Mazu Anasonekeluwu Anvwali

Chawananyi chachiwahi chimunateli kwinka anyanenu? Anyanenu akeñaña yuma yayivulu, akeñaña nawu muyikeñi, muyilomboleña nikuyikiña. Ilaña kudi chawana chimu chasweja kulema chimwatela kuyinka chakumwiluka Yehova nichalala chekala Mwizu dindi, Bayibolu. (Yowanu 17:3) Chamwilukawu Yehova nichalala, anyanenu akusweja kumukeña Yehova nawa akumukalakelaña namuchima wejima, kufuma kuwansi wawu.—Matewu 21:16.

Anvwali amavulu eluka nawu nyana yanyanya yahetelañamu nankashi neyi muyidizisha nsañu yantesha nikwila nawu yuma yantesha. Dichi, tudi namuzañalu hakuyiloñeshela yinu buloshuwa yinakuhosha nawu, Yuma Yinadizaña muBayibolu. Kudiza nikudiza anakusoneki munjila yapela yikukwasha anyana. Nyevulu nimazu adimu anayisonekeli atwansi sweje-e adi nayaaka yisatu nakufunta mwishina. Anashimu cheñi yuma yimwatela kwila nawanyanenu. Buloshuwa yaYuma Yinadizaña muBayibolu bayi neyi hichuma chakuhemesha anyikiku. Ilaña hichitwa chinayiloñesheluwu kulonda mutañileña hamu nawanyanenu, chikufumamu mukuhanjekaña chiwahi nawanyanenu.

Tunakuhweleli netu yinu buloshuwa yikuyikwasha chikupu hampinji yimukudizishaña anyanenu chalala chamuBayibolu “kufumisha kuwansi.”—2 Timotewu 3:14, 15.

Yetu amana kwenu,

Izanvu Dalombolaña dawaYinsahu jaYehova