HOSEYA
1 Izu daYehova denjili kudi Hoseya* mwana kaBeyeri mumafuku aUziya,+ Yotamu,+ Ahazi+ niHezekiya,+ anyanta amuYuda+ nimumafuku aYerebowami+ mwana kaYowashi,+ mwanta waIsarela. 2 Hampinji yatachikili Yehova kuhosha izu dindi kuhitila mudi Hoseya, Yehova wamulejeli Hoseya nindi: “Yaku, kasumbuli mumbanda chivumbi* nawa wuvwali anyana awuvumbi,* muloña wawuvumbi* ituña dinaleki chikupu kumulondela Yehova.”+
3 Dichi wayili nakusumbula Goma mwana kaDibilayimi, wemitili nawa wamuvweleleli mwana weyala.
4 Kuhiñahu, Yehova wamulejeli nindi: “Mutuumbi neyi Yezireyeli,* muloña katataka nibabeshi amwitala daYehu+ muloña wakupwekesha mashi aYezireyeli, nawa nakajiyisha wanta waamwitala daIsarela.+ 5 Hanodu ifuku nakakotola wuta wamukunji waIsarela muChinekineki chaYezireyeli.”
6 Wemitili cheñi nawa wavweli mwana wamumbanda. Dichi Nzambi wamulejeli nindi: “Mutuumbi neyi Lo-ruhama,* muloña hinakayitiyilahu cheñi amwitala daIsarela luwiku,+ muloña chakadi nikujina, nakayitemuna.+ 7 Ilaña amwitala daYuda+ nakayitiyila luwi, nawa nakayamwina nañovu yaYehova Nzambi yawu;+ hinakayamwina nawuta wamukunji hela nampoku yakabali hela nanjita hela natuwalu hela nawakakwendela hatuwaluku.”+
8 Hanyima yakumusumuna Lo-ruhama, wemitili cheñi nawa wavweli mwana weyala. 9 Kufumahu, Nzambi wamulejeli nindi: “Mutuumbi neyi Lo-amimi,* muloña mudi antu jami wanyi nawa ami hinakekala wenuku.
10 “Nawa kuvula kwawantu* jaIsarela kwakekala neyi wusekulula wakukaluñalwiji, wakukañanya nikupima hela kuchinda.+ Nawa kwiluña kwayilejeleliwu nawu, ‘Enu mudi antu jami wanyi,’+ dikwakayilejelawu nawu, ‘Anyana kaNzambi wamumi.’+ 11 Nawa antu amuYuda niamuIsarela akapompa hamu mukunuñañana,+ akatonda nlomboli yawu wumu nawa akafuma mwituña, muloña ifuku daYezireyeli dakekala dabadika.+
2 “Yilenu amanakwenu nenu, ‘Antu jami!’*+
Nawa ahelenu nenu, ‘Eyi mumbanda anatiyiliwu luwi!’*+
2 Mwinkenu mama yenu muloña; mwinkenu muloña,
Muloña hiñodami wanyi,+ nawa ami hinidi nfumwindiku.
Watela kufumisha wuvumbi* windi hadi yomweni
Niwujila windi hakachi kamayeli indi,
3 Neyi nehi, nakamuvuula nakumushiya nzekesi neyi chadiñayi hefuku davwalikiliyi,
Nakumubalumuna neyi isaña,
Nakumwilisha kwikala ituña dakadi menji,
Nikumukojeja kufwa nampwila.
4 Nawa anyanindi awamayala nakayitiyila luwi wanyi,
Muloña hiyanyana awuvumbi.*
5 Muloña mama yawu neli wuvumbi.*+
Yena wayimitili nakoñi chuma chansonyi,+ muloña wahosheli nindi,
‘Ami nukulondela atujila twami,+
Owu anyinkaña yakuda nimenji,
Yakuvwala yamavuji nimahina, manji nijakunwa.’
6 Dichi nukushinka njila yeyi nekoli danyiña;
Nawa nukumwimikila mbañu yamalola,
Kulonda akañanyi kuwana mwakuhitila.
7 Wukulondela atujila twindi, ilaña wukuyiwana wanyi;+
Wukuyikeñakeña, ilaña wukuyimona wanyi.
Kufumahu wukuhosha nindi, ‘Nukufunta kudi nfumwami watachi,+
Muloña yina mpinji nahandileña chiwahi kubadika yinu mpinji.’+
8 Welukili wanyi nindi yami namwinkeleña mbutu,+ vinyu yayiha nimanji,
Nawa nindi yami namwinkeleña siliva yayivulu
Niwuru, yazatishileñawu hakudifukula kudi Bayali.+
9 ‘Dichi, nukufunta nakutambula mbutu yami mumpinji yayu
Nivinyu yami yayiha hachilaaka chayu,+
Nawa nukumuhukula yakuvwala yami yamavuji nimahina ami atela kubuta nzekesi yindi.
10 Ichi dinu nukushiya nzekesi yindi hatooka iku atujila twindi anakutalaku,
Nawa kwosi muntu hela wumu wukumupulwisha kuchikasa chamiku.+
11 Nukulekesha yuma yejima yamuzañaleshaña,
Yawija yindi,+ tukweji twindi twatuha, jisabata jindi niyawija yindi yejima yahayilaaka.
12 Nukukisañana nyitondu yindi yanyivinyu niyayikuyu, yinakwilayi nindi:
“Iwu diwufwetu wami, wañondeliwu atujila twami”;
Nukuyibalumuna yiikali ivunda,
Nawa akuyida kudi anyama amwisaña.
13 Nukumubabesha muloña wanowu mafuku alambwileñayi nyilambu kudi ankishi aBayali,+
Hampinji yadiwahishileñayi natuzeya twindi ninayingelingeli nakulondela atujila twindi,
Nawa yami avulameneniyi,’+ dichinahoshiyi Yehova.
14 ‘Dichi nukumudimbeka,
Nukumutwala mwisaña,
Nawa nukuhosha nindi kulonda nimusendi muchima.
15 Kufuma tuhu haniyi mpinji kuya nikumbidi nakamufuntishila matempa indi anyivinyu,+
NiChinekineki chaAkori+ kulonda chakekali chiisu chakukuchiñeja;
Wakaakula kwenoku neyi cheliliyi mumafuku awunkaña windi,
Neyi hefuku dafuminiyi mwituña daEjipitu.+
16 Nawa hanodu ifuku,’ dichinahoshiyi Yehova,
‘Wakantena neyi Nfumwami, ilaña hiwakantenahu cheñi neyi nkaaka Yamiku.’*
18 Hanodu ifuku nakayitiyañenaku chitiyañenu nawanyama amwisaña,+
Ninawatuda amuluzwizu ninayuma yakalabaña hamaseki;+
Nakafumisha wuta wamukunji, mpoku yakabali ninjita mwituña,+
Nawa nakayishakamisha mukuwunda.+
19 Nakakwota wakekali wami haya nyaaka;
Nawa nakakwotela mukuloña nimuwuñanji,
Mukukeña kwakashinshi nimuluwi.+
20 Nakakwotela mukashinshi,
Nawa chakadi nikujina, wakamwiluka Yehova.’+
21 Yehova nahoshi nindi, ‘Hanodu ifuku nakaakula,
Ami nakaakula mawulu,
Nawa wena akaakula iseki;+
22 Nawa iseki dakaakula mbutu, vinyu yayiha nimanji;
23 Nakamutumba ami aweni hamaseki neyi mbutu,+
Nawa nakamutiyila luwi yena abulili kutiyilawu luwi;*
Antu abula kwikala antu jami* nakayileja nami: “Mudi antu jami,”+
Nawa wena akahosha nawu: “Wudi Nzambi yami.”’”+
3 Kuhiñahu, Yehova wanlejeli nindi: “Yaku cheñi, wukeñi mumbanda anakeñiwu kudi iyala wacheñi nawa wunakwila wuvumbi,+ wumukeñi neyi Yehova chakeñayi antu jaIsarela+ hela chakwila anabalumukili kudi anzambi amakwawu+ nawa anakeñi mankendi atowala anyikaabu yanyivinyu yooma.”*
2 Dichi namulandili nayikunku yasiliva 15 ninachipimu chimu chahomeri* nichipimu chabali chanketenki kulonda ekali wami. 3 Kuhiñahu namulejeli nami: “Wukwikala wami hadi mafuku amavulu. Bayi wila wuvumbiku,* nawa bayi wukaama neyala wacheñiku, ninami dichinukwila naneyi.”*
4 Chikekala mwenimu muloña hadi mpinji yayilehi* antu jaIsarela akashakamaña chakadi mwanta,+ chakadi chilolu, chakadi mulambu, chakadi chishimi nichakadi ifwodi*+ niyifwikija yawaterafi.*+ 5 Kuhiñahu antu jaIsarela akafunta nakumukeñakeña Yehova Nzambi yawu+ nimwanta wawu Davidi,+ nawa mumafuku akukuminina akenzaña kudi Yehova nikukuwaha kwindi iku anakuzaala.+
4 Enu antu jaIsarela, tiyenu izu daYehova,
Muloña Yehova nayinki antu ashakamaña mwituña muloña,+
Muloña mwituña mwosi chalala, kukeña kwakashinshi nawa antu hiyamwiluka Nzambiku.+
2 Kusanyika kwakutwamba, kutwamba,+ kujahañana+
Kwiya niwujila+ jinataandi kwejima,
Nawa kupwekesha mashi kunataandi kwejima.+
3 Dichikuletesha ituña kudila+
Nawa antu ejima anakushakamamu akujiya;
Anyama amwisaña niatuda amuluzwizu,
Kushilahu niinshi jamukaluñalwiji, jikujiya.
4 “Hela chochu, bayi kwikala muntu wukudilwisha namukwawu hela kumuzuwilaku,+
Muloña antu jeyi adi neyi antu adilwishaña nakapristu.+
5 Dichi eyi wakahukana namwaana wetenda,
Nawa kaprofwetu wakahukena hamu naneyi, neyi kwiji nawufuku.
Nawa mama yeyi nakamumweneshahu.*
6 Antu jami akayimweneshahu,* muloña hiyañilukaku.
Chineli wunakaani kuñiluka,+
Ninami nakakukaana kwikala kapristu kami;
Nawa chineli wunavulameni nshimbi* yaNzambi yeyi,+
Ninami nakayivulamena anyaneyi.
7 Chavulileñawu, aswejeleleñaku nikunvulumuna.+
Kulema kwawu nakakubalumuna kusawuka.*
8 Adaña nshidi yawantu jami,
Nawa atiyilaña lwisu chiluwa chawu.
9 Chakayimwekena antu dichikamumwekena nikapristu;
Nakayibabesha muloña wayuma yelañawu,
Nawa nakayiletela yihuñu muloña wayilwilu yawu.+
10 Akada ilaña hiyakekutaku.+
12 Antu jami ehulaña kudi ankishi jawu anyitondu,
Nakwila yuma yayilejañawu kudi mukombu* wawu;
Muloña muchima wakufwila kwila wuvumbi* wayikojejaña kuluwankana,
Nawa muloña wawuvumbi* wawu akaanaña kumwovwahila Nzambi yawu.
13 Alambwilaña hewulu damapidi,+
Nawa hewulu datupidi dihochelañawu nyilambu yakukakumuka wishi,
Mwishina danyitondu yanyikula, nyitondu yasitorakisi nimutondu wejima weneni,+
Muloña yikweti wulelu wawuwahi.
Dichaleteshaña anyanenu awambanda eleña wuvumbi*
Niañodi jawanyanenu eleña wujila.
14 Hinakakañanya kubabesha anyanenu awambanda muloña wawuvumbi* wawuku,
Niañodi jawanyanenu muloña wawujila wawuku.
Muloña amayala anakwilaña wuvumbi nawanyatulwalu;
Nawa anakulambulaña nawayivumbi ahatembeli;
Antu amuchidiwu abula maana+ akajilumuka.
Bayi mwinza kuGiligali+ hela kuBetaveniku,+
Nawa mwatela wanyi kusanyika nenu, ‘Kwesekeja nachahandayi Yehova!’+
16 Muloña Isarela nadikañi neyi chadikañaña ñombi,+
Komana ichi Yehova wukuyibiña neyi mwana kamukoku wachizamba anakubiñawu mwiluña dakudiila ayimuna?*
17 Efuremu nadibombi kudi ankishi.+
Mulekenu!
Nawa anyuuli* jindi akeña chikupu kasawuntu.+
19 Mpepela yakamuvuñekela* mumpuula jayu,
Nawa akasawuka nanyilambu yawu.”
5 “Enu atupristu, tiyenu chumichi,+
Enu amwitala daIsarela, tiyililenu nakanañachima,
Enu amwitala damwanta, tiyililenu,
Muloña wunsompeshi wunakwinza hadi enu;
Muloña mudi muhetu kuMizipa
Nawa mudi kaleñi kanatandumwiniwu haTabori.+
3 Efuremu namwiluka,
Nawa Isarela wudi hatooka kudi ami.
4 Yuma yinakwilawu yayikañeshaña kufunta kudi Nzambi yawu,
Muloña mukachi kawu mudi muchima wakufwila kwila wuvumbi;*+
Nawa Yehova hiyamwilukaku.
5 Kudivwimba kwaIsarela kunakumushimwinamu yomweni;*+
Isarela naEfuremu anahukani muyiluwa yawu,
Yuda niyena nahukeni hamu nawu.+
6 Asendeli mukanka wawu wanyikoku niwawañombi nakuya nakumukeñakeña Yehova,
Ilaña hiyamuwaniniku.
Wayishiyili.+
7 Hiyanamwekeshi kashinshi kudi Yehovaku,+
Muloña anavwali anyana akwacheñi.
Dichi wena nimaseka* awu akayikisañana kudi kakweji.*
8 Vumishaku luseñu+ muGibeya, mpuña muRama!+
Bidikaku kabobobu kanjita muBetaveni,+ hanyima yeyi, eyi Benjamini!
9 Eyi Efuremu, wakekala chuma chakuhayama chikupu hefuku dakubabesha.+
Nashimuni yuma yakamwekena nyichidi yaIsarela.
10 Ayilolu amuYuda adi neyi antu anakuswija ñinza.+
Nakayihuñunwina kuzuwa neyi menji.
11 Efuremu anamukabishi, nachikeki nawunsompeshi,
Muloña wafwilaña kulondela mukankunyi nindi.+
12 Dichi kudi Efuremu nadiña neyi kabubu
Nawa kudi amwitala daYuda nadiña neyi kutoka.
13 Efuremu chamweniyi chikatu chindi, niYuda chamweniyi chilonda chindi,
Efuremu wayili kuAsiriya+ nawa watemesheli atuñanda kudi mwanta wabadika.
Ilaña hatwesheli kuyuukaku,
Nawa hatwesheli kuuka chilonda chenuku.
14 Muloña kudi Efuremu nakekala neyi mwenzi wamutupa,
Nawa kudi amwitala daYuda nakekala neyi mutupa wakola.*
Nakayitabola ami aweni, kufumahu hinukudiyila;+
Nakayisenda, nawa hikwakekala hela wumu wakayipulwishaku.+
15 Nakaya, nakafunta kwiluña dami sampu anamoni dehi yihuñu yanshidi yawu,
Nawa akalomba nawu niyitiyili luwi.+
Hampinji yakamonawu yihuñu, akankeñakeña.”+
Watweta, ilaña wukukasa hayilonda yetu.
2 Wukutukolesha hanyima yamafuku ayedi.
Hefuku damuchisatu wukatuhindwisha,
Nawa twakekala nawumi kumesu indi.
3 Twakeluka, twakafwila chikupu kukeñakeña kulonda twakamwiluki Yehova.
Kwidika kwindi kudi neyi chikwayaña nakucha;
Wakenza kudi etu neyi nvula yeneni,
Neyi nvula yakukumishaku yazoweshaña iseki.”
4 “Chumanyi chinukukwila, eyi Efuremu?
Chumanyi chinukukwila, eyi Yuda?
Muloña kukeña kwenu kwakashinshi kudi neyi mavu antetemena,
Neyi wuumi wanyakalaña kutotomoka.
Wunsompeshi wakenza hadi enu wakatoñeka neyi chejeji.+
6 Muloña natiyaña kuwaha kukeña kwakashinshi,* bayi mulambuku,
Nikumwiluka Nzambi, bayi nyilambu yamukuma yakushitaku.+
7 Ilaña wena anafumpi chitiyañenu, neyi antu hohu.+
Kwenoku dikunabuli kummwekeshelawu kashinshi.
9 Izanvu dawatupristu didi neyi yendu yawatupondu yinabelamini muntu.
Ajahilaña munjila kuShekemi,+
Muloña yilwilu yawu yawuzondu.
10 Namoni chuma chawuzondu mudi amwitala daIsarela.
11 Kubombelahu, eyi Yuda, akakumuna
Hampinji yinakafuntisha antu jami adi muwunkoli.”+
7 “Hampinji yinukwila nami nimuuki Isarela,
Chiluwa chaEfuremu nichena chikumwekana,+
Nikutama kwaSamariya.+
2 Ilaña atoñojokaña wanyi mumuchima wawu nawu nakanuka kutama kwawu kwejima.+
Dichi, yuma yejima yinakukoñawu yinayinyeñumuki;
Yidi kumesu ami.
3 Amuzañaleshaña mwanta nakutama kwawu,
Niayilolu namakudi awu.
4 Ejima wawu hiyakawujila,
Anakubutuka neyi oveni* yinambuliwu kudi mukakwocha mankendi,
Walekaña kusonsela kesi hanyima yakukandula chikanka sampu chinatutumuki.
5 Hefuku damwanta wetu, ayilolu anakati,
Anazuwi muloña wavinyu.+
Nadikwati wubwambu nawakakusupisha.
6 Muloña enzaña iku nyichima yawu yinataatashani neyi oveni.*
Mukakwocha mankendi wakaamaña wufuku wejima;
Nantetemena oveni yabutukaña neyi muzuzu wakesi.
8 Efuremu nadibombi nanyuza.+
Efuremu wudi neyi dinkendi datowala danjiñumuki dinabuli kubalumunawu.
9 Antu acheñi anamanishi ñovu jindi,+ ilaña yena neluki wanyi.
Nawa invu jindi jinatookashani, ilaña yena kuchiluka nehi.
10 Kudivwimba kwaIsarela kunakumushimwinamu yomweni,+
Hela chakwila yuma yejimiyi yinayimwekeni, ilaña hiyanafunti kudi Yehova Nzambi yawu,+
Hela kumukeñakeñaku.
11 Efuremu wudi neyi kateela kamukunkulwayi, kabula maana.*+
Anamubileli Ejipitu;+ anayi kuAsiriya.+
12 Kwejima kwakayawu, nakatandumwina kaleñi kami hadi wena.
Nakayiholola hamaseki neyi atuda amuluzwizu.
Nakayibabesha kwesekeja nakusoñamisha kunasoñamishili izaza dawu.+
13 Oyihuñu yikumonawu, muloña anantemuki!
Ochikujilumukawu, muloña ananvulumuni!
Nakeñeleña kuyikuula, ilaña antwambilili.+
14 Hiyalombeli wukwashu kudi ami namuchima wawu wejimaku,+
Hela chakwila adililileña makumbu hatudidi twawu.
Aditapilileña hambutu yawu nihavinyu yayiha;
Ambalumukilañamu
15 Hela chakwila nayibabesheli nikukolesha makasa awu,
Anañimakeni, anankasili kafuta katama.
16 Ahimpili njila yawu, ilaña bayi kuchuma chahewuluku;*
Adiña akushindamena wanyi neyi wuta wamukunji wabumbula.+
Ayilolu jawu akadimbuka kumpoku yakabali muloña wamadimi awu adikaña.
Muloña wachumichi akekala chuma chakusupisha mwituña daEjipitu.”+
8 “Shaku luseñu kukanwa keyi!+
Kudi wunakwinza neyi mbuulu nakulukuka itala daYehova,+
2 Ambilelaña nawu, ‘Nzambi yetu, etu aIsarela twakwiluka!’+
3 Isarela nakaani chuma chachiwahi.+
Chilumbu amukumpishi.
4 Anatondi anyanta, chakadi kuñihula.
Anatondi ayilolu, ilaña ami hinayilukiku.
5 Eyi Samariya, mwana kañombi weyi anamukaani.+
Kuzuwa kwami kunayibutukili.+
Mwakanyi wakabula kwikalawu nanyiloña?*
6 Muloña chumichi chinafumi kudi Isarela.
Mukawukalawenu diyi wachituñili, nawa bayi neyi Nzambiku;
Mwana kañombi waSamariya wakashala kayibalu.
7 Muloña anakukuwa mpepela,
Nawa akamuna mpepela yeneni.+
Neyi yifumisha wuña wudi wejima, akawuminya kudi añiinza.*+
8 Isarela akamuminya.+
Ichi akwikala hakachi kanyuza,+
Neyi chipwepu chabula kukeñawu.
9 Muloña anayi kuAsiriya,+ neyi chimbuulu wamwisaña wudi nkawindi.
Efuremu nayondi ayivumbi kulonda amukeñi.+
10 Hela chakwila anayisendi kufuma munyuza,
Ichi dinu nukuyikwata;
Akutachika kukabakana+ muloña wachiteli chinayitwikiwu kudi mwanta niayilolu.
11 Efuremu natuñi tumeña kulonda avulumuneña.+
Tunekali tumeña twindi twakuvulumuna nachu.+
13 Anlambulaña nyilambu, nawa adaña mbiji,
Ilaña Yehova hatiyaña kuwaha nayumiyiku.+
Ichi dinu wukwanuka chiluwa chawu nawa wukuyibabesha muloña wanshidi jawu.+
14 Isarela navulameni Ntuñi+ yindi nawa natuñi jitembeli,+
Nawa Yuda nadivulishili nyisumba yakiñewa.+
Ilaña nukutemesha kesi munyisumba yindi,
Nawa kakwocha tuposhi twamusumba-himusumba.”+
9 “Eyi Isarela, bayi wuzañalalaku,+
Bayi wuzañalala neyi antu akunyuzaku.
Muloña wuvumbi* weyi wunakufumishi kudi Nzambi yeyi.+
Wunakeñi wufwetu wawayivumbi hawuhulilu wambutu.+
2 Ilaña wuhulilu niwukamwinu wavinyu jikayidiisha wanyi,
Nawa vinyu yayiha yakamumana.+
3 Akatwalekahu kushakama mwituña daYehova wanyi;+
Ilaña Efuremu wakafunta kuEjipitu,
Nawa muAsiriya akadaña yuma yamajilu.+
Adi neyi yakuda yantetemena;
Ejima anakuyida akaditamisha awenawu.
Muloña yakuda yawu, yawu hohu nkawawu;*
Hiyakayileta mwitala daYehovaku.
5 Chumanyi chimwakela hefuku dakupompa,*
Hefuku dachawija chaYehova?
6 Muloña tiyenu! akatemuka kujilumuka.+
Ejipitu wakayipompesha hamu,+ nawa Memfisi wakayijiika.+
Tunyuñi tukamena nakubuta hayuma yawu yasiliva yalema wuseya,
Nawa mumatenti awu mwakekala yiputa yanyiña.
Kaprofwetu kawu wakekala chisupi, nawa muntu wahoshaña mazu akwonena wakazaluka;
Chineli chiluwa cheyi chinasweji, anakuhembeli nkunyi yasweja.”
8 Mukakutalatala+ waEfuremu wadiña naNzambi yami.+
Ilaña ichi njila jejima jawatuprofwetu awu+ jidi neyi makoña achibinda chatuda;
Mwitala daNzambi yindi mudi nkunyi.
9 Aneñili chikupu mukujilumuna, neyi mumafuku aGibeya.+
Wakaanuka chiluwa chawu nawa wakayibabesha muloña wanshidi jawu.+
10 “Isarela namuwanini mwisaña neyi nyivinyu.+
Ankakulula jeyi nayimweni neyi yikuyu yatachi yidi kumutondu wachikuyu.
Ilaña ayili kudi Bayali wakuPeyori;+
Adihanini awenawu kuchuma chawuzondu,*+
Nawa ekalili awuzondu neyi chuma chakeñawu.
11 Kulema kwaEfuremu kunatuuki neyi kada;
Kwosi kuvwala mwana, kwikala nevumu hela kubaabaku.+
12 Hela chakwila akavwala anyana,
Ami nakayijaha, kwosi hela wumu wakashalahuku;+
Oyihuñu yakamonawu neyi nayishiyi dehi!+
13 Efuremu, atumbiliwu mwiluña dakudiila ayimuna, kudi ami wadiña neyi Tira;+
Ichi anyana kaEfuremu atela kuyileta kulonda ayijahi.”
14 Eyi Yehova, yinki yuma yiwatela kuyinka;
Ivumu dasulumunaña anyana nimayeli abulaña kusansa.*
15 “Kutama kwawu kwejima kwadiña muGiligali,+ muloña mwenomu dimunayiheleleli.
Nakayihaña mwitala dami muloña wanyidimu yawu yatama.+
Hinakayikeñahu cheñiku;+
Ayilolu jawu adikaña.
16 Efuremu akamuholola.+
Nyiji yawu yakooma, nawa hiyakasoña nyikaabuku.
Hela chakwila akavwala anyana, nakayijahila anyanawu akeñawu.”
10 “Isarela wudi neyi muvinyu watama* wunakusoña nyikaabu.+
Neyi nyikaabu yindi yivula, tumeña twindi nitwena watuvulishaña;+
Ituña dindi chidedisha yuma yayiwahi, yishimi yindi niyena yekalaña yalubanji nankashi.+
2 Akweti muchima wawunfwikiji;*
Ichi dinu akuyiwana namuloña.
Kudi muntu wakafumpa tumeña twawu nikukisañana yishimi yawu.
3 Ichi akuhosha nawu, ‘Hitukweti mwantaku,+ muloña hitunamutiyi Yehova womaku.
Nawa chumanyi chinateli kutwililayi mwanta?’
4 Ahoshaña mazu amukunkulwayi, asanyikaña mwamakudi+ nikutiyañana yitiyañenu;
Dichi wunsompeshi wawu wudi neyi matahu awulembi anakumena munyindoñolu.+
5 Antu akuSamariya akachiina nkishi wamwana kañombi wakuBetaveni.+
Antu adimu akamudila,
Neyi chakelawu atupristu anzambi wakutwamba* owu amutiyili kuwaha nikumulemesha,
Muloña akamufumisha kudi wena nakumutwala muwunkoli.
6 Akamuleta kuAsiriya kulonda akekali chawaana chamwanta wabadika.+
Efuremu akamutiyisha nsonyi,
Nawa Isarela akamutiyisha nsonyi muloña wakufumba kwalondeleliyi.+
7 Chakadi nikujina, Samariya nimwanta windi akayijilumuna,*+
Neyi mutayi wunakunkuliwu wudi hewulu damenji.
8 Yinañanaña yamuBetaveni,+ nshidi yaIsarela,+ akayijiyisha.+
Nyiña ninyibambañoma yakamena hatumeña twawu.+
Antu akaleja mapidi nawu, ‘Tubutenu!’
Nitupidi nawu, ‘Tuholokelenu!’+
9 Eyi Isarela, kufuma tuhu mumafuku aGibeya chiwuvulumuna.+
Kwenoku anatwalekihu.
Njita hiyajilumwini chikupu anyana kakubula kuloña muGibeyaku.
10 Ninami nakayibabesha neyi nakeñi.
Nawa antu akadipompesha hamu nakuyimakena,
Hampinji yakayikasilawu yiluwa yawu yiyedi.*
11 Efuremu wadiña neyi mwana kañombi wamukaji adizishawu, wakeñeli kuhula,
Dichi hinashilihu chuma munshiñu yindi yayiwahiku.
Ichi nukwilisha muntu endeli hadi Efuremu.+
Yuda wukuchipa; Yakoba wukumuchipulwila.
12 Dikuwilenu mbutu mukuloña nawa añulenu kukeña kwakashinshi.
Chipenu iseki diyabulahu dehi kudimawu+
Henohu kuchidi mpinji yakumukeñakeña Yehova,+
Sampu nenzi nakuyidizisha mukuloña.+
13 Ilaña munadimi kutama,
Munañuli kubula kuloña,+
Nawa munadi nyikaabu yamakudi;
Muloña munakuhweleli munjila yenu enu aweni,
Mukuvula kwamashidika enu.
14 Hakachi kawantu jeyi hakavwakuka ipumba,
Nawa nyisumba yeyi yakiñewa akayijilumuna,+
Neyi chajilumwiniyi Shalimani amwitala daAribeli,
Hefuku danjita hayichikiliwu amama jawantu hamu nawanyanawu.
15 Eyi Beteli, ichi dichakayikoñawu+ muloña wakutama kwenu kwasweja.
Chakadi nikujina, mwanta waIsarela akamujaha* kumacha.”+
3 Ilaña yami namudizishili Efuremu kwenda,+ nakuyakata hamakasa ami;+
Nawa hiyelukili nawu nayuukiku.
4 Nayikokeleña nanyonji yawantu,* nanyonji yakukeña;+
Nawa kudi wena nadiña neyi muntu wunakufumisha mpaanda mumbaña jawu,
Nawa muntu-himuntu namuleteleleña yakuda munjila yayiwahi.
5 Hiyakafunta kwituña daEjipituku, muloña Asiriya diyi wakekala mwanta wawu,+
Muloña akaanini kufunta kudi ami.+
6 Nawa mpoku yakabali yakahita munyisumba yindi+
Nakukisañana nyikomenu yindi nikuyida muloña watufuta twawu.+
7 Antu jami asha muchima hakubula kwikala ashinshika kudi ami.+
Hela chakwila ayitambikilili kwiwulu,* kwosi hela wumu wemanañaku.
8 Eyi Efuremu, nateli kukuumba ñahi chisayikila?+
Eyi Isarela, nateli kukuhana ñahi?
Muloñadi chinukukwilila neyi Adima?
Muloñadi chinukukukoñela neyi Zeboyimi?+
9 Hinakamwekesha kuzuwa kwami kwaswejaku.
Hinakamukisañanahu cheñi Efuremuku,+
Muloña ami nidi Nzambi bayi muntuku,
Wajila wudi mukachi kenu;
Nawa hinakenza kudi enu nakulendumukaku.
10 Akamulondelaña Yehova, nawa yena wakabuluma neyi mutupa;+
Neyi yabuluma, anyanindi akenzaña kufuma kumujika iku anakuzaala.+
11 Akazaala neyi kada hampinji yakafumañawu muEjipitu,
Neyi kapompa* kanakufuma mwituña daAsiriya;+
Nawa nakayishakamisha mumatala awu,” dichinahoshiyi Yehova.+
12 “Efuremu nannyeñumuki namakudi,
Niamwitala daIsarela anannyeñumuki nakutwamba.+
Ilaña Yuda wuchidi kuhitañana naNzambi,
Nawa washinshika kudi Wajila Chikupu.”+
12 “Efuremu nakuda mpepela.
Wakumpishaña mpepela yakumusela mwaana wejima.
Wavulishaña makudi nindombu.
Atiyañanaña chitiyañenu naAsiriya,+ nawa atwalaña manji kuEjipitu.+
2 Yehova namwinki Yuda muloña;+
Wukumubabesha Yakoba kwesekeja nanjila jindi,
Nawa wukumufweta kwesekeja nanyidimu yindi.+
4 Watwalekelihu kulwisha nakañelu nawa washindili.
Wadilili nawa walembeli nindi amutiyili luwi.”+
Wamuwanini kuBeteli, nawa wahosheli nanetu kwenoku,+
5 Yehova Nzambi wamazaza,+
Yehova didu ijina dindi dakumwanuka nachu.+
6 “Dichi funtaku kudi Nzambi yeyi,+
Twalekakuhu nakukeña kwakashinshi niwuñanji,+
Nawa muchiñejeña Nzambi yeyi mpinji yejima.
Nawa mukukabakana kwami kwejima, hiyakawanamu chuma chatama hela nshidiku.’
9 Ilaña yami Yehova Nzambi yeyi kufuma* tuhu mwituña daEjipitu.+
Nawa nakakushakamisha cheñi mumatenti
Neyi chichadiña mumafuku ampinji yatoñolawu.*
10 Nahosheli nawatuprofwetu,+
Navulishili yimwenu yawu,
Nawa natili yishimu kuhitila mudi atuprofwetu.
11 MuGiliyadi mwekala makudi*+ nikutwamba.
MuGiligali alambwilañamu añombi ayizamba,+
Nawa tumeña twawu tudi neyi nyilumba yamalola yidi munyindoñolu.+
12 Yakoba watemukilili kwiluña* daArama;*+
Kwenoku Isarela+ wazatilili mumbanda wakusumbula,+
Nawa wabiñileña nyikoku kulonda asendi mumbanda.+
13 Yehova wafumishili Isarela muEjipitu kuzatisha kaprofwetu,+
Nawa wamuhembeli kuzatisha kaprofwetu.+
14 Efuremu nakoñi muloña weneni;+
Wukweti muloña wamashi;
Nkaaka yindi wukumufweta hakasawuntu kindi.”+
13 “Neyi Efuremu ahosha, kwadiña kuzaala;
Wadiña walema muIsarela.+
Ilaña hamuloña wakudifukula kudi Bayali+ wekalili namuloña nawa wafwili.
2 Ichi anakubombelaku kunshidi yawu
Nawa anakutuña ankishi ayikuñu* kuzatisha siliva yawu;+
Abazaña chiwahi ankishi, mudimu wejima wawakawukalawenu.
Ayilejaña nawu, ‘Antu anakulambula afufwi anyana kañombi.’+
3 Dichi akwikala neyi mavu antetemena,
Neyi wuumi watotomokaña swayi,
Neyi muzuñu wunaleluliwu nampepela yeneni hawuhulilu,
Nawa neyi wishi wunakwidika mwiloku hewulu detala.
4 Ilaña yami Yehova Nzambi yeyi kufuma* tuhu mwituña daEjipitu;+
Yami Nzambi iwelukili hohu,
Nawa yami chamwinu hohu, kwosi mukwawuku.+
5 Nakwilukili mwisaña,+ mwituña dakadi menji.
6 Ekutili munyenvu wawu,+
Ekutili nawa nyichima yawu yadivwimbili.
Dichi anvulameneni.+
7 Kudi wena nakekala neyi mwenzi wamutupa,+
Neyi chisumpa wunabelamini kunsa yanjila.
8 Nakayilukuka neyi bera wunajimbeshi anyanindi,
Nawa nakabalula ntulu jawu.*
Nakayidiila kwenoku neyi mutupa;
Kanyama wazuwa wamwisaña wakayitabola.
9 Wakakukisañana, eyi Isarela,
Muloña wambalumukililimu ami nkwashi yeyi.
10 Hanu dinu, mwanta weyi wudi kudihi, kulonda akwamwini munyisumba yeyi yejima?+
Nawa anyuuli* jeyi iwahosheleñahu neyi,
‘Nyinkenu mwanta niayilolu’ adi kudihi?+
12 Chiluwa chaEfuremu anachivuñeki;*
Nshidi yindi anayihembi.
13 Nyisoñu neyi yamumbanda wunakuvwala mwana yakamuwana,
Ilaña himwana wabula maana;
Neyi mpinji yakuvwalika yinashiki hakeñaña kuvwalikaku.
Eyi Kufwa, mmuna jeyi jidi kudihi?+
Eyi Ijamu, kujilumuna kweyi kudi kudihi?+
Hinakamwekeshahu wushonaku.
15 Hela chakwila wakatenkuma hakachi kamateti,
Mpepela yakumusela yakenza, mpepela yaYehova,
Yakenza kufuma muchinkalampata, nakuumisha ishima nikaseloki kindi.
Yenowu wakabuwa chisweku chayuma yindi yejima yalema wuseya.+
16 Samariya akamwinka muloña,+ muloña nadikañi naNzambi yindi.+
14 “Eyi Isarela, funtaku kudi Yehova Nzambi yeyi,+
Wunahukani muloña wachiluwa cheyi.
2 Funtenu kudi Yehova nanawa mazu,
Mumuleji nenu, ‘Twanakeni chiluwa chetu+ nawa itejaku chuma chachiwahi,
Nawa tukulambula mulambu wakushimeka wakunyivumbu yetu+ neyi chitunateli kulambula anyana kañombi ayizamba.*
3 Asiriya wakatwamwina wanyi.+
Hitwakendelahu hatuwaluku,+
Nawa hitwakelahu cheñi mudimu wakumakasa etu netu, “Yeyi Nzambi yetuku!”
Muloña yeyi wakojejaña mwana wabula tata yindi amutiyili luwi.’+
4 Kubula kushinshika kwenu nakakuuka.+
5 Nakekala neyi wuumi kudi Isarela;
Wakakenuka neyi nkenu
Nawa nakeñija nyiji yindi heseki neyi nyitondu yakuLebanoni.
6 Nyitayi yindi yakataandala,
Lubanji lwindi lwakekala neyi mutondu wamuolivi,
Nawa ivumba dindi dadiwahi dakekala neyi daLebanoni.
7 Akashakama cheñi muwulelu windi.
Akatumba mbutu nawa yikakenuka neyi muvinyu.+
Mpuhu* yindi yakekala neyi vinyu yakuLebanoni.
8 Efuremu wakahosha nindi, ‘Ankishi adi cheñi namudimwinyi kudi ami?’+
Nakamwakula nikumuhemba.+
Nakekala neyi mutondu wamunjunga wunakutenkuma.
Kudi ami dikwakekala nyikaabu yeyi.”
9 Hinyi wudi namaana? Atiyi munatalishi yumiyi.
Hinyi wukweti kashinshi? Eluki yumiyi.
Hinsonekelu yejina daHoshayiya muwihi, daya mukwila nawu, “Kwamwinewa naYa; Ya Naamwini.”
Hela “nyakalwalu.”
Hela “awunyakalwalu.”
Hela “wunyakalwalu.”
Daya mukwila nawu, “Nzambi Wukukuwa Mbutu.”
Daya mukwila nawu, “Hiyanamutiyili Luwiku.”
Daya mukwila nawu, “Hiyantu Jamiku.”
MuchiHeberu, “anyana.”
Talenu Hos 1:9 tth.
Talenu Ho 1:6 tth.
Hela “wunyakalwalu.”
Hela “awunyakalwalu.”
Hela “wadiñijili muwunyakalwalu.”
Hela “Bayali Wami.”
Daya mukwila nawu, “Nzambi Wukukuwa Mbutu.”
Talenu Ho 1:6 tth.
Talenu Hos 1:9 tth.
Dikwila nawu, azatishañawu mukudifukula kwakutwamba.
Homeri yimu yesekeni namalita 220 (makwati 200 oma). Talenu Nsañu Jikwawu B14.
Hela “wudiñija muwunyakalwalu.”
Hela “ninami nukukaama naneyi wanyi.”
MuchiHeberu, “mafuku amavulu.”
Ichi hichakuvwala chakadi makasa chafwana apuloni.
Hela “anzambi achisaka; ankishi.”
Hela “nakamukisañana.”
Hela “akayikisañana.”
Hela “kuleja.”
Hela hekwawu, “Anahimpi kulema kwami nakasawuntu.”
Hela “yuma yawuzondu chikupu; akadiñija muwuvumbi.”
Hela “Wunyakalwalu.”
MuchiHeberu, “Jasendaña muchima.”
Hela “mbwechi yamukakuhoña.”
Hela “wunyakalwalu.”
Hela “wunyakalwalu.”
Hela “wunyakalwalu.”
Hela “wunyakalwalu.”
MuchiHeberu, “iluña deneni.”
Hela “walwa watidiku.”
Hela “muyuma yawuzondu chikupu; muwuvumbi.”
MuchiHeberu, “jinkebu.”
Hela “yakamulelula.”
Hela “anadiñiji chikupu.”
Hela “inakuyibabesha.”
Hela “muwuvumbi.”
Hela “wunyakalwalu.”
MuchiHeberu, “kumesu indi.”
Hela “maha.”
Hela hekwawu, “akayikisañana mukakweji kamu hohu.”
Hela “mwenzi wamutupa weyala.”
Hela “luwi.”
Hela “himbaka.”
Hela “ijiku.”
Hela hekwawu, “Muloña nyichima yawu yekalaña neyi ijiku hampinji yinakwinzawu natufuta twawu.”
Hela “ijiku.”
MuchiHeberu, “ansompeshi.”
MuchiHeberu, “wakadi muchima.”
Dikwila nawu, bayi kukudifukula kwahewuluku.
Hela “chakadi majilu.”
Hela “yemana.”
Hela “antu acheñi.”
Hela “Kuleja kwami.”
Hela hekwawu, “akafunta.”
Hela “wunyakalwalu.”
Hela “yawumi wawu.”
Hela “dachawija chenu chakutoñola dehi.”
Hela “nzambi wawuzondu.”
Hela “ominina.”
Hela hekwawu, “wunakutaanda.”
Hela “wasenena.”
Hela “anzambi wakwacheñi.”
MuchiHeberu, “akayimwenesha.”
Dikwila nawu, hampinji yakasendawu kubabesha kwawu neyi mpaanda.
MuchiHeberu, “akamumwenesha.”
Dikwila nawu, atuprofwetu niantu amakwawu atemesheliwu nakudizisha Isarela.
Hela “nyonji yaluwi,” neyi yanvwali.
Dikwila nawu, kukudifukula kwahewulu.
MuchiHeberu, “wunataati.”
Hela “kankudimba.”
Hela “mukakulanda nakulandulula.”
Hela “kutachikila.”
Hela hekwawu, “ahachawija.”
Hela “yuma yakulumbisha.”
MuchiHeberu, “mpata.”
Hela “Siriya.”
Hela “ankishi akweñununa.”
Hela “kutachikila.”
MuchiHeberu, “chijika nyichima yawu.”
MuchiHeberu, “ansompeshi.”
Hela “anachihembi.”
Hela “Shelu,” dikwila nawu, ijamu dawantu ejima. Talenu Kulumbulula.
MuchiHeberu, “ninetu tukulambula anyana kañombi ayizamba anyivumbu yetu.”
MuchiHeberu, “Chanukishu.”