kwesekeja nandonda yachisaka chawu mumafuku aMwanta Yotamu+ waYuda nimumafuku aMwanta Yerobowami*+ waIsarela.

18 ARubeni, aGadi nichibalu chamuchidi waManasi adiña nawakakuzuña njita añovu 44,760 munjita yawu, owu asendeli jinkebu, mpoku jatubali nawa adimanyekeli mata anyikunji* nawa ayidizishili chakuzuña njita. 19 Azuñili njita nawaHagiri,+ aYeturi, aNafishi+ niaNodabi. 20 Nawa ayikwashiliku kuzuña nawu, chakwila aHagiri niantu ejima adiñawu nawu ayihanini mumakasa awu, muloña wena alombeli kudi Nzambi nawu ayikwashi munjita, nawa yena watiyili kulemba kwawu muloña amukuhweleleli.+ 21 Asendeli yimuna yawu, dikwila nawu angameli 50,000, anyikoku 250,000 niayimbuulu 2,000 kushilahu niantu* 100,000. 22 Antu amavulu ayijahili, muloña iyi njita ayizuñili kudi Nzambi walala.+ Nawa ashakamineña mwiluña dawu sampu nichashikili mpinji yakuya muwunkoli.+

23 Amuchisaka chamuchidi wachibalu waManasi+ ashakamineña mwituña kufuma kuBashani kushika kuBayali Herimoni nikuDeniri ndo-o nikuMpidi yaHerimoni.+ Adiña amavulu chikupu. 24 Awa diwu adiña anlomboli janyitaña yawu: Eferi, Ishi, Eliyeli, Aziriyeli, Yeremiya, Hodaviya niYadiyeli. Adiña akakuzuña njita añovu, amayala ayili mpuhu nawa anlomboli janyitaña yawu. 25 Ilaña hiyadiña ashinshika kudi Nzambi yawankakulula jawuku, nawa elileña wuvumbi nawanzambi amunodu ituña,+ ajilumwiniwu kudi Nzambi hamesu awu. 26 Dichi Nzambi yaIsarela wasañumwini spiritu yaMwanta Puli wakuAsiriya+ (dikwila nawu, Mwanta Tiligati Pilineseri+ wakuAsiriya) chakwila watwalili muwunkoli aRubeni, aGadi nichibalu chamuchidi waManasi nakuyileta kuHala, kuHabori, kuHara nikukaloña Gozani,+ kuyachidiwu nikulelu.

6 Anyana kaLevi+ awamayala adiña Geshoni, Kohati+ niMerari.+ 2 Anyana kaKohati awamayala adiña Amuramu, Izihari,+ Hebironi niUziyeli.+ 3 Anyana* kaAmuramu+ adiña Aroni,+ Mosi+ niMiriyamu.+ Nawa anyana kaAroni awamayala adiña Nadabi, Abihu,+ Eleyazari+ niItamari.+ 4 Eleyazari wavweli Finihasi;+ Finihasi wavweli Abishuwa. 5 Abishuwa wavweli Buki; Buki wavweli Uzi. 6 Uzi wavweli Zerahiya; Zerahiya wavweli Merayoti. 7 Merayoti wavweli Amariya; Amariya wavweli Ahitubi.+ 8 Ahitubi wavweli Zadoki;+ Zadoki wavweli Ahimayazi.+ 9 Ahimayazi wavweli Azariya; Azariya wavweli Yohanani. 10 Yohanani wavweli Azariya. Wakalakeleña mudimu wawupristu mwitala datuñiliyi Solomoni muYerusalema.

11 Azariya wavweli Amariya; Amariya wavweli Ahitubi. 12 Ahitubi wavweli Zadoki;+ Zadoki wavweli Shalumi. 13 Shalumi wavweli Hilikiya;+ Hilikiya wavweli Azariya. 14 Azariya wavweli Seraya;+ Seraya wavweli Yehozadaki.+ 15 Nawa Yehozadaki amusendeli nakumutwala muwunkoli hatwaliliyi Yehova antu amuYuda niamuYerusalema muwunkoli nachikasa chaNebukaneza.

16 Anyana kaLevi awamayala adiña Geshomu,* Kohati niMerari. 17 Awa diwu majina awanyana kaGeshomu awamayala: Libini niShimeyi.+ 18 Anyana kaKohati awamayala adiña Amuramu, Izihari, Hebironi niUziyeli.+ 19 Anyana kaMerari awamayala adiña Mahili niMushi.

Iyi diyadiña yisaka yawaLevi kwesekeja nawankakulula jawu:+ 20 Geshomu+ wavweli Libina, Libina wavweli Yahati, Yahati wavweli Zima, 21 Zima wavweli Yowa, Yowa wavweli Ido, Ido wavweli Zera, Zera wavweli Yeyaterayi. 22 Anyana awamayala* avweliwu kudi Kohati adiña Aminadabi, Aminadabi wavweli Kora,+ Kora wavweli Asiri, 23 Asiri wavweli Elikana, Elikana wavweli Ebiyasafi,+ Ebiyasafi wavweli Asiri, 24 Asiri wavweli Tahati, Tahati wavweli Uriyeli, Uriyeli wavweli Uziya, Uziya niyena wavweli Shawulu. 25 Anyana kaElikana awamayala adiña Amasayi niAhimoti. 26 Nawa anyana kaElikana awamayala adiña Zofayi, Zofayi wavweli Nahati, 27 Nahati wavweli Eliyabi, Eliyabi wavweli Yerohami, Yerohami wavweli Elikana.+ 28 Anyana kaSamweli+ awamayala adiña, wedi wadiña Yoweli nawa chilondela wedi wadiña Abiya.+ 29 Anyana awamayala* avweliwu kudi Merari adiña Mahili,+ Mahili wavweli Libina, Libina wavweli Shimeyi, Shimeyi wavweli Uza, 30 Uza wavweli Shimeya, Shimeya wavweli Hagiya, Hagiya wavweli Asaya.

31 Awa diwu atondeliwu kudi Davidi kulonda alomboleña mudimu wakwimba hetala daYehova chelili analeti dehi chimbañu nawu chishakami kwenoku.+ 32 Adiña nakulombola mudimu wakwimba hatabanaka, hetenti dakubulakena sampu nichatuñiliyi Solomoni itala daYehova muYerusalema,+ nawa azatileña mudimu wawu kwesekeja nachayilejeliwu.+ 33 Awa diwu amayala azatilileña hamu nawanyanawu awamayala: Mudi aKohati, mwafumini Hemani+ ñimbi, mwana kaYoweli,+ Yoweli mwana kaSamweli 34 Samweli mwana kaElikana,+ Elikana mwana kaYerohami, Yerohami mwana kaEliyeli, Eliyeli mwana kaTowa 35 Towa mwana kaZufi, Zufi mwana kaElikana, Elikana mwana kaMahati, Mahati mwana kaAmasayi 36 Amasayi mwana kaElikana, Elikana mwana kaYoweli, Yoweli mwana kaAzariya, Azariya mwana kaZefwaniya 37 Zefwaniya mwana kaTahati, Tahati mwana kaAsiri, Asiri mwana kaEbiyasafi, Abiyasafi mwana Kora 38 Kora mwana kaIzihari, Izihari mwana kaKohati, Kohati mwana kaLevi, Levi mwana kaIsarela.

39 Manakwindi Asafi+ wemeneña kuchikasa chachidiilu chaHemani; Asafi wadiña mwana kaBerekiya, Berekiya mwana kaShimeya 40 Shimeya mwana kaMikayeli, Mikayeli mwana kaBayaseya, Bayaseya mwana kaMalikiya 41 Malikiya mwana kaEtini, Etini mwana kaZera, Zera mwana kaAdaya 42 Adaya mwana kaEtani, Etani mwana kaZima, Zima mwana kaShimeyi 43 Shimeyi mwana kaYahati, Yahati mwana kaGeshomu, Geshomu mwana kaLevi.

44 Amanakwawu amuchisaka chaMerari+ emeneña kuchikasa chachimunswa;* adiña Etani+ mwana kaKishayi, Kishayi mwana kaAbidi, Abidi mwana kaMaluki 45 Maluki mwana kaHashabiya, Hashabiya mwana kaAmaziya, Amaziya mwana kaHilikiya 46 Hilikiya mwana kaAmizi, Amizi mwana kaBani, Bani mwana kaShemeri 47 Shemeri mwana kaMahili, Mahili mwana kaMushi, Mushi mwana kaMerari, Merari mwana kaLevi.

48 Amanakwawu aLevi, ayitondeli* kulonda azateña nyidimu yejima yahatabanaka, itala daNzambi walala.+ 49 Aroni hamu nawanyanindi+ ocheleña nyilambu yakukakumuka wishi hakameña kamulambu wakushita+ nihakameña kainsensi,+ azatileña nyidimu yakundamini kuyuma yajila chikupu, kubutila aIsarela hanshidi+ kwesekeja nayuma yejima yashimwiniyi Mosi kambuña aNzambi walala. 50 Awa diwu adiña amuchisaka chaAroni: Aroni+ wavweli Eleyazari,+ Eleyazari wavweli Finihasi, Finihasi wavweli Abishuwa, 51 Abishuwa wavweli Buki, Buki wavweli Uzi, Uzi wavweli Zerahiya, 52 Zerahiya wavweli Merayoti, Merayoti wavweli Amariya, Amariya wavweli Ahitubi,+ 53 Ahitubi wavweli Zadoki,+ Zadoki wavweli Ahimayazi.

54 Iyi diyi nyikala yawu mwashakamineñawu kwesekeja nayilombu* yawu mwiluña dawu. Chasakwileñawu nayinjikijilu, chinjikijilu chatachi chaholokeleli hadi anyana kaAroni amuchisaka chawaKohati, 55 ayinkeli Hebironi+ mwituña daYuda hamu nimaluña awunyeñumukili akudiishilamu yimuna. 56 Ilaña Kalebu+ mwana kaYefuna amwinkeli mpata yamusumba hamu ninyikala yayu. 57 Nawa amuchisaka chaAroni ayinkeli nyisumba* yakuswamamu,+ Hebironi+ niLibina+ hamu nimaluña awu akudiishilamu yimuna, Yatiri,+ Eshitemoya hamu nimaluña awu akudiishilamu yimuna,+ 58 Hileni hamu nimaluña awu akudiishilamu yimuna, Debiri+ hamu nimaluña awu akudiishilamu yimuna, 59 Ashani+ hamu nimaluña awu akudiishilamu yimuna niBetishemeshi+ hamu nimaluña awu akudiishilamu yimuna; 60 nawa kumuchidi waBenjamini, Geba+ hamu nimaluña awu akudiishilamu yimuna, Alemeti hamu nimaluña awu akudiishilamu yimuna niAnatoti+ hamu nimaluña awu akudiishilamu yimuna. Nyisumba yawu yejima yayisaka yawu yadiña nyisumba 13.+

61 AKohati ashalilihu, ayinkeli* nyisumba 10 kufuma kuchisaka chamuchidi, kuchibalu chamuchidi, chibalu chaManasi.+

62 AGeshomu kwesekeja nayisaka yawu, ayinkeli nyisumba 13 kufuma kumuchidi waIsakari, kumuchidi waAsheri, kumuchidi waNafitali nikumuchidi waManasi muBashani.+

63 AMerari kwesekeja nayisaka yawu, ayinkeli nyisumba 12 kuzatisha chinjikijilu, kufuma kumuchidi waRubeni, kumuchidi waGadi nikumuchidi waZebuluni.+

64 Dichi, aIsarela enkeli aLevi iyi nyisumba hamu nimaluña ayu akudiishilamu yimuna.+ 65 Kubombelahu, iyi nyisumba ayihanini kuzatisha chinjikijilu kufuma kumuchidi waYuda, kumuchidi waSimiyoni nikumuchidi waBenjamini, nyisumba yatenawu namajina awu.

66 Yisaka yikwawu yawaKohati yadiña nanyisumba yafumini kumuchidi waEfuremu kwikala iluña dawu.+ 67 Ayinkeli nyisumba* yakuswamamu, Shekemi+ hamu nimaluña awu akudiishilamu yimuna mwiluña damapidi daEfuremu, Gezeri+ hamu nimaluña awu akudiishilamu yimuna, 68 Yokimeyami hamu nimaluña awu akudiishilamu yimuna, Betihoroni+ hamu nimaluña awu akudiishilamu yimuna, 69 Ayiyaloni+ hamu nimaluña awu akudiishilamu yimuna niGati Rimoni+ hamu nimaluña awu akudiishilamu yimuna; 70 nawa kuchibalu chamuchidi waManasi, Aneri hamu nimaluña awu akudiishilamu yimuna niBileyami hamu nimaluña awu akudiishilamu yimuna, nakuyihana kuyisaka yawaKohati ashalilihu.

71 AGeshomu ayinkeli Golani+ muBashani hamu nimaluña awu akudiishilamu yimuna niAshitaroti hamu nimaluña awu akudiishilamu yimuna+ kufuma kuchisaka chamuchidi wachibalu waManasi; 72 nawa kumuchidi waIsakari, Kedeshi hamu nimaluña awu akudiishilamu yimuna, Daberati+ hamu nimaluña awu akudiishilamu yimuna,+ 73 Ramoti hamu nimaluña awu akudiishilamu yimuna niAnemi hamu nimaluña awu akudiishilamu yimuna; 74 nawa kumuchidi waAsheri, Mashali hamu nimaluña awu akudiishilamu yimuna, Abidoni hamu nimaluña awu akudiishilamu yimuna,+ 75 Hukoki hamu nimaluña awu akudiishilamu yimuna niRehobi+ hamu nimaluña awu akudiishilamu yimuna; 76 nawa kumuchidi waNafitali, Kedeshi+ muÑaliliya+ hamu nimaluña awu akudiishilamu yimuna, Hamoni hamu nimaluña awu akudiishilamu yimuna niKiriyatayimi hamu nimaluña awu akudiishilamu yimuna.

77 AMerari ashalilihu, ayinkeli Rimono hamu nimaluña awu akudiishilamu yimuna, Tabori hamu nimaluña awu akudiishilamu yimuna kufuma kumuchidi waZebuluni;+ 78 nawa mwiluña daYodani kuYeriku, kumusela waYodani, kufuma kumuchidi waRubeni, ayinkeli Bezeri mwisaña hamu nimaluña awu akudiishilamu yimuna, Yahazi+ hamu nimaluña awu akudiishilamu yimuna, 79 Kedemoti+ hamu nimaluña awu akudiishilamu yimuna niMefayati hamu nimaluña awu akudiishilamu yimuna; 80 nawa kumuchidi waGadi, Ramoti muGiliyadi hamu nimaluña awu akudiishilamu yimuna, Mahanayimi+ hamu nimaluña awu akudiishilamu yimuna, 81 Heshiboni+ hamu nimaluña awu akudiishilamu yimuna niYazeri+ hamu nimaluña awu akudiishilamu yimuna.

7 Dichi anyana kaIsakari awamayala adiña Tola, Puwa, Yashubi niShimironi,+ ejima hamu adiña awana. 2 Nawa anyana kaTola awamayala adiña Uzi, Refaya, Yeriyeli, Yamayi, Ibisami niShemuweli, adiña anlomboli janyitaña yawu. Mudi Tola mwafumini akakuzuña njita añovu, owu adiña 22,600 mumafuku aDavidi. 3 Nawa amuchisaka* chaUzi adiña Izirahiya nawa anyana kaIzirahiya awamayala adiña: Mikayeli, Obadiya, Yoweli niIshiya. Wejima wawu atanu adiña antwamina.* 4 Nawa wena hamu nianyanawu kwesekeja nanyitaña yawu mwadiña mazanvu awamashidika 36,000 adimanyekeli kuzuña njita, muloña adiña nawambanda amavulu nianyana awamayala. 5 Nawa amanakwawu amuyisaka yejima yaIsakari adiña akakuzuña njita añovu 87,000 kwesekeja nachayisonekeliwu mundonda yachisaka chawu.+

6 Anyana kaBenjamini+ awamayala adiña asatu, Bela,+ Bekeri+ niYediyayeli.+ 7 Nawa anyana kaBela awamayala adiña Eziboni, Uzi, Uziyeli, Yerimoti niIrayi. Wejima wawu atanu adiña anlomboli janyitaña yawu, akakuzuña njita añovu nawa antu asonekeliwu mundonda yachisaka chawu adiña 22,034.+ 8 Nawa anyana kaBekeri awamayala adiña Zemira, Yowashi, Eliyezeri, Eliyowenayi, Omiri, Yeremoti, Abiya, Anatoti niAlemeti. Awa ejima adiña anyana kaBekeri awamayala. 9 Owu asonekeliwu mundonda yachisaka chawu kwesekeja nawanlomboli janyitaña yawu adiña akakuzuña njita añovu 20,200. 10 Nawa anyana kaYediyayeli+ awamayala adiña Bilihani nawa anyana kaBilihani awamayala adiña: Yewushi, Benjamini, Ehudi, Kenayana, Zetani, Tashishi niAhishahari. 11 Ejima awa adiña anyana kaYediyayeli kwesekeja nawanlomboli janyitaña yawu. Adiña akakuzuña njita añovu 17,200 adimanyekeli kuya nakuzuña njita.

12 AShupimi niaHupimi adiña anyana kaIri+ awamayala; aHushimi adiña anyana kaAheri awamayala.

13 Anyana kaNafitali+ awamayala adiña Yahiziyeli, Guni, Yezeri niShalumi, adiña amuchisaka* chaBiliha.+

14 Anyana kaManasi+ awamayala adiña: Asiriyeli, owu avweliwu kudi ntombu* yindi wakuSiriya. (Iwu mumbanda wavweli Makiri+ tata yaGiliyadi. 15 Makiri wayisumbwilili aHupimi naShupimi ambanda nawa ijina damuhelawu wakansi wadiña Mayaka.) Ijina dawamuchiyedi wadiña Zelofehadi,+ ilaña Zelofehadi wadiña nawanyana awambanda.+ 16 Mayaka, ñoda Makiri wavweli mwana weyala nawa wamutuumbili nindi Pereshi; ijina damwanyika Pereshi weyala wadiña Shereshi; nawa anyanindi awamayala adiña Ulami niRekemi. 17 Nawa mwana weyala* avweliwu kudi Ulami wadiña Bedani. Awa adiña anyana kaGiliyadi, Giliyadi mwana kaMakiri, Makiri mwana kaManasi. 18 Nawa muhelindi wadiña Hamoleketi. Iwu mumbanda wavweli Ishihodi, Abiyezeri niMahila. 19 Nawa anyana kaShemida awamayala adiña Ahiyani, Shekemi, Likihi niAniyami.

20 Anyana kaEfuremu+ awamayala adiña Shutela,+ Shutela wavweli Beredi, Beredi wavweli Tahati, Tahati wavweli Eleyada, Eleyada wavweli Tahati, 21 Tahati wavweli Zabadi, Zabadi wavweli Shutela, Shutela wavweli Ezeri niEleyadi. Ayijahili kudi enimbu amuGati+ muloña akunkumukili nakusenda yimuna yawu. 22 Tata yawu Efuremu wayidilili hadi mafuku amavulu nawa amanakwindi atwalekelihu kwinza nakumukundeja. 23 Kufumahu, wakaamini nañodindi nawa wemitili nakuvwala mwana weyala. Ilaña wamutuumbili nindi Beriya* muloña kukala kwamuwanini hampinji yadiñayi mwitala dindi. 24 Nawa mwanindi wamumbanda wadiña Sheyera, watuñili Betihoroni+ yakuChikulu+ niyakuMukandu niUzeni Sheyera. 25 Nawa Efuremu wavweli anyana awamayala aRifa naRishefi. Rishefi wavweli Tela, Tela wavweli Tahani, 26 Tahani wavweli Ladani, Ladani wavweli Amihudi, Amihudi wavweli Elishama, 27 Elishama wavweli Nuni, Nuni niyena wavweli Yoshuwa.*+

28 Iheta dawu ninyikala yawu mwashakamineñawu yadiña, Beteli+ nimatawuni* anyeñumukiliku, nawa kumusela kwadiña Nayarani, kumujika kwadiña Gezeri nimatawuni anyeñumukiliku ndo-o nikuAya* nimatawuni anyeñumukiliku; 29 nawa kwakwihi nachisaka chaManasi, kwadiña Betisheyani+ nimatawuni* anyeñumukiliku, Tayanaki+ nimatawuni anyeñumukiliku, Megido+ nimatawuni anyeñumukiliku niDori+ nimatawuni anyeñumukiliku. Imu dimwashakamineña amuchisaka chaYosefu mwana kaIsarela.

30 Anyana kaAsheri awamayala adiña Imina, Ishiva, Ishivi niBeriya+ nawa muhelawu wadiña Sera.+ 31 Anyana kaBeriya awamayala adiña Heberi niMalikiyeli, wadiña tata yaBirizayiti. 32 Heberi wavweli Yafileti, Shomeri, Hotami nimuhelawu Shuwa. 33 Anyana kaYafileti awamayala adiña Pasaki, Bimihali niAshivati. Awa adiña anyana kaYafileti awamayala. 34 Anyana kaShemeri* awamayala adiña Ahi, Roga, Yehuba niArami. 35 Anyana awamayala avweliwu kudi manakwindi Helemi* adiña Zofa, Imuna, Sheleshi niAmali. 36 Anyana kaZofa awamayala adiña Suwa, Harineferi, Shuwali, Beri, Imira, 37 Bezeri, Hodi, Shema, Shilisha, Itirani niBeyira. 38 Anyana kaYeteri awamayala adiña Yefuna, Pisipa niEra. 39 Anyana kaUla awamayala adiña Ara, Haniyeli niRiziya. 40 Ejima awa adiña anyana kaAsheri awamayala, adiña anlomboli janyitaña yawu, amayala atondeliwu, akakuzuña njita añovu, akulumpi jawakulumpi anjita; nawa awa ejima asonekeliwu kwesekeja nandonda yachisaka chawu+ owu adimanyekeli kuzuña njita adiña amayala 26,000.+

8 Benjamini+ wavweli Bela+ mwanindi wawedi, wamuchiyedi Ashibeli,+ wamuchisatu Ahara, 2 wamuchiwana Noha nawa wamuchitanu Refa. 3 Anyana kaBela awamayala adiña Adari, Gera,+ Abihudi, 4 Abishuwa, Nayamani, Ahowa, 5 Gera, Shefufani niHurami. 6 Awa diwu adiña anyana kaEhudi awamayala, anlomboli janyitaña yawantu ashakamineña muGeba,+ atwaliliwu muwunkoli kuManahati: 7 Nayamani, Ahiya niGera. Gera diyi wayisendeli nakuyitwala muwunkoli nawa wavweli Uza niAhihudi. 8 Shaharayimi wavweli anyana mwiluña* daMowabi hanyima yakuhaña añodi jindi. Hushimi niBayara diwu adiña añodi jindi.* 9 Nawa mudi ñodindi Hodeshi, wavwelelelimu Yobabi, Zibiya, Mesha, Malikami, 10 Yewuzi, Sakiya niMirima. Awa diwu adiña anyanindi awamayala, alomboli jayisaka yanyitaña yawu.

11 Mudi Hushimi wavwelelelimu Abitubi niElipayali. 12 Nawa anyana kaElipayali awamayala adiña Eberi, Mishami, Shemedi (owu watuñili musumba waOno+ niwaLodi+ nimatawuni* anyeñumukiliku), 13 Beriya niShema. Awa adiña anlomboli janyitaña yawantu ashakamineña muAyiyaloni.+ Awa diwu ahañili antu ashakamineña muGati. 14 Nawa kwadiña Ahiyo, Shashaki, Yeremoti, 15 Zebadiya, Aradi, Ederi, 16 Mikayeli, Ishipa, Yoha, adiña anyana kaBeriya awamayala; 17 nawa Zebadiya, Meshulami, Hiziki, Heberi, 18 Ishimerayi, Iziliya, Yobabi, adiña anyana kaElipayali awamayala; 19 nawa Yakimi, Zikiri, Zabidi, 20 Eliyenayi, Ziletayi, Eliyeli, 21 Adaya, Beraya, Shimirati, adiña anyana kaShimeyi awamayala; 22 nawa Ishipani, Eberi, Eliyeli, 23 Abidoni, Zikiri, Hanani, 24 Hananiya, Elami, Antotiya, 25 Ifideya, Penuweli, adiña anyana kaShashaki awamayala; 26 nawa Shamisherayi, Shehariya, Ataliya, 27 Yayareshiya, Elija, Zikiri, adiña anyana kaYerohami awamayala. 28 Awa adiña anlomboli janyitaña yawu kwesekeja naamuyisaka yawu. Awa akulumpi janyikala ashakamineña muYerusalema.

29 Tata yaGibeyoni, Yeyeli, washakamineña muGibeyoni.+ Ijina dañodindi wadiña Mayaka.+ 30 Nawa mwanindi weyala wawedi wadiña Abidoni, halondela Zuri, Kishi, Bayali, Nadabi, 31 Gedori, Ahiyo niZekeri. 32 Mikiloti wavweli Shimiya. Nawa wejima wawu ashakamineña kwakwihi nawamanakwawu muYerusalema, hamu nawamanakwawu amakwawu.

33 Neri+ wavweli Kishi, Kishi wavweli Sawulu;+ Sawulu wavweli Yonatani,+ Malikishuwa,+ Abinadabi+ niEshibayali.*+ 34 Nawa mwana weyala avweliwu kudi Yonatani wadiña Meribayali.*+ Meribayali wavweli Mika.+ 35 Nawa anyana kaMika awamayala adiña Pitoni, Meleki, Tareya niAhazi. 36 Ahazi wavweli Yehowada; Yehowada wavweli Elemeti, Azimaveti niZimiri. Zimiri wavweli Moza. 37 Moza wavweli Bineya, Bineya wavweli Rafa, Rafa wavweli Eleyasa, Eleyasa wavweli Azeli. 38 Azeli wadiña nawanyana awamayala 6, nawa majina awu adiña Azirikami, Bokeru, Ishimayeli, Sheyariya, Obadiya niHanani. Ejima awa adiña anyana kaAzeli awamayala. 39 Nawa anyana awamayala avweliwu kudi manakwindi Esheki adiña, wedi windi wadiña Ulami, wamuchiyedi Yewushi, wamuchisatu Elifeleti. 40 Nawa anyana kaUlami awamayala adiña akakuzuña njita añovu elukili chakuzatisha wuta wamukunji, nawa adiña nawanyana amavulu awamayala niejikulu awamayala, ejima hamu adiña 150. Ejima awa adiña amuchisaka chaBenjamini.

9 AIsarela ejima ayisonekeli kwesekeja nandonda yachisaka chawu nawa ayisoneka muMukanda wawaNyanta amuIsarela. Nawa aYuda ayitwalili muwunkoli kuBabiloni muloña wakubula kwikala ashinshika.+ 2 Antu atachi kufunta kumaheta awu munyisumba yawu hadiña aIsarela, atupristu, aLevi niambuña ahatembeli.*+ 3 Nawa antu amakwawu amuchisaka chaYuda,+ chaBenjamini,+ chaEfuremu nichaManasi ashakamini muYerusalema adiña: 4 Utayi mwana kaAmihudi, Amihudi mwana kaOmiri, Omiri mwana kaImiri, Imiri mwana kaBani, amuchisaka chaPerezi+ mwana kaYuda. 5 Nawa mudi eni Shilo mwadiña, wedi Asaya nianyanindi awamayala. 6 Nawa mudi anyana kaZera+ awamayala mwadiña Yewuweli niamanakwindi 690.

7 Nawa muchisaka chaBenjamini mwadiña, Salilu mwana kaMeshulami, Meshulami mwana kaHodaviya, Hodaviya mwana kaHasenuwa, 8 Ibineya mwana kaYerohami, Ela mwana kaUzi, Uzi mwana kaMikiri nawa Meshulami mwana kaShefatiya, Shefatiya mwana kaRewuweli, Rewuweli mwana kaIbiniya. 9 Nawa amanakwawu kwesekeja nandonda yachisaka chawu adiña 956. Ejima awa adiña anlomboli janyitaña yawu.*

10 Nawa mudi atupristu mwadiña, Yedaya, Yehoyaribi, Yakini,+ 11 Azariya mwana kaHilikiya, Hilikiya mwana kaMeshulami, Meshulami mwana kaZadoki, Zadoki mwana kaMerayoti, Merayoti mwana kaAhitubi, nlomboli wetala* daNzambi walala. 12 Adaya mwana kaYerohami, Yerohami mwana kaPashihuri, Pashihuri mwana kaMalikiya, Mayasayi mwana kaAdiyeli, Adiyeli mwana kaYahizera, Yahizera mwana kaMeshulami, Meshulami mwana kaMeshilemiti, Meshilemiti mwana kaImeri, 13 nawa amanakwawu, anlomboli janyitaña yawu, adiña ayilobu 1,760, amayala ashikilamu kukalakala mudimu wakwitala daNzambi walala.

14 Nawa mudi aLevi mwadiña, Shemaya+ mwana kaHashubi, Hashubi mwana kaAzirikami, Azirikami mwana kaHashabiya wamuchisaka chaMerari; 15 niBakibakari, Hereshi, Galali, Mataniya mwana kaMayika, Mayika mwana kaZikiri, Zikiri mwana kaAsafi, 16 Obadiya mwana kaShemaya, Shemaya mwana kaGalali, Galali mwana kaYedutuni niBerekiya mwana kaAsa, Asa mwana kaElikana, owu washakamini munyikala yawaNetofa.+

17 Akakuhemba kuchiisu+ adiña Shalumi, Akubi, Talimoni, Ahimani nawa manakwawu Shalumi diyi wadiña mukulumpi,* 18 kushika tuhu nihayina mpinji wadiña nakukalakela kuchiisu chamwanta chakumusela.+ Awa diwu adiña akakuhemba kuyiisu yayilombu yawaLevi. 19 Nawa Shalumi mwana kaKore, Kore mwana kaEbiyasafi, Ebiyasafi mwana kaKora niamanakwindi akuchisaka chakukatata yindi, aKora, diwu adiña nakukalakala nyidimu yakuhemba yiisu yetenti, nawa atata jawu adiña akakuhemba hawiñililu wachilombu chaYehova. 20 Finihasi+ mwana kaEleyazari+ diyi wadiña nlomboli yawu kunyima; Yehova wadiña nayena. 21 Zekariya+ mwana kaMeshelemiya diyi wadiña mukakuhemba kuwiñililu wakwitenti dakubulakena.

22 Akakuhemba kuchiisu ejima atondeliwu kulonda ahembeña hamawiñililu adiña 212. Adiña nakushakama munyikala yawu kwesekeja nachayisonekeliwu mundonda yachisaka chawu.+ Ayitondeli kudi Davidi niSamweli mukakumona jakumbidi+ nakuyinka mudimu wakuzata antu akuhwelelawu. 23 Wena hamu nianyanawu awamayala ayinkeli mudimu wakuhemba kuyiisu yetala daYehova,+ itala detenti. 24 Akakuhemba kuchiisu adiña kutubadi tuwana, kumusela, kumujika, kukabeta kakuchidiilu nikukabeta kakuchimunswa.+ 25 Mumpinji-mumpinji, amanakwawu enjileña kufuma munyikala yawu hadi mafuku 7 nakukalakela hamu nawu. 26 Mumudimu wakuzata antu akuhwelelawu, mwadiña akulumpi* awana akakuhemba kuchiisu. Adiña aLevi nawa adiña namudimu wakutala tupeka* niyisweku yayuma yalema yamwitala daNzambi walala.+ 27 Adiña nakuchiisha wufuku wejima saña emenawu hamaluña awu kunyeñumuka itala daNzambi walala dejima, muloña azatileña mudimu wakuhemba nawa diwu ahembeleña nsapi* nikwenzununa yiisu yakwitala ntetemena-hintetemena.

28 Amakwawu adiña namudimu wakutala yuma yakuzatisha+ kukudifukula; achindileña iyi yuma neyi ayileta mukachi nawa hakuyidishamu nihena ayichindileña. 29 Amakwawu ayitondeli kulonda ataleña yuma, yuma yejima yajila+ niwuña wawuwahi walembuluka,+ vinyu,+ manji,+ manaña evumba dadiwahi+ nimanji abalisamu.+ 30 Anyana awamayala amakwawu avweliwu kudi atupristu adiña nakubomba manji akweñula abalisamu. 31 Nawa kaLevi wumu, Matitiya, wedi waShalumi mukaKora, wadiña nakuzata mudimu wakuzata antu akuhwelelawu wakutala yuma yocheleñawu hamapani.+ 32 Amanakwawu amakwawu aKohati adiña namudimu wakwocha mankendi akulunjeka,*+ nakuyiloñesha hasabata-hisabata.+

33 Awa diwu adiña añimbi mutupeka* twamutembeli, anlomboli* janyitaña yawaLevi, owu abulileña kwinkawu nyidimu yikwawu; muloña mudimu wawu awuzatileña mwaana niwufuku. 34 Awa adiña anlomboli janyitaña yawaLevi kwesekeja nandonda yachisaka chawu, akulumpi janyikala. Wenawa ashakamineña muYerusalema.

35 Tata yaGibeyoni, Yeyeli, washakamineña muGibeyoni.+ Ijina dañodindi wadiña Mayaka. 36 Nawa mwanindi weyala wawedi wadiña Abidoni, halondela Zuri, Kishi, Bayali, Neri, Nadabi, 37 Gedori, Ahiyo, Zekariya niMikiloti. 38 Mikiloti wavweli Shimiyami. Nawa wejima wawu ashakamineña kwakwihi nawamanakwawu muYerusalema, hamu nawamanakwawu amakwawu. 39 Neri+ wavweli Kishi; Kishi wavweli Sawulu;+ Sawulu wavweli Yonatani,+ Malikishuwa,+ Abinadabi+ niEshibayali. 40 Nawa mwana weyala avweliwu kudi Yonatani wadiña Meribayali.+ Meribayali wavweli Mika.+ 41 Nawa anyana kaMika awamayala adiña Pitoni, Meleki, Tahireya niAhazi. 42 Ahazi wavweli Yara; Yara wavweli Alemeti, Azimaveti niZimiri. Zimiri wavweli Moza. 43 Moza wavweli Bineya, Bineya niyena wavweli Refaya, Refaya wavweli Eleyasa, Eleyasa wavweli Azeli. 44 Azeli wadiña nawanyana awamayala 6, nawa majina awu adiña Azirikami, Bokeru, Ishimayeli, Sheyariya, Obadiya niHanani. Awa adiña anyana kaAzeli awamayala.

10 Dichi aFilisitinu azuñileña nawaIsarela. Nawa aIsarela ayitemukili aFilisitinu nawa amavulu ayijahilili haMpidi yaGilibowa.+ 2 AFilisitinu akumpishili Sawulu nianyanindi awamayala nakuyilemamu chikupu, nawa aFilisitinu atapili anyana kaSawulu, Yonatani, Abinadabi niMalikishuwa.+ 3 Njita yamukoleleli nankashi Sawulu nawa amuwanini kudi akakwasa mata anyikunji, dichi amukatishili kudi akakwasa namata anyikunji.+ 4 Kuhiñahu, Sawulu wamwilili mukakumusendela yitwa yanjita nindi: “Holaku mpoku yeyi yakabali wunhanwishiyu kulonda awa amayala ayidima abuli kwinza nakunkabisha.”*+ Ilaña mukakumusendela yitwa yanjita wakaanini muloña watiyili woma chikupu. Dichi Sawulu wanoneli mpoku yakabali nakudimbukilaku.+ 5 Mukakumusendela yitwa yanjita chamweniyi nindi Sawulu nafwi dehi, niyena wadimbukilili kumpoku yindi yakabali nawa wafwili. 6 Dichi, Sawulu nianyanindi asatu afwili, niamwitala dindi ejima afwilili hamu.+ 7 Antu jaIsarela ejima adiña muchinekineki chamweniwu nawu antu ejima anatemuki nawa Sawulu nianyanindi awamayala anafwi dehi, atachikili kufuma munyisumba yawu nakutemuka; kufumahu, aFilisitinu enjili nakushakamamu.

8 Ifuku dalondelelihu, aFilisitinu chenjiliwu nakuvuula antu ajahiliwu, awanini Sawulu nianyanindi awamayala anafwili haMpidi yaGilibowa.+ 9 Dichi amuvuulili yakuvwala niyitwa yindi yanjita nawa amuketwili mutu, kuhiñahu, atemesheli mazu mwituña dejima dawaFilisitinu nakutaandisha iyi nsañu kudi ankishi jawu+ nikudi antu. 10 Kufumahu, atentekeli yitwa yindi yanjita mwitala* danzambi yawu nikupopela kawekesi kindi kwitala daDagoni.+

11 Antu ejima amuYabeshi+ muGiliyadi chatiyiliwu yuma yejima yamwililiwu Sawulu kudi aFilisitinu,+ 12 akakuzuña njita ejima anyamukili nawa asendeli chibimbi chaSawulu niyibimbi yawanyanindi awamayala. Ayileteli kuYabeshi nawa ajiikili mafwaha awu mwishina damutondu weneni muYabeshi+ nawa ashakamini chakadi kuda mafuku 7.

13 Dichi Sawulu wafwili muloña wakubula kwikala washinshika kudi Yehova nanochu chabulili kwovwahilayi izu daYehova+ nihamuloña wakwihula mukakuhoña nawandemoni+ 14 chatela ehuli kudi Yehova. Dichi Nzambi wamujahili nawa wahanini wanta kudi Davidi mwana kaYesi.+

11 Chimwahitili mpinji, aIsarela ejima apompeli kudi Davidi kuHebironi+ nakuhosha nawu: “Talaña! Etu tudi ifwaha deyi nawa mujimba weyi.*+ 2 Kunyima henohu Sawulu wuchidi mwanta, eyi yeyi walombweleña aIsarela kumajita awu.*+ Nawa Yehova Nzambi yeyi wakulejeli nindi: ‘Eyi wakabiñaña antu jami aIsarela nawa wakekala nlomboli yawantu jami aIsarela.’”+ 3 Dichi akulumpi ejima amuIsarela enjili kudi mwanta kuHebironi nawa Davidi watiyañeni nawu chitiyañenu muHebironi kumesu aYehova. Kuhiñahu, amuwayishili Davidi kwikala mwanta waIsarela+ kwesekeja nezu daYehova dahosheliyi kuhitila mudi Samweli.+

4 Mukuhita kwampinji, Davidi hamu nawaIsarela ejima anyamukili nakuya kuYerusalema, kuYebusi,+ mwituña mwashakamineñawu aYebusi.+ 5 Antu ashakamineña muYebusi amusupishili Davidi nawu: “Eyi hiwamba keñila munuku!”+ Hela chochu, Davidi watambwili musumba wakiñewa waZiyona,+ wunakutenawu chayinu mpinji nawu Musumba waDavidi.+ 6 Dichi Davidi wahosheli nindi: “Yowu wakatachikilahu kutapa aYebusi, wakekala mukulumpi* wanjita nawa chilolu.” Dichi Yowabi+ mwana kaZeruwiya diyi watachikililihu kuya nawa wekalili mukulumpi wanjita. 7 Kufumahu, Davidi watachikili kushakama mwiluña dakiñewa. Dihafumini aditeneña nawu Musumba waDavidi. 8 Watachikili kutuña musumba nakuwunyeñumwisha, kufuma haMulumba* nakushika kumaluña awunyeñumukili, nawa Yowabi watuñulwili iluña damusumba dashaliliku. 9 Dichi Davidi watwalekelihu kukolelaku chikupu+ nawa Yehova wamazaza wadiña nayena.

10 Awa diwu anlomboli* jaDavidi akakuzuña njita añovu, amukwashili nankashi muwanta windi hamu nawaIsarela ejima, nakumwilisha kwikala mwanta kwesekeja nezu daYehova kutalisha hadi Isarela.+ 11 Iyi diyi ndandanda yawakakuzuña njita añovu aDavidi: Yashobeyami+ mwana kamwini Hakimoni, wadiña hakachi kawakulumpi asatu.+ Hampinji yimu wazatishili iyoña dindi kujahilaku antu kubadika 300.+ 12 Walondeleli hadi yena wadiña Eleyazari+ mwana kaDodo mwini Ahohi.+ Iwu niyena wadiña hakachi kawakakuzuña njita añovu asatu. 13 Wadiña naDavidi kuPasidamimi,+ kwadipompesheleli hamu aFilisitinu kulonda azuñi njita. Dichi kwadiña iha mwadiña bali yayivulu, nawa antu atemukili muloña wawaFilisitinu. 14 Ilaña yena womikili nakwimana mukachi keha nawa wadikiñili odu iha nakutwalekahu kutapa aFilisitinu, chakwila Yehova wayimikili mushindu* chikupu.+

15 Akulumpi asatu ahadi akulumpi janyikala 30 akunkumukili nakuya kwilola kwadiña Davidi kwiyeñu daAdulami,+ iku njita yawaFilisitinu yinatuñili chilombu muChinekineki chawaRefa.+ 16 Haniyi mpinji, Davidi wadiña mwiluña dakiñewa nawa izanvu dawamashidika awaFilisitinu dadiña muBetelemi. 17 Kufumahu, Davidi watachikili kutoña nindi: “Menji amwishima didi kuchiisu chaBetelemi,+ nateli kuyinwa!” 18 Hohenohu, asatu adikanjikijili nakwiñila muchilombu chawaFilisitinu nawa atehwini menji mwishima dadiña kuchiisu chaBetelemi nakumuletelawu Davidi. Ilaña Davidi wakaanini kuyinwa nawa wayimwañilili kudi Yehova. 19 Wahosheli nindi: “Eyi Nzambi yami, kwesekeja nachiwamonaña, chinjila ami kwila chuma chamuchidiwu! Komana ami nateli kunwa mashi anawa amayala asha mawumi awu muwubanji?+ Muloña asha mawumi awu muwubanji hakuleta awa menji.” Dichi wakaanini kuyinwa. Iyi diyuma yakoñeli akakuzuña njita indi asatu añovu.

20 Abishayi+ mana kwaYowabi+ wekalili mukulumpi wamashidika amakwawu asatu; mpinji yimu wazatishili iyoña dindi kujahilaku antu kubadika 300 nawa wayili mpuhu neyi ana amashidika asatu añovu.+ 21 Hadi awa asatu, yena diyi wabadikili kulema hadi owu ayedi nawa diyi wadiña mukulumpi wawu; hela chochu, yena hashikili hachifulu hashikili ana amashidika asatu akusambilaku.

22 Benaya+ mwana kaYehoyada, wadiña iyala wahamuka* wazatili nyidimu yayivulu muKabizeyeli.+ Watapili anyana kaAriyeli wakuMowabi ayedi awamayala nawa wakunkumukilili mwibuku damenji hefuku dikwadiña sino* nawa wajahili mutupa.+ 23 Nawa watapili niiyala mwini Ejipitu wataluka chikupu, waleheli muchiiminu makyubiti* atanu.+ Hela chakwila owu mwini Ejipitu wadiña neyoña muchikasa chindi dadiña neyi mukambu wawakakusowashana,+ yena wayili nakumuwana namutondu nawa wahukwili iyoña muchikasa chamwini Ejipitu nakumujaha neyoña dindi.+ 24 Iyi diyuma yakoñeliyi Benaya mwana kaYehoyada nawa wayili mpuhu neyi ana akakuzuña njita asatu añovu. 25 Hela chakwila amulemesheli chikupu kubadika akwawu anlomboli 30, hashikili hachifulu hashikili ana amashidika asatuku.+ Hela chochu, Davidi wamutondeli kwikala mukulumpi wawanhembi jindi.

26 Akakuzuña njita añovu hadi amashidika adiña, Asaheli+ mana kwaYowabi, Elihanani mwana kaDodo wakuBetelemi,+ 27 Shamoti mwini Harori, Helezi mwini Peloni, 28 Ira+ mwana kaIkeshi mwini Tekowa, Abiyezeri+ mwini Anatoti, 29 Sibekayi+ wakuHusha, Ilayi mwini Ahohi, 30 Maharayi+ mwini Netofa, Heledi+ mwana kaBayana mwini Netofa, 31 Itayi mwana kaRibayi wakuGibeya wawaBenjamini,+ Benaya wakuPiratoni, 32 Hurayi wakunyihoñi* yaGayashi,+ Abiyeli mwini Aribati, 33 Azimaveti mwini Baharumi, Eliyaba mwini Shayalibimi, 34 anyana kaHashemi mwini Gizoni, Yonatani mwana kaShage mwini Harari, 35 Ahiyami mwana kaSakari mwini Harari, Elifali mwana kaUri, 36 Heferi wakuMekera, Ahiya mwini Peloni, 37 Heziro wakuKarimeli, Nayarayi mwana kaEzibayi, 38 Yoweli mana kwaNatani, Mibihari mwana kaHagiri, 39 Zeleki mwini Amoni, Naharayi mwini Beroti, mukakusenda yitwa yanjita yaYowabi mwana kaZeruwiya; 40 Ira mwini Itiri, Garebi mwini Itiri, 41 Uriya+ mwini Hiti, Zabadi mwana kaAlayi, 42 Adina mwana kaShiza mwini Rubeni, nlomboli* yawaRubeni niantu 30 adiñayi nawu; 43 Hanani mwana kaMayaka, Yoshafati mwini Mitini, 44 Uziya wakuAshiterati, Shama niYeyeli, anyana awamayala avweliwu kudi Hotami wakuAroweri; 45 Yediyayeli mwana kaShimiri nimanakwindi Yoha mwini Tizi; 46 Eliyeli mwini Havi, Yeribayi niYoshaviya anyana kaElinayami awamayala niItima wakuMowabi; 47 Eliyeli, Obedi niYayasiyeli wakuMezoba.

12 Awa diwu amayala enjili kudi Davidi kuZikilagi+ habulileñayi kwenda nakukasunuka muloña waSawulu+ mwana kaKishi, nawa awa amayala adiña hakachi kawakakuzuña njita añovu amukwashili Davidi munjita.+ 2 Adimanyekeli mata anyikunji nawa azatishileña chikasa chawu chachidiilu nichachimunswa+ hakwasa malola namwonji wakwasa nachu+ hela hakwasa nyivu nawuta wamukunji. Awa amayala adiña amana kwaSawulu, afumini kumuchidi waBenjamini.+ 3 Mukulumpi* wadiña Ahizeyeri, halondela niYowashi, ejima wawu adiña anyana awamayala avweliwu kudi Shemeya mukaGibeyati;+ Yeziyeli niPeleti anyana kaAzimaveti+ awamayala, Beraka, Yehu mwini Anatoti, 4 Ishimaya mwini Gibeyoni,+ mushidika wañovu wahakachi kawakulumpi 30+ nawa mukulumpi wawantu 30; niYeremiya, Yahaziyeli, Yohanani, Yozabadi mukaGederati, 5 Eluzayi, Yerimoti, Beyaliya, Shemariya, Shefatiya mukaHafiri, 6 Elikana, Ishaya, Azareli, Yowezeri niYashobeyami, aKora;+ 7 niYowela niZebadiya anyana kaYerohami wakuGedori.

8 AGadi amakwawu ayili kukabadi kaDavidi kwiluña dakiñewa mwisaña;+ adiña akakuzuña njita añovu, amashidika adizishawu kuzuña njita nawa adiña eluka chikupu kuzatisha nkebu jamaneni nimayoña, amwekeneña kumesu neyi nyitupa nawa atemukileña neyi tupaala tudi hajimpidi. 9 Ezeri diyi wadiña mukulumpi,* wamuchiyedi Obadiya, wamuchisatu Eliyabi, 10 wamuchiwana Mishimana, wamuchitanu Yeremiya, 11 wamu 6 Atayi, wamu 7 Eliyeli, 12 wamu 8 Yohanani, wamu 9 Elizabadi, 13 wamu 10 Yeremiya, wamu 11 Makibanayi. 14 Awa amayala afumini mudi aGadi,+ akulumpi* janjita. Wabula ñovu nankashi wazuñileña nawantu 100, nawa wañovu nankashi wazuñileña nawantu 1,000.+ 15 Awa diwu amayala azambukili Yodani mukakweji katachi haswejeliyi kwinzala kubadika nikuyikumu, nawa antu ejima ashakamineña mumaluña amunkulu, ayihañilili kumusela nikumujika.

16 Amayala amakwawu akukabadi kaBenjamini niYuda niwena enjili kudi Davidi kwiluña dindi dakiñewa.+ 17 Kufumahu, Davidi wedikili nakuya kudi wena nawa wayilili nindi: “Neyi munenzi mukuwunda kudi ami kulonda munkwashi, muchima wami wukudinuña hamu nanenu. Ilaña neyi munenzi nakunfukejela kudi akankunyi nami henohu makasa ami hiyanakoñihu chuma chatamaku, Nzambi yawankakulula jetu amoni chumichi nawa asompi.”+ 18 Kuhiñahu, spiritu yenjili hadi* Amasayi+ mukulumpi* wawantu 30, nawa wahosheli nindi:

“Eyi Davidi, etu tudi antu jeyi nawa tudi hamu naneyi, eyi mwana kaYesi.+

Dichi Davidi wayitambwilili nawa wayitondeli kulonda ekali hakachi kawakulumpi jamazanvu amashidika.

19 Amayala amakwawu akumuchidi waManasi niwena afumini kunjita yaSawulu nakuya kudi Davidi henjiliyi hamu nawaFilisitinu nakuzuña naSawulu; ilaña aFilisitinu wayikwashiliku wanyi, muloña hanyima yakuhanjeka, anyanta awaFilisitinu+ amuhañili nakuhosha nawu: “Wakamba kafunta kudi nkaaka yindi Sawulu nawa wumi wetu wunateli kwikala muwubanji.”+ 20 Chayiliyi kuZikilagi,+ awa amayala diwu enjili kudi yena kufuma kumuchidi waManasi: Adinahi, Yozabadi, Yediyayeli, Mikayeli, Yozabadi, Elihu niZiletayi, anlomboli* amakombakaji akumuchidi waManasi.+ 21 Amukwashiliku Davidi kuzuña nachendu chawatupondu, muloña awa amayala ejima adiña ayilobu, amayala ahamuka+ nawa ekalili akulumpi anjita. 22 Hefuku-hefuku antu atwalekelihu kwinza kudi Davidi+ nakumukwasha kushika nichekaliliwu izaza deneni danjita neyi chekala izaza danjita yaNzambi.+

23 Iku dikuvula kwawakulumpi anowu adimanyekeli kuzuña njita, owu enjili kudi Davidi kuHebironi+ nakutambula wanta waSawulu nakuwuhana kudi yena kwesekeja nalushimbi lwaYehova.+ 24 Amayala akumuchidi waYuda asendeli nkebu jamaneni nimayoña, adiña 6,800, adimanyeka kuzuña njita. 25 Amayala aSimiyoni, ayilobu nawa amayala anjita ahamuka, adiña 7,100.

26 Amayala aLevi, adiña 4,600. 27 Yehoyada+ diyi wadiña nlomboli yawanyana kaAroni+ awamayala nawa wadiña nawantu 3,700, 28 kushilahu niZadoki,+ chilobu nawa kansi weyala wahamuka, hamu niakulumpi 22 afumini kunyitaña yakukatata yindi.

29 Amayala eni Benjamini, amana kwaSawulu+ adiña 3,000. Kunyima, antu amavulu nankashi hadi awa ahembeleña yuma yamwitala daSawulu. 30 Amayala aEfuremu, adiña 20,800, ayilobu nawa amayala ahamuka ayili mpuhu hakachi kanyitaña yawu.

31 Amayala akumuchidi wachibalu waManasi, adiña 18,000, antu atondeliwu kulonda enzi nakumwilisha Davidi kwikala mwanta. 32 Amayala akumuchidi waIsakari, elukili chiwahi nsañu jampinji niyuma yateleleli kukoña aIsarela, adiña akulumpi 200 anyikala yawu nawa adiña nakulombola niamanakwawu ejima. 33 Amayala aZebuluni, adiña 50,000 ashikililimu kuzata mudimu wawushidika nawa aditanjikili kulonda azuñi njita iku adi nayitwa yanjita yejima, awa ejima adibombeleña naDavidi nakashinshi kakeni.* 34 Amayala aNafitali, adiña akulumpi 1,000, nawa awa amayala adiña nawantu 37,000 adiña nankebu jamaneni nimayoña. 35 Amayala aDani, owu aditanjikili kulonda azuñi njita, adiña 28,600. 36 Nawa amayala aAsheri, owu ateleleli kuzata mudimu wawushidika nakuditanjika kulonda azuñi njita, adiña 40,000.

37 Akwishinadi daYodani,+ mudi aRubeni, aGadi niakumuchidi wachibalu waManasi, amashidika adiña nayitwa yanjita yanyichidi yejima, adiña 120,000. 38 Awa ejima adiña amayala eluka kuzuña njita, aditanjikili hamu kunjita; enjili namuchima wumu kuHebironi kulonda amwilishi Davidi kwikala mwanta wawaIsarela ejima. Nawa aIsarela ejima anashali adinuñili hamu nakufwila* kumwilisha Davidi kwikala mwanta.+ 39 Nawa ashakamini kwenoku naDavidi mafuku asatu, iku anakuda nikunwa, muloña amanakwawu adiña ayiloñeshela dehi. 40 Nawa antu adiña kukamwihi nawena, kushika tuhu nikuIsakari, kuZebuluni nikuNafitali, aleteleña yakuda hayimbuulu, hajingameli, hayingongavalu nihañombi, aleteli wuña walembuluka, mankendi atowala akutuña nanyikaabu yayikuyu yakukamuna niakutuña nanyikaabu yanyivinyu yooma, vinyu, manji, añombi nianyikoku amavulu nankashi, muloña muIsarela mwadiña kuzañalala.

13 Davidi wehujoleli antwamina amakombakaji niajinkulakaji nianlomboli ejima.+ 2 Dichi Davidi walejeli chipompelu chawaIsarela chejima nindi: “Neyi munamoni nenu chinawahi kudi enu nawa chetejewa kudi Yehova Nzambi yetu, tutemeshenu mazu kudi amanakwetu anashali mumaluña ejima amuIsarela nikudi atupristu nikudi aLevi adi munyisumba yawu+ yidi namaluña akudiishilamu yimuna kulonda enzi nakudibomba nanetu. 3 Nawa tufuntishenu Chimbañu+ chaNzambi yetu.” Muloña mumafuku aSawulu achakameneni wanyi.+ 4 Chipompelu chejima chetejeli nawu chikukoñamu, muloña antu ejima amweni nawu chidi hohu chiwahi. 5 Dichi Davidi wapompesheli chipompelu chawaIsarela chejima, kufuma kukaloña* kaEjipitu ndo-o nikuLebo Hamati,*+ kulonda aleti Chimbañu chaNzambi walala kufuma kuKiriyati Yeyarimi.+

6 Davidi hamu nawaIsarela ejima akandukili nakuya kuBayala,+ kuKiriyati Yeyarimi musumba wekala muYuda kulonda akasendi Chimbañu chaNzambi walala kwenoku, Yehova, washakama hetanda hewulu* dawakerubi.+ Kunichi chimbañu dikwateneneneñawu antu ijina dindi. 7 Hela chochu, ashili Chimbañu chaNzambi walala hetemba dadiha,+ achisendeli kufuma kwitala daAbinadabi nawa Uza niAhiyo diwu alombweleña idi itemba.+ 8 Davidi niaIsarela ejima adiña nakuzañajala kumesu aNzambi walala nañovu jawu jejima, iku anakwimba tumina, tudada, yisanji yikwawu yanyonji, ñoma janyanya,*+ yifwoyu+ nijimpuña.+ 9 Ilaña chashikiliwu kuwuhulilu waKidoni, Uza wolweli chikasa chindi nakukwata Chimbañu, muloña añombi akeñeleña kuchihinuna. 10 Hohenohu, Yehova wamuzuwilili Uza, nawa wamubabesheli muloña wakwolola chikasa chindi nakukwata Chimbañu,+ dichi wafwilili hohenohu kumesu aNzambi.+ 11 Ilaña Davidi wahilili* nanochu chamuzuwililiwu Uza kudi Yehova; nawa adina iluña aditenaña nawu Perezi Uza* kushika nikulelu.

12 Dichi Davidi wamutiyili Nzambi walala woma hanodu ifuku nawa wahosheli nindi: “Indi Chimbañu chaNzambi walala nukuchileta ñahi?”+ 13 Davidi haleteli Chimbañu mwiluña mwashakamineñayi muMusumba waDavidiku, ilaña walejeli antu kulonda achitwali kwitala daObedi Edomi wakuGati. 14 Chimbañu chaNzambi walala chadiña nawantu amwitala daObedi Edomi, chashakamini hetala dindi hadi tukweji tusatu, nawa Yehova watwalekelihu kukiswila amwitala daObedi Edomi niyuma yejima yadiñayi nayu.+

14 Mwanta Hirami+ wakuTira watemesheli antemesha kudi Davidi hamu nanyitondu yanyisida, eluka kuzata namalola* niakakusoña kulonda amutuñili itala.*+ 2 Nawa Davidi welukili nindi Yehova namukoleshi chikupu kwikala mwanta waIsarela,+ muloña wanta windi awutuumbakesheli nankashi muloña wawantu Jindi aIsarela.+

3 Davidi wabombelelihu cheñi ambanda amakwawu+ muYerusalema nawa Davidi wavwelelelihu anyana amakwawu awamayala niawambanda.+ 4 Awa diwu majina awanyana avweliyi muYerusalema:+ Shamuwa, Shobabi, Natani,+ Solomoni,+ 5 Ibihari, Elishuwa, Elipeleti, 6 Noga, Nefegi, Yafiya, 7 Elishama, Beyeliyada niElifeleti.

8 AFilisitinu chatiyiliwu nawu Davidi anamuwayishi kwikala mwanta wawaIsarela ejima,+ aFilisitinu ejima enjili nakumukeñakeña Davidi.+ Davidi chachitiyiliyi, wayili nakuzuña nawu. 9 Kuhiñahu, aFilisitinu eñilili nawa atwalekelihu kulukuka muChinekineki chawaRefa.+ 10 Davidi wamwihwili Nzambi nindi: “Nikanduki niyi nakuzuña nawaFilisitinu tahindi? Wukuyihana muchikasa chami?” Hohenohu Yehova wamulejeli nindi: “Kandukaku, nawa chakadi nikujina, nukuyihana muchikasa cheyi.”+ 11 Dichi Davidi wakandukili nakuya kuBayali Perazimi+ nawa wayitapilili kwenoku. Hohenohu Davidi wahosheli nindi: “Nzambi walala nambalwili ayilumbu jami hakachi kwakwihi nachikasa chami neyi mbañu yinakunduki namenji.” Dihafumini hiyakudituumba odu iluña nawu Bayali Perazimi.* 12 AFilisitinu ashiyili anzambi jawu kwenoku, nawa Davidi chahaniniyi lushimbi, awa anzambi ayocheli mukesi.+

13 Chimwahitili mpinji, aFilisitinu alukukili cheñi muchinekineki.+ 14 Davidi wamwihwili cheñi Nzambi, ilaña Nzambi walala wamwakwili nindi: “Bayi wutalañana nawuku. Ilaña, wunyeñumukili kunyima yawu kulonda wuyilukukili kwakwihi nayiputa yabeka.+ 15 Nawa neyi wutiya chivumina chanshindu hewulu dayiputa yabeka, wakalukuki, muloña Nzambi walala wakekala watwaminaku dehi hambidi yeyi nakutapa njita yawaFilisitinu.”+ 16 Dichi Davidi welili kwesekeja namwamulejeliwu kudi Nzambi walala,+ nawa atapili njita yawaFilisitinu kufuma kuGibeyoni ndo-o nikuGezeri.+ 17 Nawa mpuhu yaDavidi yataandili mumatuña ejima nawa Yehova washili woma munyuza yejima wakumuchiina Davidi.+

15 Nawa watwalekelihu kutuña matala indi muMusumba waDavidi nawa waloñesheli iluña dakushamu Chimbañu chaNzambi walala nikuchilemena itenti.+ 2 Haniyi mpinji dihahosheliyi Davidi nindi: “Kwosi muntu wacheñi watela kusenda Chimbañu chaNzambi walalaku, chiña aLevi hohu, muloña Yehova nayitondi kulonda asendeña Chimbañu chaYehova nikumukalakela mpinji yejima.”+ 3 Kufumahu, Davidi wapompesheli hamu aIsarela ejima kuYerusalema kulonda ayi nakuleta Chimbañu chaYehova nakuchitwala kwiluña dachiloñesheleliyi.+

4 Davidi wapompesheli hamu amuchisaka chaAroni+ niaLevi:+ 5 mudi aKohati, mwafumini Uriyeli wadiña ntwamina niamanakwindi 120; 6 mudi aMerari, mwafumini Asaya+ wadiña ntwamina niamanakwindi 220; 7 mudi aGeshomu, mwafumini Yoweli+ wadiña ntwamina niamanakwindi 130; 8 mudi akachisaka chaElizafani,+ mwafumini Shemaya wadiña ntwamina niamanakwindi 200; 9 mudi akachisaka chaHebironi, mwafumini Eliyeli wadiña ntwamina niamanakwindi 80; 10 mudi akachisaka chaUziyeli,+ mwafumini Aminadabi wadiña ntwamina niamanakwindi 112. 11 Kubombelahu, Davidi watambikili atupristu, aZadoki+ naAbiyatari+ niaLevi, aUriyeli, Asaya, Yoweli, Shemaya, Eliyeli niAminadabi, 12 nawa wayilejeli nindi: “Yenu anlomboli janyitaña yawaLevi. Dijilikenu, enu niamanakwenu kulonda muyi nakuleta Chimbañu chaYehova Nzambi yaIsarela muchitwali kwiluña dinnachiloñesheli. 13 Chineli himwachisendeli hakusambilaku,+ Yehova Nzambi yetu watuzuwilili,+ muloña hitwalondeleli mwashimwiniyiku.”+ 14 Dichi atupristu niaLevi adijilikili kulonda ayi nakuleta Chimbañu chaYehova Nzambi yaIsarela.

15 Kuhiñahu, aLevi asendeli Chimbañu chaNzambi walala hamafwiji awu nanyalachi+ neyi chayilejeliyi Mosi kwesekeja namazu amulejeliwu kudi Yehova. 16 Kufumahu, Davidi walejeli akulumpi jawaLevi kutonda amanakwawu añimbi kulonda embi namuzañalu, iku anakuvumisha yisanji: yisanji yanyonji, tudada+ niyifwoyu.+

17 Dichi aLevi atondeli Hemani+ mwana kaYoweli, mudi amanakwindi atondelimu Asafi+ mwana kaBerekiya nawa mudi amanakwawu aMerari, atondelimu Etani+ mwana kaKushaya. 18 Amanakwawu amwizanvu damuchiyedi adiñawu nawu,+ adiña Zekariya, Beni, Yayaziyeli, Shemiramoti, Yehiyeli, Uni, Eliyabi, Benaya, Mayaseya, Matitiya, Elifelehu niMikineya nawa aObedi Edomi naYeyeli adiña akakuhemba kuchiisu. 19 Añimbi aHemani,+ Asafi+ niEtani diwu embileña yifwoyu yawuneñu;+ 20 nawa Zekariya, Aziyeli, Shemiramoti, Yehiyeli, Uni, Eliyabi, Mayaseya niBenaya diwu embileña yisanji yanyonji nakwimbila muAlamoti;*+ 21 nawa Matitiya,+ Elifelehu, Mikineya, Obed Edomi, Yeyeli niAzaziya embileña tudada nakwimbila muSheminiti,*+ diwu adiña akulumpi awakakwimba. 22 Kenaniya+ mukulumpi wawaLevi diyi watalileña mudimu wakusenda chimbañu, muloña wadiña wawilukisha chikupu, 23 nawa aBerekiya naElikana adiña akakuhemba Chimbañu. 24 Atupristu aShebaniya, Yoshafati, Netaneli, Amasayi, Zekariya, Benaya niEliyezeri diwu avumishileña jimpuña nachivumina chatiyakana nankashi kumbidi yaChimbañu chaNzambi walala,+ nawa aObedi Edomi naYehiya niwena adiña akakuhemba Chimbañu.

25 Dichi Davidi, akulumpi jawaIsarela niantwamina amakombakaji endeleleña hamu nakuleta chimbañu chachitiyañenu chaYehova kufuma kwitala daObedi Edomi+ namuzañalu.+ 26 Nzambi walala chayikwashiliyi aLevi asendeli chimbañu chachitiyañenu chaYehova, alambwili anyana kañombi 7 ayizamba nianyana kanyikoku 7 ayizamba.+ 27 Davidi wavwalili chakuvwala chakadi makasa chehina dadiwahi, kushilahu niaLevi ejima asendeli Chimbañu, añimbi niKenaniya mukulumpi watalileña mudimu wakusenda chimbañu niañimbi; Davidi wavwalili niifwodi* yehina.+ 28 AIsarela ejima aleteleña chimbañu chachitiyañenu chaYehova iku anakubula nyiñula,+ nikuvumisha nseñu, jimpuña,+ yifwoyu nikuvumisha yivumina yatiyakana nankashi hayisanji yanyonji nihatudada.+

29 Ilaña chimbañu chachitiyañenu chaYehova chichenjili kuMusumba waDavidi,+ mwana kaSawulu wamumbanda Mikali+ wasumbilileña hawindu* nakutala mwishina nawa wamweni Mwanta Davidi nakukiloka nikuzañalala; nawa watachikili kumudiwula Davidi mumuchima windi.+

16 Dichi eñijili Chimbañu chaNzambi walala nawa achishili mukachi ketenti dalemeneniyi Davidi chimbañu;+ nawa alambwili nyilambu yakushita ninyilambu yakuwunda kumesu aNzambi walala.+ 2 Davidi chamanishiliyi kulambula nyilambu yakushita+ ninyilambu yakuwunda,+ wakiswilili antu mwijina daYehova. 3 Kuhiñahu, wayinkeli aIsarela ejima, iyala-hiiyala, mumbanda-himumbanda, dinkendi danjiñumuki, dinkendi datowala danyikaabu yanyikoma nidinkendi datowala danyikaabu yanyivinyu yooma. 4 Kufumahu, watondelihu aLevi kulonda akalakeleña kuChimbañu chaYehova,+ kumulemesha,* kumusakilila nikumuhameka Yehova Nzambi yaIsarela. 5 Asafi+ diyi wadiña ntwamina,* walondeleli hadi yena wadiña Zekariya; nawa Yeyeli, Shemiramoti, Yehiyeli, Matitiya, Eliyabi, Benaya, Obedi Edomi niYeyeli+ diwu embileña yisanji yanyonji nitudada;+ nawa Asafi wembileña yifwoyu,+ 6 nawa atupristu aBenaya naYahaziyeli atwalekelihu kuvumisha jimpuña kumbidi yachimbañu chachitiyañenu chaNzambi walala.

7 Hanodi ifuku, diyi mpinji yatachi yasonekeliyi Davidi kamina kakumusakilila Yehova kuhitila mudi Asafi+ niamanakwindi nindi:

10 Disambilenu hejina dindi dajila.+

Nyichima yanowu anakumukeñakeña Yehova yizañalali.+

11 Mukeñakeñenu Yehova+ niñovu jindi.

Lombenuña wukwashu windi* mpinji yejima.+

14 Yena diyi Yehova Nzambi yetu.+

Wunsompeshi windi wekala mwahita iseki dejima.+

23 Mwimbilenu Yehova, enu ejima ashakama hamaseki!

Bidikenu wamwinu windi hefuku-hefuku!+

25 Muloña Yehova himuneni nawa watela kushimekewa chikupu.

Yena wakutiyisha woma chikupu kubadika anzambi ejima amakwawu.+

Dibukenu* kudi Yehova iku munavwali yakuvwala yajila yalubanji.*+

30 Zaalenu kumesu indi, enu ejima ashakama hamaseki!

Iseki* adishimatisha chikupu; hiyanateli kudiswijaku.*+

Nawa antu ejima ahosheli nawu, “Ameni!”* nawa amushimekeli Yehova.

37 Kufumahu, Davidi wamushiyili Asafi+ niamanakwindi kwenoku kumbidi yachimbañu chachitiyañenu chaYehova kulonda akalakeleña mpinji yejima kuChimbañu,+ kwesekeja namudimu wahefuku-hefuku.+ 38 Obedi Edomi niamanakwindi adiña 68, nawa Obedi Edomi, mwana kaYedutuni niHosa adiña akakuhemba kuchiisu; 39 nawa kapristu Zadoki+ niakwawu atupristu adiña kumbidi yatabanaka yaYehova hachinañanaña kuGibeyoni+ 40 kulonda alambuleña nyilambu yakushita kudi Yehova mpinji yejima hakameña kamulambu wakushita, ntetemena nimelela nikuzata yuma yejima yasonekawu muNshimbi jaYehova jalejeliyi aIsarela.+ 41 Adiña hamu naHemani niYedutuni+ niamayala ejima anashali asakwiliwu, owu atondeliwu hamajina kulonda amusakilileña Yehova,+ muloña “kukeña kwindi kwakashinshi kwahaya nyaaka”;+ 42 nawa adiña hamu naHemani+ niYedutuni kulonda avumisheña jimpuña, yifwoyu niyisanji yakuzatisha hakumushimeka Nzambi walala; nawa anyana kaYedutuni+ awamayala adiña kuchiisu. 43 Kufumahu, antu ejima ayili kunyikala yawu nawa Davidi wayili nakuyikiswila amwitala dindi.

17 Davidi chashakaminiyi tuhu mwitala* dindi, wamulejeli kaprofwetu Natani+ nindi: “Talaña, ami inakushakama mwitala danyitondu yanyisida+ ilaña chimbañu chachitiyañenu chaYehova chidi mwitenti.”+ 2 Natani wamwilili Davidi nindi: “Ilaku yuma yejima yidi kumuchima weyi, muloña Nzambi walala wudi naneyi.”

3 Hawowenowu wufuku, izu daNzambi denjili kudi Natani nawu: 4 “Yaña wumuleji kambuñami Davidi neyi, ‘Yehova nahoshi nindi: “Eyi yeyi wukuntuñila itala dakushakamamu wanyi.+ 5 Muloña ami kanda nishakameñahu dehi mwitala kufuma tuhu hefuku dinayidishili aIsarela kushika nikwifuku dalelu, ilaña natwalekelihu kuhitañana kufuma kwitenti dimu nakuya kwitenti dikwawu nikufuma kutabanaka yimu nakuya kuyikwawu.*+ 6 Mpinji yejima yinendeleña nawaIsarela ejima, komana nahoshahu dehi izu hela dimu kudi nsompeshi wumu hadi ansompeshi aIsarela inatondeli kulonda abiñeña antu jami aIsarela nami, ‘Muloñadi chimunabulili kuntuñila itala danyitondu yanyisida?’”’

7 “Dichi dinu wumuleji kambuñami Davidi neyi, ‘Yehova wamazaza nahoshi nindi: “Ami nakufumishili kuwudiilu wayimuna, kumudimu wakulondela mukanka wanyikoku kulonda wiikali nlomboli yawantu jami aIsarela.+ 8 Nukwikalaña naneyi kwejima kuwukuyaña+ nawa nakakufumishila* ayilumbu jeyi ejima kumesu eyi;+ nawa nakatuumbakesha ijina deyi neyi chatuumbakana majina awantu alema ahamaseki.+ 9 Antu jami aIsarela nakayitondela iluña dakushakamahu nawa akashakama henohu, nawa kwosi wakayiluwañesha cheñiku. Hiyakayikabisha cheñi kudi antu atama neyi cheliliwu kunyima,+ 10 kufuma hefuku dinatondeli ansompeshi akusompesha antu jami aIsarelaku.+ Nawa nakemika mushindu ayilumbu jeyi ejima.+ Kubombelahu, inakukuleja nami, ‘Yehova wakakutuñila itala.’*

11 “‘“Neyi mafuku eyi anamani dehi nawa wunayi kwekala ankakulula jeyi, hadi eyi nakasinsishahu mwaneyi,* wumu hakachi kawanyaneyi awamayala,+ nawa nakamukoleshela chikupu wanta windi.+ 12 Yena diyi wakantuñila itala+ nawa nakamukoleshela chikupu itanda dindi haya nyaaka.+ 13 Ami nakekala tata yindi nawa yena wakekala mwanami.+ Kukeña kwami kwakashinshi hinakakufumisha hadi yena+ neyi chinakufumishili hadi owu iwalondeleli hanyimaku.+ 14 Nakamutonda kwikala mwanta mwitala dami nimuwanta wami haya nyaaka,+ nawa itanda dindi dakashakama haya nyaaka.”’”+

15 Natani wamulejeli Davidi awa mazu ejima ninichi chimwenu chejima.

16 Hohenohu Mwanta Davidi weñilili mukachi nawa washakamini kumesu aYehova nakuhosha nindi: “Eyi Yehova Nzambi, ami yaminyi? Nawa itala dami dalemena hanka mwaka wuñilili yuma yamuchidiwu?+ 17 Eyi Nzambi, hiwunakumini dakwila iyi yuma hohuku, wunahoshi nihetala danami kambuñeyi neyi dakatwalekahu kushika nikuyaaka yakumbidi kwakweni,+ nawa eyi Yehova Nzambi, wunammoni neyi nidi muntu atela kutuumbakeshawu cheñi.* 18 Yumanyi yinnateli kukuleja ami kambuñeyi Davidi hakulema kuwunanlemeshi henohu wañiluka chiwahi ami kambuñeyi?+ 19 Eyi Yehova, muloña wanami kambuñeyi nichiwunafuukuli mumuchima weyi,* wuneli iyi yuma yejima yabadika nanochu chiwunammwekesheli kutoha kweyi kwasweja.+ 20 Eyi Yehova, kwosi wudi neyi eyiku,+ nawa kwosi Nzambi mukwawu chiña eyi hohu;+ yuma yejima yitunatiyi namatu etu yinamwekeshi chumichi nawu chalala. 21 Nawa muzanyi wukwawu heseki wudi neyi antu jeyi aIsarela?+ Eyi Nzambi walala wayili nakuyikuula kulonda ekali antu jeyi.+ Wadituñilili eyi aweni ijina nanochu chiwelili yuma yabadika niyakutiyisha woma chikupu,+ nakupalañesha nyuza kudi antu+ jeyi iwakuulili muEjipitu. 22 Wayibalumwini antu jeyi aIsarela kwikala antu jeyi haya nyaaka;+ nawa eyi Yehova wekalili Nzambi yawu.+ 23 Ichi dinu, eyi Yehova, chikaninu chiwunankani ami kambuñeyi niamwitala dami wuchihembeña mpinji yejima, nawa ilaku kwesekeja nachiwunakani.+ 24 Ijina deyi ditwalekihu* nawa dituumbakani+ haya nyaaka kulonda antu ahoshi nawu, ‘Yehova wamazaza, Nzambi yaIsarela, hiNzambi kudi Isarela,’ nawa itala danami kambuñeyi Davidi diikali dakola chikupu kumesu eyi.+ 25 Muloña eyi Nzambi yami, wunammwekesheli ami kambuñeyi nkeñelu yiwunakuntuñila itala.* Dihanafumi ami kambuñeyi nitweshi kulomba kudi eyi muniyi njila. 26 Dichi, eyi Yehova, yeyi Nzambi walala nawa wunankani ami kambuñeyi iyi yuma yayiwahi. 27 Dichi, tiyaku kuwaha kukiswila itala danami kambuñeyi nawa ditwalekihu haya nyaaka kumesu eyi, muloña eyi Yehova, wunadikiswili nawa dinakiswilewi haya nyaaka.”

18 Chimwahitili mpinji, Davidi wazuñili nawaFilisitinu nawa wayimikili mushindu. Kuhiñahu, watambwili Gati+ nimatawuni* anyeñumukiliku mumakasa awaFilisitinu.+ 2 Kufumahu, wemikili mushindu Mowabi,+ dichi aMowabi ekalili añamba jaDavidi nawa amuleteleleña mulambu.+

3 Davidi wamwimikili Mwanta Hadadezeri+ wakuZoba+ mushindu kwakwihi naHamati+ hayileñayi nakukolesha chiyuulu chindi kuKaloña Yufurati.+ 4 Davidi wamutambwili makalu 1,000, akakwendela hatuwalu 7,000 niamashidika akakwenda hamaseki 20,000.+ Kufumahu Davidi waketwili nyijila yakunyendu yatuwalu twejima, ilaña washiyilihu tuwalu 100 twakukoka makalu.+ 5 ASiriya akuDamakasa chenjiliwu nakumukwashaku Mwanta Hadadezeri wakuZoba, Davidi watapili aSiriya 22,000.+ 6 Davidi washili mazanvu amashidika muSiriya yakuDamakasa, dichi aSiriya ekalili añamba jaDavidi nawa amuleteleleña mulambu. Yehova wamukwashileña Davidi kwimika mushindu kwejima kwayileñayi.+ 7 Kubombelahu, Davidi watambwili nkebu janjiñumuki jawuru kudi ambuña aHadadezeri nawa wajileteli kuYerusalema. 8 Davidi wasendeli wuneñu wawuvulu nankashi kufuma muTibihati nimuKuni, nyisumba yaHadadezeri. Muniwu wuneñu, Solomoni watuñilimu beseni yeneni yamenji yawuneñu yateneneñawu nawu Kaluñalwiji,+ yishimi niyuma yawuneñu.+

9 Mwanta Towu wakuHamati chatiyiliyi nindi Davidi nemiki mushindu njita yejima yaMwanta Hadadezeri+ wakuZoba,+ 10 hohenohu, watemesheli mwanindi weyala Hadorami kudi Mwanta Davidi nakumwihula chinakuhandayi nikumuhameka muloña wakuzuña naHadadezeri nakumwimika mushindu (muloña Hadadezeri kakavulu wazuñileña naTowu), nawa wamuleteleli yuma yejima yashiyashana yawuru, yasiliva niyawuneñu. 11 Dichi Mwanta Davidi wamujilikilili Yehova yumiyi+ hamu nasiliva niwuru yasendeliyi kunyuza yejima: kudi aEdomi, aMowabi, aAmoni,+ aFilisitinu+ nikudi aAmaleki.+

12 Abishayi+ mwana kaZeruwiya+ watapili aEdomi 18,000 muChinekineki chaMuñwa.+ 13 Washili mazanvu amashidika muEdomi, nawa aEdomi ejima ekalili añamba jaDavidi.+ Yehova wamukwashileña Davidi kwimika mushindu kwejima kwayileñayi.+ 14 Davidi watwalekelihu kuyuula Isarela yejima,+ nawa yena wayihakwilileñaku antu jindi ejima mwawuñanji nimukuloña.+ 15 Yowabi mwana kaZeruwiya wadiña mukulumpi wanjita,+ Yehoshafati+ mwana kaAhiludi wadiña nsoneki wansañu. 16 Zadoki mwana kaAhitubi niAhimeleki mwana kaAbiyatari adiña atupristu, nawa Shavisha wadiña nsoneki. 17 Benaya mwana kaYehoyada wadiña nlomboli yawaKereti+ niaPeleti.+ Nawa anyana kaDavidi awamayala diwu adiña nayifulu yatachi kufuma hadi mwanta.

19 Mukuhita kwampinji, Nahashi Mwanta wawaAmoni wafwili nawa mwanindi wamuswanini nakwikala mwanta.+ 2 Hohenohu, Davidi wahosheli nindi: “Nukumumwekeshela Hanuni mwana kaNahashi kukeña kwakashinshi,+ muloña tata yindi wammwekesheleli kukeña kwakashinshi.” Dichi Davidi watemesheli antemesha kulonda ayi nakumukundeja nanochu chafwishiliyi tata yindi. Ilaña ambuña aDavidi chashikiliwu mwituña dawaAmoni+ kulonda amukundeji Hanuni, 3 ayilolu awaAmoni amulejeli Hanuni nawu: “Wunakutoñojoka neyi Davidi nakumulemesha tata yeyi nanochu chinakutemesheliyi akakukukundeja? Komana ambuñindi hiyanenzi kudi eyi kulonda atalatali chikupu musumba wejima nikuwendesha kulonda akwimiki mushinduku?” 4 Dichi Hanuni wakwatili ambuña aDavidi nakuyitewula+ nikuketula yakuvwala yawu hakachi hamahanda awu nawa wayuumbiliku nindi ayeña. 5 Davidi chamulejeliwu nsañu yanawa amayala, hohenohu watemesheli amakwawu kuya nakuwana ambuñindi, muloña awa amayala ayisawili nankashi; nawa mwanta wayilejeli nindi: “Shakamenu muYeriku+ sampu wevu wenu wunameni cheñi, kufumahu dinu mwakafunti.”

6 Haniyi mpinji, aAmoni amweni nawu anatachiki dehi kununka ivumba datama kudi Davidi, dichi Hanuni niaAmoni atemesheli ntalenta* jasiliva 1,000 kulonda afweteli makalu niakakwendela hatuwalu kufuma kuMesopotamiya,* kuArami Mayaka nikuZoba.+ 7 Dichi afweteleli makalu 32,000 hamu nimwanta wakuMayaka niantu jindi. Kufumahu, enjili nakuteekela kumbidi yaMedeba.+ AAmoni adipompesheli hamu kufuma kunyisumba yawu nawa enjili nakuzuña njita.

8 Davidi chachitiyiliyi, watemesheli Yowabi+ niamashidika ejima, kushilahu niakakuzuña njita indi añovu chikupu.+ 9 Nawa aAmoni ayili nakuditanjika kulonda azuñili njita kuwiñililu wamusumba nawa haniyi mpinji, anyanta enjili adiña kwankawawu mwisaña.

10 Yowabi chamweniyi nindi amashidika anakwinza nakumulukukila kumbidi nikunyima, watondelihu amashidika muIsarela elukisha kuzuña njita nakuyitanjika kulonda azuñi njita nawaSiriya.+ 11 Amayala ejima ashalilihu wayihanini kudi manakwindi* Abishayi+ ayilomboli nikuyitanjika kulonda azuñi njita nawaAmoni. 12 Kufumahu, wahosheli nindi: “Neyi aSiriya+ akumbadika ñovu, eyi watela kwinza nakuñamwina; ilaña neyi aAmoni akukubadika ñovu, ami nukukwamwina. 13 Twatela kwikala akola nawa ahamuka+ muloña wawantu jetu nihamuloña wanyisumba yaNzambi yetu, nawa Yehova wukwila chuma chikumonayi nindi chachiwahi.”

14 Kuhiñahu, Yowabi niantu jindi aswinini kwakwihi kulonda azuñi nawaSiriya, ilaña wena amutemukili.+ 15 AAmoni chamweniwu nawu aSiriya anatemuki, niwena amutemukili manakwindi Abishayi nakuya mumusumba. Kufumahu, Yowabi wafuntili kuYerusalema.

16 ASiriya chamweniwu nawu anayimiki mushindu kudi aIsarela, atemesheli antemesha kuya nakutambika aSiriya mwiluña dakuKaloña,*+ hamu naShofaki mukulumpi wanjita yaHadadezeri iku nakuyilombola.+

17 Davidi chamulejeliwu iyi nsañu, hohenohu wapompesheli aIsarela ejima nawa azambukili Yodani nakuya kudi wena nawa aditanjikili kulonda azuñi nawu njita. Davidi waditanjikili kulonda azuñi njita nawaSiriya nawa azuñili nindi.+ 18 Ilaña aSiriya ayitemukili aIsarela; dichi Davidi wajahili akakwendesha makalu 7,000 niamashidika akakwenda hamaseki 40,000 awaSiriya, nawa wamujahili Shofaki mukulumpi wanjita. 19 Ambuña aHadadezeri chamweniwu nawu anayimiki mushindu kudi aIsarela,+ anyakeli kuleta kuwunda naDavidi nawa ekalili akakumukalakela.+ ASiriya hiyakeñeleña kuyikwasha cheñi aAmoniku.

20 Hakutachika kwachaaka,* hayileñawu anyanta kunjita, Yowabi+ walombweli ayileña nakuzuña njita nawa ajilumwini ituña dawaAmoni; washikili nawa wakuchikili musumba waRaba,+ ilaña haniyi mpinji Davidi washalili muYerusalema.+ Yowabi walukukili musumba waRaba nakuwujilumuna.+ 2 Kufumahu, Davidi wanoneli chibañula chadiña kumutu waMalikami nawa chalemeni ntalenta* yawuru yimu. Mukachi kanichi chibañula mwadiña malola alema wuseya nawa amuvwikilichu Davidi kumutu. Wanoneli niyuma yakupuupa yayivulu muniwu musumba.+ 3 Wasendeli niantu adiña muniwu musumba nakuyiñija mudimu+ wakuketula malola niwakuzata nayitwa yayikuñu yatwa ninayizembi. Ichi dicheliliyi Davidi nanyisumba yejima yawaAmoni. Nkumininaku, Davidi nimazanvu amashidika ejima afuntili kuYerusalema.

4 Hanyima yachumichi, njita yatachikili kuGezeri nawaFilisitinu. Hanoyu mpinji Sibekayi+ mwini Husha wamujahili Sipayi, wadiña wamuchisaka chawaRefa+ nawa ayimikili mushindu.

5 Dichi njita yatachikili cheñi nawaFilisitinu nawa Elihanani mwana kaYayiri wajahili Lahimi mana kwaGoliyati+ wakuGati, owu wadiña neyoña dadiña namulunda neyi mukambu wawakakupikula.+

6 Njita yatachikili cheñi kuGati,+ kwadiña iyala wumu wataluka chikupu,+ wadiña nanyinu 6 kuchikasa-hichikasa nawa wadiña nanyinu 6 kumwendu-himwendu, yejima hamu yadiña nyinu 24; niyena wadiña wamuchisaka chawaRefa.+ 7 Watwalekelihu kumusupisha+ Isarela. Dichi amutapili kudi Yonatani mwana kaShimeya,+ mana kwaDavidi.

8 Awa amayala ejima adiña anyana kawaRefa+ muGati,+ nawa afwili kuchikasa chaDavidi nikuchikasa chawambuñindi.

21 Kufumahu, Satana* wayinyamukilili aIsarela nawa wamusañumwini Davidi kulonda achindi aIsarela.+ 2 Dichi Davidi wamulejeli Yowabi+ niakulumpi jawantu nindi: “Yenu mwakachindi aIsarela kutachikila kuBeyerisheba nakushika kuDani;+ kuhiñahu mwinzi nakunleja kulonda niiluki kuvula kwawu.” 3 Ilaña Yowabi wahosheli nindi: “Yehova avulishi antu jindi mapampa 100! Eyi nkaaka yami mwanta, komana awa antu ejima hiyadi dehi ambuña aneyi nkaaka yamiku? Hanu dinu, muloñadi eyi nkaaka yami chiwunakukeña kukoñela chumichi? Muloñadi chiwukuleteshela aIsarela kuvulumuna?”

4 Ilaña mazu amwanta abadikili ñovu mazu aYowabi. Dichi Yowabi wafumini kwenoku nakuya nakuhitañana muIsarela, kuhiñahu, wenjili kuYerusalema.+ 5 Kufumahu, Yowabi wamwinkeli Davidi kuvula kwawantu asonekeliwu. Amayala ejima akakuzuña njita aIsarela adimanyekeli mpoku jatubali adiña 1,100,000 nawa amayala akumuchidi waYuda adimanyekeli mpoku jatubali adiña 470,000.+ 6 Ilaña muchidi wawaLevi niwawaBenjamini hiyayisonekeli hakachi kanawa antuku,+ muloña mazu ahosheliyi mwanta amutiyishili Yowabi kutama.+

7 Chumichi chamutiyishili Nzambi kutama nankashi, dichi wayibabesheli aIsarela. 8 Kuhiñahu, Davidi wamulejeli Nzambi walala nindi: “Navulumuni+ chikupu hakukoña chumichi. Dichi dinu, mwani ñanakeni ami kambuñeyi hachiluwa chami,+ muloña neli mwawusupi nankashi.”+ 9 Kufumahu, Yehova wamulejeli Gadi,+ mukakumumwena Davidi yimwenu nindi: 10 “Yaña wakamuleji Davidi neyi, ‘Yehova nahoshi nindi: “Inakukwinka yuma yisatu wutondihu. Wutondihu chuma chiwukukeña nukwili.”’” 11 Dichi Gadi wayili kudi Davidi nakumwila nindi: “Yehova nahoshi nindi, ‘Tondakuhu chiwukukeña, 12 wukukeña yaaka yisatu yanzala yakapwelendendi,+ tahindi akwimikeña mushindu kudi akankunyi neyi hadi tukweji tusatu iku mpoku yakabali yawakankunyi neyi yinakukutapa,+ tahindi wukukeña akubabeshi kudi Yehova nampoku yakabali hadi mafuku asatu, hanawa mafuku asatu mwituña mukwikala chipupu+ nawa kañelu kaYehova wukujilumuna+ mumaluña ejima amuIsarela.’ Dichi toñojokakuhu kulonda wunleji chinatela kuya nakumuleja Owu wantemesha.” 13 Dichi Davidi wamulejeli Gadi nindi: “Chinankalili nankashi. Mwani niholokeli muchikasa chaYehova, muloña luwi lwindi lwabadika chikupu;+ ilaña bayi niholokela muchikasa chamuntuku.”+

14 Kufumahu Yehova wayitemesheleli aIsarela chipupu,+ chakwila antu 70,000 hadi aIsarela afwili.+ 15 Kubombelahu, Nzambi walala watemesheli kañelu kuYerusalema kulonda amujilumuni; ilaña hadiñayi kwakwihi nakumujilumuna, Yehova wamweni chumichi nawa waditoñesheli* muloña wanochu chipupu chaleteliyi,+ dichi wamulejeli kañelu wajilumwineña antu nindi: “Kunahu!+ Ichi dinu hololaku chikasa cheyi.” Kañelu kaYehova wadiña wemana kwakwihi nawuhulilu waOrinani+ mwini Yebusi.+

16 Davidi chafumbwiliyi mesu, wamweni kañelu kaYehova nemani hakachi keseki newulu iku nakwati mpoku yakabali+ muchikasa chindi yakuhola dehi nawa nayolweli kukabadi kaYerusalema. Davidi niakulumpi avwalili yisasa,+ hohenohu wejima wawu adinatili chamesu heseki.+ 17 Davidi wamwilili Nzambi walala nindi: “Komana ami hiyami nashimwini nami antu ayichindiku? Yami inavulumuni nawa yami nakoña chuma chatama,+ hakwila awa anyikoku, chumanyi chinakoñiwu? Eyi Yehova Nzambi yami, mwani chikasa cheyi chimbabeshi niamwitala datata yami; ilaña bayi wuleta ichi chipupu hadi antu jeyiku.”+

18 Kufumahu, kañelu kaYehova wamulejeli Gadi+ nindi ayi nakumuleja Davidi kulonda akanduki nakuya nakumutuñila Yehova kameña hawuhulilu waOrinani mwini Yebusi.+ 19 Dichi Davidi wakandukili nakuya kwesekeja namazu aGadi, ahosheleliyi mwijina daYehova. 20 Haniyi mpinji, Orinani wabalumukili nawa wamweni kañelu, anyanindi awamayala awana adiñayi nawu aswamini. Hampinji yeniyi, Orinani wahulileña tidiku. 21 Davidi chayiliyi kudi yena, Orinani chelili nindi atali wamumweni Davidi, hohenohu wedikili kufuma kuwuhulilu nakunoñama chamesu heseki kudi Davidi. 22 Davidi wamwilili Orinani nindi: “Nlandishi* iluña dawuhulilu kulonda nimutuñilihu Yehova kameña. Wunlandishi nawuseya washikilamu chikupu, kulonda chipupu chinenzi hadi antu chihiti.”+ 23 Ilaña Orinani wamulejeli Davidi nindi: “Wusendi wiikali weyi, nawa eyi nkaaka yami mwanta ilaku chejima chiwunamoni neyi chachiwahi.* Tambulaku awa añombi innakukwinka akulambula nyilambu yakushita, chuma chakuhula nachu+ kulonda chiikali nchawa nitidiku yakulambula mulambu wambutu. Yuma yejima nakwinki.”

24 Hela chochu, Mwanta Davidi wamulejeli Orinani nindi: “Inehi, nukuwulanda nawuseya washikilamu chikupu, muloña hinukutambula chuma cheyi nakumwinka Yehova hela kulambula nyilambu yakushita yakadi kufwetelaku.”+ 25 Dichi Davidi wamwinkeli Orinani wuru yalemeni mashekeli* 600 kulonda alandi odu iluña. 26 Nawa Davidi wamutuñilili Yehova kameña+ henohu nawa walambwililihu nyilambu yakushita ninyilambu yakuwunda. Kuhiñahu, wamutambikili Yehova nawa yena wamwakwili nakesi+ kafumini mumawulu nakwinza hakameña kamulambu wakushita. 27 Kufumahu, Yehova wamulejeli kañelu+ nindi afuntishi mpoku yindi yakabali muchindalu chayu. 28 Hayina mpinji, Davidi chamweniyi nindi Yehova namwakwili kuwuhulilu waOrinani mwini Yebusi, watwalekelihu kulambula kwenoku. 29 Hela chochu, tabanaka yaYehova yatuñiliyi Mosi mwisaña nikameña kakulambwilahu mulambu wakushita hayina mpinji jadiña hachinañanaña kuGibeyoni.+ 30 Ilaña Davidi hatwesheli kuya kwenoku nakumwihula Nzambiku, muloña watiyili woma wampoku yakabali yakañelu kaYehova.

22 Kufumahu, Davidi wahosheli nindi: “Idi didu itala daYehova Nzambi walala, nawa aka dikameña kakulambwilahu aIsarela mulambu wakushita.”+

2 Dichi Davidi wahanini lushimbi nindi apompeshi hamu añiinza+ adiña mwituña daIsarela, nawa wayinkeli mudimu wakuketula malola nikusoña malola akutuña nachu itala daNzambi walala.+ 3 Davidi waloñeshili niyikuñu yayivulu nankashi yakuchilamu nyisumali yakuzatisha kuyenzelu yakuyiisu niyakuchilamu makalampa,* niwuneñu wawuvulu nankashi wakukañanya kupima,+ 4 nawa waloñesheli ninyitondu yanyisida+ yakukañanya kuchinda, muloña akaSidoni+ niakaTira+ amuleteleli Davidi nyitondu yanyisida yayivulu chikupu. 5 Kufumahu, Davidi wahosheli nindi: “Mwanami Solomoni wuchidi kansi nawa heluka yuma yayivuluku,*+ nawa itala dinakukeñeka kumutuñila Yehova dikwikala deneni chikupu+ chakwila mpuhu yadu nilubanji lwadu+ jakatiyakana kumatuña ejima.+ Dichi nukumuloñeshela chadimu yuma yejima.” Dichi Davidi waloñesheleli chadimu yuma yayivulu nankashi yakuzatisha henohu kanda afwi.

6 Kuhiñahu, wamutambikili mwanindi Solomoni nawa wamulejeli nindi amutuñili Yehova Nzambi yaIsarela itala. 7 Davidi wamulejeli mwanindi Solomoni nindi: “Muchima wami wafwilileña kutuñila ijina daYehova Nzambi yami itala.+ 8 Ilaña izu daYehova denjili kudi ami nawu, ‘Eyi wunapwekeshi mashi amavulu nankashi nawa wunazuñi njita jajivulu. Eyi hiwukutuñila ijina dami italaku,+ muloña wunapwekeshi mashi amavulu nankashi hamaseki kumesu ami. 9 Tiyaña! Wakavwala mwana weyala+ wakekala muntu wakuwunda,* nawa ami nakamunookesha kudi ayilumbu jindi ejima akadikumashana nindi,+ muloña akamutuumba ijina nawu Solomoni*+ nawa Isarela nakamwinka kuwunda nikumwena mumafuku indi.+ 10 Diyi wakatuñila ijina dami itala.+ Wakekala mwanami nawa ami nakekala tata yindi.+ Nakakolesha chikupu itanda dawanta windi wakuyuula Isarela haya nyaaka.’+

11 “Ichi dinu mwanami, Yehova ekali naneyi kulonda wakatweshi kumutuñila Yehova Nzambi yeyi itala neyi chinahoshiyi hadi eyi.+ 12 Yehova akakwinki maana nikashinshi+ hakakwinkayi wuswa wakuyuula aIsarela, kulonda wakahembeña nshimbi jaYehova Nzambi yeyi.+ 13 Yuma yakakuwahilaña neyi wakalondelaña nshimbi+ niwunsompeshi jamulejeliwu Mosi kudi Yehova nindi ayinki aIsarela.+ Ikalaku wahamuka nawa kolaku. Bayi wutiya woma hela kufwa mutentuku.+ 14 Talaña, ami nakabakani nankashi hakwila niloñesheli itala daYehova ntalenta* jawuru 100,000 nintalenta jasiliva 1,000,000 niwuneñu wawuvulu niyikuñu+ yakukañanya kuchinda. Nawa naloñeshi nyitondu nimalola,+ hela chochu, nineyi wakabombelihu. 15 Wudi nawakanyidimu amavulu, akakuketula malola, akakutuña namalola,+ akakusoña niakanyidimu eluka nyidimu yejima yashiyashana.+ 16 Wuru, Siliva, wuneñu niyikuñu, yuma yayivulu nankashi yakukañanya nikupima.+ Nyamukaku wutachiki kuzata, nawa Yehova ekali naneyi.”+

17 Kufumahu, Davidi walejeli ayilolu ejima amuIsarela kulonda amukwashiku mwanindi Solomoni nindi: 18 “Komana Yehova Nzambi yenu hadi nanenuku? Nawa hanayinookeshi kutubadi twejimaku? Muloña wanyinkeli enimbu amudinu ituña nawa ituña anadimiki mushindu kumesu aYehova nihamesu awantu jindi. 19 Dichi fuukulenuhu namuchima wenu wejima ninawumi* wenu wejima kumukeñakeña Yehova Nzambi yenu+ nawa mutachiki kumutuñila Yehova Nzambi walala+ iluña dajila, kulonda mwakaleti chimbañu chachitiyañenu chaYehova niyuma yajila yaNzambi walala+ kwitala dakatuñilawu ijina daYehova.”+

23 Davidi chashinakajiliyi nawa chadiñayi kwakwihi nakufwa,* wamwilishili mwanindi Solomoni kwikala mwanta waIsarela.+ 2 Kuhiñahu, wapompesheli ayilolu ejima amuIsarela, atupristu+ niaLevi.+ 3 ALevi adiña nayaaka kutachikila ha 30 nakuya hewulu ayichindili hamuntu-hamuntu,+ nawa ejima wawu adiña 38,000. 4 Hakachi kanawa antu, 24,000 adiña atupitawu akutala mudimu wakwitala daYehova, 6,000 adiña ayilolu niansompeshi,+ 5 nawa hadiña akakuhemba kuchiisu+ 4,000 niantu 4,000 amuhamekeleña+ Yehova nayisanji yashimwiniyi Davidi nindi, “Nayituñili kulonda amuhamekeña nachu Nzambi.”

6 Kufumahu, Davidi wayambwili mumazanvu+ kwesekeja nawanyana kaLevi awamayala: Geshoni, Kohati niMerari.+ 7 Mudi aGeshoni mwafumini Ladani niShimeyi. 8 Anyana kaLadani awamayala adiña asatu, Yehiyeli mukulumpi wamukala, Zetami niYoweli.+ 9 Anyana kaShimeyi awamayala adiña asatu, Shelomoti, Haziyeli niHarani. Awa diwu adiña anlomboli janyitaña yaLadani yindi. 10 Nawa Anyana kaShimeyi awamayala adiña Yahati, Zina, Yewushi niBeriya. Awa ejima awana adiña anyana kaShimeyi. 11 Yahati diwadiña nlomboli, halondela niZiza. Ilaña chelili Yewushi niBeriya hiyadiña nawanyana awamayala amavuluku, ayichindili neyi chisaka chimu chakukatata yawu nawa ayinkeli mudimu wumu.

12 Anyana kaKohati awamayala adiña awana, Amuramu, Izihari,+ Hebironi niUziyeli.+ 13 Anyana kaAmuramu awamayala adiña Aroni+ niMosi.+ Ilaña Aroni nianyanindi awamayala ayaambwili haya nyaaka+ kulonda ajilikeña Mwajila Chikupu, nawa kulonda alambuleña nyilambu kumesu aYehova, kumukalakela nikukiswila antu mwijina dindi mpinji yejima.+ 14 Hakwila anyana awamayala avweliyi Mosi muntu waNzambi walala, ayichindilili kumuchidi wawaLevi. 15 Anyana kaMosi awamayala adiña Geshomu+ niEliyezeri.+ 16 Mudi anyana kaGeshomu awamayala, Shebuweli+ diwadiña nlomboli. 17 Mudi amuchisaka* chaEliyezeri, Rehabiya+ diyi wadiña nlomboli; Eliyezeri hadiñahu nawanyana awamayala amakwawuku, ilaña anyana kaRehabiya awamayala adiña amavulu chikupu. 18 Mudi anyana kaIzihari,+ Shelomiti+ diyi wadiña mukulumpi wamukala. 19 Anyana kaHebironi awamayala adiña Yeriya, diwadiña nlomboli, wamuchiyedi Amariya, wamuchisatu Yahaziyeli nawa wamuchiwana Yekameyami.+ 20 Anyana kaUziyeli+ awamayala adiña Mika, diwadiña nlomboli, halondela Ishiya.

21 Anyana kaMerari awamayala adiña Mahili niMushi.+ Anyana kaMahili awamayala adiña Eleyazari niKishi. 22 Eleyazari wafwili, ilaña havwelihu anyana awamayalaku, chiña awambanda hohu. Dichi, awa anyana asumbukili kudi antaña jawu,* anyana kaKishi. 23 Anyana kaMushi awamayala adiña asatu, Mahili, Ederi niYeremoti.

24 Awa diwu anyana kaLevi awamayala kwesekeja nanyitaña yawu, anlomboli janyitaña yawu. Ayisonekeli, ayichindili nikuyitanjika kwesekeja namajina awu nawa diwu azatileña mudimu wakwitala daYehova, kutachikila hadi adi nayaaka 20 kuya hewulu. 25 Muloña Davidi wahosheli nindi: “Yehova Nzambi yaIsarela nanookeshi antu jindi+ nawa wakashakama muYerusalema haya nyaaka.+ 26 Kubombelahu, aLevi hiyakasendaña cheñi tabanaka hela kusenda chuma chayu chejima hayuma yakuzatisha kumudimu wayuku.”+ 27 Muloña kwesekeja nanshimbi jaDavidi jakukumishaku, aLevi ejima adiña nayaaka kutachikila ha 20 kuya hewulu ayichindili. 28 Mudimu wawu wadiña wakukwasha anyana kaAroni+ awamayala kukalakala mudimu wakwitala daYehova, kwakamena malubanza,+ tupeka twakudiilamu, kutookesha yuma yejima yajila nimudimu wejima wakwitala daNzambi walala. 29 Akwashañeneña mumudimu wakwocha mankendi akulunjeka,*+ wawuña wawuwahi walembuluka wamulambu wambutu, wamankendi apapalala akadi iluñi,+ wamakeeki akwocha hachikañu, wachikanka chakubomba namanji+ nimudimu wejima wakupima kuvula nikutoha. 30 Emeneña ntetemena-hintetemena+ nakumusakilila nikumuhameka Yehova nawa dichiyelileñawu nimelela.+ 31 Akwashañeneña hampinji yejima yalambwileñawu nyilambu yakushita kudi Yehova hajiSabata,+ hatukweji twatuha+ nihayilaaka yayawija,+ kwesekeja nakuvula kwakeñekeleña munshimbi kutalisha hayumiyi. Elileña mwenimu mpinji yejima kumesu aYehova. 32 Adiña nakwakamena ninyidimu yawu yakwitenti dakubulakena, yamwiluña dajila nikukalakela amanakwawu anyana kaAroni awamayala azatileña mudimu wakwitala daYehova.

24 Awa diwu adiña mazanvu amuchisaka chaAroni: Anyana kaAroni awamayala adiña Nadabi, Abihu,+ Eleyazari niItamari.+ 2 Hela chochu, Nadabi niAbihu afwili henohu tata yawu wuchidi wamumi,+ nawa hiyavwelihu anyana awamayalaku; ilaña aEleyazari+ naItamari atwalekelihu kukalakala mudimu wawupristu. 3 Davidi hamu naZadoki+ wahadi anyana kaEleyazari niAhimeleki wahadi anyana kaItamari awamayala, ayanzañeni mumazanvu kulonda akalakeleñamu mudimu wawu. 4 Chineli anyana kaEleyazari awamayala adiña nawakulumpi janyikala amavulu kubadika adiña nawanyana kaItamari awamayala, ayanzañeni kwesekeja nakuvula kwawu: Anyana kaEleyazari adiña nawakulumpi janyikala 16 ekalili anlomboli janyitaña yawu, nawa anyana kaItamari adiña nawakulumpi janyikala 8 ekalili anlomboli janyitaña yawu.

5 Kubombelahu, ayanzañeni kuzatisha yinjikijilu,+ izanvu dimu hamu nezanvu dikwawu, muloña kwadiña ayilolu akutala iluña dajila niayilolu akumukalakela Nzambi walala afumini mudi anyana kaEleyazari awamayala nimudi anyana kaItamari awamayala. 6 Kufumahu, Shemaya mwana kaNetaneli nsoneki yawaLevi wasonekeli majina hamesu amwanta, awayilolu, akapristu Zadoki,+ aAhimeleki+ mwana kaAbiyatari+ niawanlomboli janyitaña yawatupristu nianlomboli janyitaña yawaLevi. Mutaña wumu awutondeli kulonda wiikali waEleyazari, wukwawu awutondeli kulonda wiikali waItamari.

7 Chinjikijilu chatachi chaholokeleli hadi Yehoyaribi; chamuchiyedi hadi Yedaya, 8 chamuchisatu hadi Harimi, chamuchiwana hadi Seyorimi, 9 chamuchitanu hadi Malikiya, chamu 6 hadi Miyamini, 10 chamu 7 hadi Hakozi, chamu 8 hadi Abiya,+ 11 chamu 9 hadi Yeshuwa, chamu 10 hadi Shekaniya, 12 chamu 11 hadi Eliyashibi, chamu 12 hadi Yakimi, 13 chamu 13 hadi Hupa, chamu 14 hadi Yeshebeyabi, 14 chamu 15 hadi Biliga, chamu 16 hadi Imeri, 15 chamu 17 hadi Heziri, chamu 18 hadi Hapizezi, 16 chamu 19 hadi Petahiya, chamu 20 hadi Yehezikeli, 17 chamu 21 hadi Yakini, chamu 22 hadi Gamuli, 18 chamu 23 hadi Delaya, chamu 24 hadi Mayaziya.

19 Iyi diyadiña nyidimu yawu yazatileñawu+ neyi anenzi mwitala daYehova kwesekeja nantanjikilu yashiliku nkakulula yawu Aroni, neyi chamulejeliwu kudi Yehova Nzambi yaIsarela.

20 Nawa kudi aLevi ashalilihu: mudi anyana kaAmuramu+ awamayala, mwafumini Shubayeli; + mudi anyana kaShubayeli awamayala, mwafumini Yehideya; 21 mudi Rehabiya: mudi anyana kaRehabiya+ awamayala, mwafumini Ishiya wadiña nlomboli; 22 mudi aIzihari, mwafumini Shelomoti;+ mudi anyana kaShelomoti awamayala, mwafumini Yahati; 23 nawa mudi anyana kaHebironi awamayala, mwafumini Yeriya+ wadiña nlomboli, wamuchiyedi Amariya, wamuchisatu Yahaziyeli, wamuchiwana Yekameyami; 24 mudi anyana kaUziyeli awamayala, mwafumini Mika; mudi anyana kaMika awamayala, mwafumini Shamiri. 25 Mana kwaMika wadiña Ishiya; mudi anyana kaIshiya awamayala, mwafumini Zekariya.

26 Anyana kaMerari+ awamayala adiña Mahili niMushi; mudi anyana kaYayaziya awamayala, mwafumini Beno. 27 Anyana kaMerari awamayala: mudi Yayaziya, mwafumini Beno, Shohami, Zakuri niIbiri; 28 mudi Mahili, mwafumini Eleyazari wabulili kuvwalahu mwana weyala hela wumu;+ 29 mudi Kishi; mudi anyana kaKishi awamayala, mwafumini Yerahimeyeli; 30 nawa anyana kaMushi awamayala adiña Mahili, Ederi niYerimoti.

Awa diwu adiña anyana kaLevi awamayala kwesekeja nanyitaña yawu. 31 Nawa cheñi asakwili nayinjikijilu+ neyi cheliliwu amanakwawu anyana kaAroni awamayala hamesu aMwanta Davidi, aZadoki, aAhimeleki niawanlomboli janyitaña yawatupristu nihamesu awanlomboli janyitaña yawaLevi. Nlomboli-hinlomboli wamukulumpi wakumutaña windi wesekeni hamu nanlomboli-hinlomboli wakansi wakumutaña windi.

25 Kubombelahu, Davidi niakulumpi amazanvu amudimu ambwilihu anyana awamayala avweliwu kudi Asafi, Hemani nikudi Yedutuni+ kulonda aprofweteña natudada, nayisanji yanyonji+ ninayifwoyu.+ Ndandanda yamajina awayilolu azatileña iwu mudimu yadiña ñana, 2 mudi anyana kaAsafi awamayala: mwafumini Zakuri, Yosefu, Netaniya niAsharela, anyana kaAsafi awamayala ayilombweleña kudi Asafi, waprofweteleña kwesekeja nachashimwiniyi mwanta. 3 Mudi Yedutuni,+ anyana kaYedutuni awamayala adiña: Gedaliya, Zeri, Yeshaya, Shimeyi, Hashabiya niMatitiya,+ ejima hamu adiña 6 nawa ayilombweleña kudi tata yawu Yedutuni wadiña nakuprofweta nakadada, nakumusakilila nikumuhameka Yehova.+ 4 Mudi Hemani,+ anyana kaHemani awamayala adiña: Bukiya, Mataniya, Uziyeli, Shebuweli, Yerimoti, Hananiya, Haneni, Eliyata, Gidaliti, Romamiti Ezeri, Yoshibekasha, Maloti, Hotiri niMahaziyoti. 5 Awa ejima adiña anyana kaHemani awamayala, mukakumumwena mwanta yimwenu hansañu yinakundami kudi Nzambi walala yakumulemesha nachu;* dichi Nzambi walala wamwinkeli Hemani anyana awamayala 14 niawambanda asatu. 6 Ejima awa ayilombweleña kudi tata yawu hakwimba kwitala daYehova, nayifwoyu, nayisanji yanyonji ninatudada+ nakukalakala mudimu wakwitala daNzambi walala.

Asafi, Yedutuni niHemani ayilombweleña kudi mwanta.

7 Kuvula kwawu hamu niamanakwawu adizishiliwu kumwimbila Yehova, ejima elukisha kwimba adiña 288. 8 Dichi ejima wawu adanzañeneni nyidimu yawu nayinjikijilu,+ walema niwabula kulema, welukisha nyidimu niwunakudiza.

9 Chinjikijilu chatachi chaholokeleli hadi Yosefu mwana kaAsafi,+ chamuchiyedi hadi Gedaliya+ (yena hamu niamanakwindi kushilahu nianyanindi awamayala, ejima hamu adiña 12); 10 chamuchisatu hadi Zakuri+ nianyanindi awamayala niamanakwindi, ejima hamu adiña 12; 11 chamuchiwana hadi Iziri nianyanindi awamayala niamanakwindi, ejima hamu adiña 12; 12 chamuchitanu hadi Netaniya+ nianyanindi awamayala niamanakwindi, ejima hamu adiña 12; 13 chamu 6 hadi Bukiya nianyanindi awamayala niamanakwindi, ejima hamu adiña 12; 14 chamu 7 hadi Yesharela nianyanindi awamayala niamanakwindi, ejima hamu adiña 12; 15 chamu 8 hadi Yeshaya nianyanindi awamayala niamanakwindi, ejima hamu adiña 12; 16 chamu 9 hadi Mataniya nianyanindi awamayala niamanakwindi, ejima hamu adiña 12; 17 chamu 10 hadi Shimeyi nianyanindi awamayala niamanakwindi, ejima hamu adiña 12; 18 chamu 11 hadi Azareli nianyanindi awamayala niamanakwindi, ejima hamu adiña 12; 19 chamu 12 hadi Hashabiya nianyanindi awamayala niamanakwindi, ejima hamu adiña 12; 20 chamu 13 hadi Shubayeli+ nianyanindi awamayala niamanakwindi, ejima hamu adiña 12; 21 chamu 14 hadi Matitiya nianyanindi awamayala niamanakwindi, ejima hamu adiña 12; 22 chamu 15 hadi Yeremoti nianyanindi awamayala niamanakwindi, ejima hamu adiña 12; 23 chamu 16 hadi Hananiya nianyanindi awamayala niamanakwindi, ejima hamu adiña 12; 24 chamu 17 hadi Yoshibekasha nianyanindi awamayala niamanakwindi, ejima hamu adiña 12; 25 chamu 18 hadi Haneni nianyanindi awamayala niamanakwindi, ejima hamu adiña 12; 26 chamu 19 hadi Maloti nianyanindi awamayala niamanakwindi, ejima hamu adiña 12; 27 chamu 20 hadi Eliyata nianyanindi awamayala niamanakwindi, ejima hamu adiña 12; 28 chamu 21 hadi Hotiri nianyanindi awamayala niamanakwindi, ejima hamu adiña 12; 29 chamu 22 hadi Gidaliti+ nianyanindi awamayala niamanakwindi, ejima hamu adiña 12; 30 chamu 23 hadi Mahaziyoti+ nianyanindi awamayala niamanakwindi, ejima hamu adiña 12; 31 chamu 24 hadi Romamiti Ezeri+ nianyanindi awamayala niamanakwindi, ejima hamu adiña 12.

26 Ichi dichadiña mazanvu awakakuhemba kuchiisu:+ mudi aKora, mwafumini Meshelemiya+ mwana kaKore wahadi anyana kaAsafi awamayala. 2 Nawa awa diwu adiña anyana kaMeshelemiya awamayala: Wedi wadiña Zekariya, wamuchiyedi Yediyayeli, wamuchisatu Zebadiya, wamuchiwana Yatiniyeli, 3 wamuchitanu Elami, wamu 6 Yehohanani, wamu 7 Eliyeho Enayi. 4 Nawa Obedi Edomi wadiña nanawa anyana awamayala: Wedi wadiña Shemaya, wamuchiyedi Yehozabadi, wamuchisatu Yowa, wamuchiwana Sakari, wamuchitanu Netaneli, 5 wamu 6 Amiyeli, wamu 7 Isakari nawa wamu 8 Pewuletayi. Ichi dichamukiswililiwu Obedi Edomi kudi Nzambi.

6 Nawa mwanindi Shemaya wavweli anyana awamayala adiña anyuuli achisaka chakukatata yawu, muloña adiña amayala añovu nawa ashikilamu. 7 Anyana kaShemaya awamayala adiña: Otini, Refayeli, Obedi niElizabadi; niamanakwindi aElihu naSemakiya niwena adiña amayala ashikilamu. 8 Awa ejima adiña anyana kaObedi Edomi awamayala; wena nianyanawu awamayala kushilahu niamanakwawu adiña amayala ashikilamu nawa atelela kuzata mudimu, ejima adiña kukabadi kaObedi Edomi, adiña 62. 9 Nawa Meshelemiya+ wadiña nawanyana awamayala niamanakwindi, amayala ashikilamu 18. 10 Nawa Hosa wahadi anyana kaMerari awamayala wadiña nawanyana awamayala. Shimiri diyi wadiña nlomboli* hela chakwila hidiyi wadiña wediku, tata yindi wamutondeli kwikala nlomboli, 11 wamuchiyedi Hilikiya, wamuchisatu Tebaliya, wamuchiwana Zekariya. Anyana kaHosa awamayala niamanakwindi ejima hamu adiña 13.

12 Munawa mazanvu awakakuhemba kuchiisu, akulumpi janyikala adiña nanyidimu neyi yazatileña amanakwawu, nyidimu yakukalakela hetala daYehova. 13 Dichi ana alema niabula kulema asakwili nayinjikijilu+ kwesekeja nanyitaña yawu, kulonda eluki muntu wukutambula chiisu-hichiisu. 14 Kufumahu, chinjikijilu chakumusela chaholokeleli hadi Shelemiya. Kutalisha hadi mwanindi Zekariya wadiña mukakulejana maana washinshika, chasakwiliwu nayinjikijilu, chinjikijilu chindi chaholokeleli kukabeta kakuchimunswa. 15 Chinjikijilu chaObedi Edomi chaholokeleli kukabeta kakuchidiilu, nawa anyanindi awamayala+ ayinkeli mudimu wakutala jinkalaña. 16 Yinjikijilu yaShupimi niHosa+ yaholokeleli kumujika, kwakwihi naChiisu chaShaleketi kumukwakwa weneni wakanduka kwadiña izanvu dawanhembi datalashanini nezanvu dikwawu dawanhembi; 17 kumusela kwadiña aLevi 6; kukabeta kakuchimunswa, kwawanikileña awana hefuku-hefuku nawa kukabeta kakuchidiilu nikwena kwawanikileña awana hefuku-hefuku; ilaña kujinkalaña kwawanikileña+ ayedi-ayedi; 18 kwitala dayishimi kumujika, kwawanikileña awana kumukwakwa weneni+ nawa kwitala dayishimi kwawanikileña ayedi. 19 Awa diwu adiña mazanvu awakakuhemba kuchiisu kufuma mudi anyana awamayala avweliwu kudi aKora nikudi aMerari.

20 Kudi aLevi, Ahiya diyi wadiña namudimu wakutala yisweku yayuma yalema yamwitala daNzambi walala niyisweku yayuma yadiña nakujilikawu.*+ 21 Anyana kaLadani awamayala, dikwila nawu anyana kawaGeshoni awamayala akukabadi kaLadani, anlomboli jayisaka yakutata yawu akukabadi kaLadani mukaGeshoni, Yehiyeli+ 22 nianyana kaYehiyelayi, Zetami nimanakwindi Yoweli. Wenawa adiña namudimu wakutala yisweku yayuma yalema yamwitala daYehova.+ 23 Mudi aAmuramu, aIzihari, aHebironi niaUziyeli,+ 24 Shebuweli mwana kaGeshomu, Geshomu mwana kaMosi, diyi wadiña nlomboli wakutala jinkalaña. 25 Amanakwindi, adiña amuchisaka chaEliyezeri+ adiña, Rehabiya,+ Yeshaya, Yorami, Zikiri niShelomoti. 26 Iwu Shelomoti hamu niamanakwindi adiña namudimu wakutala yisweku yayuma yalema yadiña nakujilikawu,+ yajilikileñawu kudi Mwanta Davidi,+ kudi anlomboli janyitaña yawu,+ antwamina amakombakaji, antwamina ajinkulakaji nikudi akulumpi janjita. 27 Yuma yasendeliwu kufuma kunjita+ niyapuupiliwu,+ ayijilikili kulonda awahishi nachu itala daYehova; 28 niyuma yejima yajilikiliwu kudi Samweli mukakumona jakumbidi,+ kudi Sawulu mwana kaKishi, kudi Abineri+ mwana kaNeri nikudi Yowabi+ mwana kaZeruwiya.+ Chuma chejima chajilikiliyi muntu achakameneneña kudi Shelomiti niamanakwindi.

29 Mudi aIzihari,+ Kenaniya hamu nianyanindi awamayala ayinkeli nyidimu yaambukaku hanji yetala daNzambi yakwikala ayilolu niansompeshi+ jawaIsarela.

30 Mudi aHebironi,+ Hashabiya hamu niamanakwindi, amayala ashikilamu 1,700, diwu alombweleña aIsarela mwiluña dakumujika waYodani nakulombola mudimu wejima waYehova nimudimu wamwanta. 31 Mudi aHebironi, Yeriya+ diyi wadiña nlomboli* yawaHebironi kwesekeja nandonda yachisaka chakukatata yawu. Muchaaka chamu 40 chachiyuulu chaDavidi,+ akeñakeñeli amayala añovu, ashikilamu nawa ayiwanini hakachi kawu kuYazeri+ muGiliyadi. 32 Nawa kuvula kwawamanakwindi, amayala ashikilamu, adiña 2,700, anlomboli janyitaña yawu. Dichi Mwanta Davidi wayinkeli mudimu wakulombola aRubeni, aGadi nimuchidi wachibalu waweni Manasi, kutalisha hansañu yejima yaNzambi walala ninsañu yejima yamwanta.

27 Iku dikuvula kwawaIsarela, anlomboli janyitaña yawu, antwamina amakombakaji niantwamina ajinkulakaji+ niayilolu jawu amukalakeleleña mwanta+ munsañu yejima yakundamini kumazanvu ejima adihimpileña* hakakweji-hikakweji mutukweji twejima twamuchaaka; mwizanvu-hiizanvu mwadiña antu 24,000.

2 Yashobeyami+ mwana kaZabidiyeli diyi wadiña ntwamina wezanvu datachi mukakweji katachi, nawa mwizanvu dindi mwadiña antu 24,000. 3 Mudi anyana kaPerezi+ awamayala, diyi wadiña nlomboli yawantwamina ejima amazanvu alejeliwu kukalakala mukakweji katachi. 4 Dodayi+ mwini Ahohi+ diyi wadiña ntwamina wezanvu damukakweji kamuchiyedi hamu niizanvu dindi, Mikiloti wadiña nlomboli, nawa mwizanvu dindi mwadiña antu 24,000. 5 Benaya+ mwana kaYehoyada+ mukulumpi wawatupristu diyi wadiña ntwamina wezanvu damuchisatu dalejeliwu kukalakala mukakweji kamuchisatu, nawa mwizanvu dindi mwadiña antu 24,000. 6 Iwu Benaya wadiña mushidika wañovu wahadi akwawu 30 nawa diyi wadiña nakutala awa akwawu 30, mwanindi Amizabadi diyi wadiña ntwamina wezanvu dindi. 7 Asaheli+ mana kwaYowabi+ diyi wadiña ntwamina wezanvu damuchiwana mukakweji kamuchiwana nawa mwanindi Zebadiya diyi walondeleli hadi yena, nawa mwizanvu dindi mwadiña antu 24,000. 8 Shamihuti mukaIzirahiya diyi wadiña ntwamina wamuchitanu mukakweji kamuchitanu, nawa mwizanvu dindi mwadiña antu 24,000. 9 Ira+ mwana kaIkeshi mwini Tekowa+ diyi wadiña ntwamina wamu 6 mukakweji kamu 6, nawa mwizanvu dindi mwadiña antu 24,000. 10 Helezi+ mwini Peloni wahadi aEfuremu diyi wadiña ntwamina wamu 7 mukakweji kamu 7, nawa mwizanvu dindi mwadiña antu 24,000. 11 Sibekayi+ wakuHusha wahadi aZera+ diyi wadiña ntwamina wamu 8 mukakweji kamu 8, nawa mwizanvu dindi mwadiña antu 24,000. 12 Abiyezeri+ wakuAnatoti+ wahadi aBenjamini diyi wadiña ntwamina wamu 9 mukakweji kamu 9, nawa mwizanvu dindi mwadiña antu 24,000. 13 Maharayi+ wakuNetofa wahadi aZera+ diyi wadiña ntwamina wamu 10 mukakweji kamu 10, nawa mwizanvu dindi mwadiña antu 24,000. 14 Benaya+ wakuPiratoni wahadi anyana kaEfuremu awamayala diyi wadiña ntwamina wamu 11 mukakweji kamu 11, nawa mwizanvu dindi mwadiña antu 24,000. 15 Helidayi wakuNetofa wahadi Otiniyeli diyi wadiña ntwamina wamu 12 mukakweji kamu 12, nawa mwizanvu dindi mwadiña antu 24,000.

16 Awa diwu adiña anlomboli anyichidi yaIsarela: Mumuchidi wawaRubeni, nlomboli wadiña Eliyezeri mwana kaZikiri; mumuchidi wawaSimiyoni, nlomboli wadiña Shefatiya mwana kaMayaka; 17 mumuchidi wawaLevi, nlomboli wadiña Hashabiya mwana kaKemuweli; mudi amuchisaka chaAroni, nlomboli wadiña Zadoki; 18 mumuchidi wawaYuda, nlomboli wadiña Elihu,+ wumu wahadi amana kwaDavidi; mumuchidi wawaIsakari, nlomboli wadiña Omiri mwana kaMikayeli; 19 mumuchidi wawaZebuluni, nlomboli wadiña Ishimaya mwana kaObadiya; mumuchidi wawaNafitali, nlomboli wadiña Yerimoti mwana kaAziriyeli; 20 mumuchidi wawaEfuremu, nlomboli wadiña Hosheya mwana kaAzaziya; muchibalu chamuchidi waManasi, nlomboli wadiña Yoweli mwana kaPedaya; 21 muchibalu chamuchidi waManasi muGiliyadi, nlomboli wadiña Ido mwana kaZekariya; mumuchidi wawaBenjamini, nlomboli wadiña Yayasiyeli mwana kaAbineri;+ 22 mumuchidi wawaDani, nlomboli wadiña Azareli mwana kaYerohami. Awa diwu adiña ayilolu anyichidi yaIsarela.

23 Davidi hachindili antu adiña nayaaka 20 nakufunta mwishinaku, muloña Yehova wakanini kuyivulisha aIsarela neyi tutumbwa twamumawulu.+ 24 Yowabi mwana kaZeruwiya watachikili kuchinda, ilaña hamanishiliku; nawa Nzambi wayizuwilili aIsarela* muloña wachumichi,+ nawa kuvula hiyakwisonekeli mumukanda wansañu yahosha hadi Mwanta Davidiku.

25 Azimaveti mwana kaAdiyeli diyi watalileña yisweku yayuma yalema yamwanta.+ Yonatani mwana kaUzaya diyi watalileña jinkalaña* jamumaluña amukamwihi, munyisumba, munyikala nimutuposhi. 26 Eziri mwana kaKilubi diyi watalileña antu adiña namudimu wakudima mumaha. 27 Shimeyi wakuRama diyi watalileña matempa anyivinyu; Zabidi wakuShifimi diyi watalileña nyivinyu yafumineña mumatempa anyivinyu yakutuñamu vinyu. 28 Bayali Hanani wakuGederi diyi watalileña matempa anyiolivi ninyitondu yanyisikamo+ yamuShefela;+ Yowashi diyi watalileña manji. 29 Shitirayi wakuSharoni+ diyi watalileña nyikanka yawañombi adiilileña muSharoni, nawa Shafati mwana kaAdilayi diyi watalileña nyikanka yawañombi muyaana yayinekineki. 30 Obili mukaIshimayeli diyi watalileña angameli; Yehideya mwini Meronoti diyi watalileña yimbuulu.* 31 Yazizi mwini Hagiri diyi watalileña nyikanka yanyikoku niyawampembi. Ejima awa diwu adiña antwamina amaheta aMwanta Davidi.

32 Yonatani+ mwihwa aDavidi, wadiña mukakulejana maana, iyala wakashinshi nawa nsoneki, Yehiyeli mwana kaHakimoni diyi wahembeleña anyana kamwanta awamayala.+ 33 Ahitofweli+ wadiña mukakumuleja mwanta maana, nawa Hushayi+ mukaAriki wadiña ibwambu damwanta. 34 Kufuma hadi Ahitofweli halondeleli Yehoyada mwana kaBenaya+ niAbiyatari;+ nawa Yowabi+ diyi wadiña mukulumpi wanjita yamwanta.

28 Kuhiñahu, Davidi wapompesheli ayilolu ejima aIsarela muYerusalema: ayilolu anyichidi, antwamina amazanvu+ amukalakeleleña mwanta, antwamina amakombakaji niantwamina ajinkulakaji,+ antwamina amaheta ejima niyimuna yamwanta+ niyawanyanindi awamayala,+ hamu nawayilolu amuchota niamayala ejima añovu nawa ashikilamu.+ 2 Kufumahu, Mwanta Davidi wemeni nakuhosha nindi:

“Enu amanakwami niantu jami ntiyililenu. Muchima wami wafwilileña kutuña itala kulonda diikali iluña mwakunookela chimbañu chachitiyañenu chaYehova nihakudata nyendu yaNzambi yetu,+ nawa naloñesheli yuma kulonda nituñi.+ 3 Ilaña Nzambi walala wanlejeli nindi, ‘Eyi hiwakatuñila ijina dami italaku,+ muloña wudi iyala mukamajita nawa wunapwekeshi mashi.’+ 4 Hela chochu, Yehova Nzambi yaIsarela wantondeli hadi amwitala datata yami kulonda niikali mwanta waIsarela haya nyaaka,+ muloña watondeli Yuda kwikala nlomboli,+ nawa hadi amwitala daYuda, watondelihu amwitala datata yami,+ nawa hadi anyana katata yami awamayala, yami atiyiliyi kuwaha kuñilisha kwikala mwanta wawaIsarela ejima.+ 5 Nawa hadi anyanami awamayala ejima, muloña Yehova nanyinki anyana amavulu awamayala,+ watondelihu mwanami Solomoni+ kulonda ashakami hetanda dachiyuulu chaYehova chakuyuula Isarela.+

6 “Wanlejeli nindi, ‘Mwaneyi Solomoni diyi wakatuña itala dami nimalubanza ami, muloña namutondi ekali mwanami nawa ami nukwikala tata yindi.+ 7 Nakakolesha chikupu wanta windi haya nyaaka+ neyi atwalekahu chikupu kuhemba nshimbi jami nimazu ami awunsompeshi,+ neyi chinakwilayi hayinu mpinji.’ 8 Dichi inakuhosha hamesu awaIsarela ejima, dikwila nawu chipompelu chaYehova nimumatu aNzambi yetu nami: Muhembeña chikupu nikukeñakeña nshimbi jaYehova Nzambi yenu, kulonda mwakaheti ituña dadiwahi+ nawa mwakadihani kudi anyanenu awamayala akalondela hadi enu kulonda dakekali wuswana wawu haya nyaaka.

9 “Nawa eyi Solomoni mwanami, mwiluki Nzambi yanami tata yeyi nawa wumukalakeleña namuchima wejima*+ ninamuzañalu,* muloña Yehova watalatalaña munyichima yejima+ nawa welukaña yitoñojoka yejima.+ Neyi wakamukeñakeña niyena wakadisolola kudi eyi,+ ilaña neyi wakamushiya niyena wakakukaana haya nyaaka.+ 10 Ichi talaña, Yehova nakutondi kulonda wutuñi itala diikali iluña dajila. Ikalaku wahamuka nawa yaku wakazati.”

11 Kuhiñahu, Davidi wamwinkeli mwanindi Solomoni pulani yakutuñilamu+ ikeeki+ dahawiñililu, matala adu, tupeka twadu twakuhembelamu, tupeka twadu twahewulu, tupeka twadu twamukachi niitala dakujiminamu nshidi.*+ 12 Wamwinkeli pulani yakutuñilamu yuma yejima yamulejeliwu kuhitila mudi spiritu yaNzambi, pulani yamalubanza+ etala daYehova, yatupeka twejima twakudiilamu kunyeñumuka itala dejima, yayisweku yayuma yalema yamwitala daNzambi walala niyayisweku yayuma yalema mwakuhembela yuma yajilikileñawu;*+ 13 wamwinkeli nshimbi jamazanvu awatupristu+ niaLevi, yanyidimu yejima yakukalakala kwitala daYehova niyayuma yakuzatisha kumudimu wakwitala daYehova; 14 wamutoñweleli kulema kwawuru, wuru yejima yayuma yakuzatisha kunyidimu yashiyashana, kulema kwayuma yejima yasiliva niyayuma yejima yakuzatisha kunyidimu yashiyashana; 15 nikulema kwawuru yajakutentekahu manoñu+ nimanoñu aju awuru, kulema kwajakutentekahu manoñu jashiyashana nimanoñu aju nikulema kwajakutentekahu manoñu jasiliva, kwachakutentekahu inoñu chimu-chimu nimanoñu achu kwesekeja namudimu wachu; 16 nikulema kwawuru yajimesa jakutentekahu mankendi akulunjeka,*+ yamesa-himesa kushilahu nisiliva yajimesa jasiliva, 17 niyamafoloku,* yayeña yakunama, yanyilondu yawuru yakadi majilu nikulema kwayeña yanyanya yakunama yawuru,+ yacheña-hicheña chanyanya chakunama nikulema kwayeña yanyanya yakunama yasiliva, yacheña-hicheña chanyanya chakunama. 18 Wamutoñweleli nikulema kwawuru yakweñununa yakameña kainsensi+ niyayuma yemenañaku ikalu,+ dikwila nawu akerubi+ awuru atandumuna mpuula jawu nakubuta chimbañu chachitiyañenu chaYehova. 19 Davidi wahosheli nindi: “Chikasa chaYehova chadiña hadi ami nawa wanyinkeli maana akusoneka+ yuma yejima yapulani.”+

20 Kuhiñahu, Davidi wamwilili mwanindi Solomoni nindi: “Ikalaku wahamuka nawa kolaku nikuya nakuzata. Bayi wutiya woma hela kufwa mutentuku, muloña Yehova Nzambi, Nzambi yami, wudi naneyi.+ Yena hamba kakushiya hela kukuumba chisayikilaku,+ ilaña wakekalaña naneyi sampu mudimu wejima wetala daYehova wunamani. 21 Nawa awa diwu mazanvu awatupristu+ niawaLevi+ akuzata mudimu wejima wakwitala daNzambi walala. Eyi wukweti akanyidimu eluka nyidimu adihana kuzata mudimu wejima,+ kushilahu niayilolu+ niantu ejima akalondelaña nshimbi jeyi jejima.”

29 Kuhiñahu, Mwanta Davidi walejeli chipompelu chejima nindi: “Mwanami Solomoni anatondiwu kudi Nzambi,+ wuchidi kansi nawa heluka yuma yayivuluku,*+ nawa mudimu weneni, muloña hitembeli* yamuntuku, ilaña hitembeli yaYehova Nzambi.+ 2 Nawa ami nazati nañovu jami jejima kuloñesha yuma yakuzatisha kwitala daNzambi yami, naloñeshi wuru yakutuñamu yuma yawuru, siliva yakutuñamu yuma yasiliva, wuneñu wakutuñamu yuma yawuneñu, yikuñu yakutuñamu yuma yayikuñu,+ nyitondu+ yakutuñamu yuma yanyitondu, malola aonikisi, malola akulamika nandaaka, malola anyanya awulombu washiyashana akuwahisha nachu, malola ashiyashana alema wuseya nimalola aalabasita amavulu nankashi. 3 Kubombelahu, hamuloña wakukeña itala daNzambi yami,+ kudi niiheta dami dambukaku+ dawuru nisiliva dinnakuhana kwitala daNzambi yami, kubombela hayuma yejima yinnaloñeshi yakuzatisha kwitala dajila, 4 kushilahu nintalenta* 3,000 jawuru kufuma kuOfiri+ nintalenta 7,000 jasiliva yakweñununa, jakulambwija kumbañu jamatala, 5 wuru yakutuñamu yuma yawuru nisiliva yakutuñamu yuma yasiliva niyanyidimu yejima yikazatañawu akawukalawenu. Dichi anyi akudihana kuleta chawaana dalelu chakumwinka Yehova?”+

6 Dichi ayilolu anyitaña yawu, ayilolu anyichidi yaIsarela, antwamina jamakombakaji niajinkulakaji+ niakulumpi janyidimu yamwanta+ adihanini. 7 Nawa ahanini yuma yakuzatisha kumudimu wetala daNzambi walala: ntalenta 5,000 jawuru, madariki* 10,000, ntalenta 10,000 jasiliva, ntalenta 18,000 jawuneñu nintalenta 100,000 jayikuñu. 8 Muntu wejima wadiña namalola alema wuseya wayihanini kuchisweku chayuma yalema chamwitala daYehova, chadiña nakuhembawu kudi Yehiyeli+ mukaGeshoni.+ 9 Antu azañaleli hakuhana iyi nyilambu, muloña alambwili nyilambu mukudikeñela kudi Yehova namuchima wejima,+ nawa mwanta Davidi niyena wazañaleli nankashi.

10 Kufumahu, Davidi wamushimekeli Yehova hamesu achipompelu chejima. Davidi wahosheli nindi: “Eyi Yehova Nzambi yatata yetu Isarela, wushimekewi haya nyaaka nanyaaka.* 11 Eyi Yehova, kutoha+ niñovu+ nilubanji nikuwaha niwukeleñi* jeyi,+ muloña yuma yejima yekala mumawulu nihanu hamaseki jeyi.+ Eyi Yehova, wanta wekala weyi.+ Yeyi wunakudituumbakesha kubadika ejima. 12 Maheta nikulema jafuma kudi eyi,+ nawa wayuulaña yuma yejima,+ muchikasa cheyi mudi wuswa+ niñovu+ nawa chikasa cheyi chikweti wuswa wakutuumbakesha muntu+ nikukolesha ejima.+ 13 Ichi dinu, eyi Nzambi yetu, tunakusakilili nawa tunahameki ijina deyi dasweja kuwaha.

14 “Ochu ami yaminyi niantu jami hiyanyi mwaka tutweshi kulambula iyi nyilambu yejima mukudikeñela? Muloña yuma yejima yafuma kudi eyi nawa tunakwinki yuma yafumaña kuchikasa cheyi. 15 Muloña etu tudi añiinza kumesu eyi nawa enyi, neyi chidiwu ankakulula jetu ejima.+ Muloña mafuku akuhanda kwetu hamaseki adi neyi mwevulu,+ hitukweti kuchiñejaku. 16 Eyi Yehova Nzambi yetu, awa maheta ejima itunaloñeshi kulonda tutuñili nachu ijina deyi dajila itala, afuma kuchikasa cheyi nawa ejima eyi. 17 Eyi Nzambi yami, neluka chikupu nami watalatalaña mumuchima+ nawa watiyaña kuwaha muntu wamwekeshaña kashinshi.*+ Muloña wakwoloka* kwamuchima wami, nalambuli yuma yejimiyi mukudikeñela nawa nazañalali chikupu hakumona antu jeyi anapompi hanu chinakulambulawu nyilambu kudi eyi mukudikeñela. 18 Eyi Yehova, Nzambi yaAbarahama, Isaka niIsarela, ankakulula jetu, yikwashi awa antu jeyi atwalekihu kwikala namuchima wakudihana nikukukalakela namuchima wejima.+ 19 Nawa mwinki mwanami Solomoni muchima wakudihana chikupu+ kulonda ahembeña kuleja kweyi,+ yanukishu yeyi ninshimbi jeyi nikwila yuma yejimiyi nikutuña tembeli* yinnaloñesheli iyi yuma.”+

20 Kufumahu, Davidi walejeli chipompelu chejima nindi: “Ichi dinu muhamekenu Yehova Nzambi yenu.” Dichi chipompelu chejima chamuhamekeli Yehova Nzambi yawankakulula jawu nawa abandamini nakudifukula kudi Yehova nikudi mwanta. 21 Nawa atwalekelihu kumulambula Yehova nyilambu nikulambula nyilambu yakushita+ kudi Yehova hefuku dalondelelihu, anyana kañombi ayizamba 1,000, anyikoku ayizamba 1,000, anyana kanyikoku ayizamba 1,000 ninyilambu yawu yavinyu;+ alambwili nyilambu yayivulu nankashi yawaIsarela ejima.+ 22 Atwalekelihu kuda nikunwa kumesu aYehova hanidi ifuku nakuzañalala chikupu,+ nawa Solomoni mwana kaDavidi amwilishili kamuchiyedi kwikala mwanta nawa amuwayishili kumesu aYehova nakwikala nlomboli,+ Zadoki niyena amwilishili kwikala kapristu.+ 23 Nawa Solomoni washakamini hetanda daYehova+ nakwikala mwanta nakumusinsa tata yindi Davidi, nawa yuma yamuwahilileña niaIsarela ejima amwovwahilileña. 24 Ayilolu ejima,+ akakuzuña njita añovu+ nianyana kaMwanta Davidi+ awamayala ejima amwovwahilileña mwanta Solomoni. 25 Nawa Yehova wamwilishili Solomoni kwikala nañovu chikupu kumesu awaIsarela ejima nawa wamwinkeli wukeleñi wawanta wakwila kwosi mwanta waIsarela wekalilihu nawu kunyimaku.+

26 Dichi Davidi mwana kaYesi wayuulili aIsarela ejima, 27 nawa yaaka* yayuuliliyi aIsarela yadiña 40. MuHebironi wayuulili yaaka 7+ nawa muYerusalema wayuulili yaaka 33.+ 28 Nawa wafwili nawushinakaji wawuwahi,+ wadiluñishili wumi yaaka* yayivulu, namaheta nikulema; nawa mwanindi Solomoni wamuswanini nakwikala mwanta.+ 29 Kutalisha hansañu yahosha hadi Mwanta Davidi, kufuma hiyatachikilili nakushika hiyakuminini, ayisoneka hamu namazu aSamweli mukakumona jakumbidi, niakaprofwetu Natani+ niaGadi+ mukakumona yimwenu. 30 Iyi nsañu yahosha nihachiyuulu chindi chejima, ñovu jindi niyuma yamumwekeneni niyamwekeneni aIsarela nimawanta ejima amunyeñumukili.