Kumanisha Kukala Kumukweti Namukwenu
Neyi muntu natuneñeshi, muloñadi wutwatelela kubulila kuzuwa hela kufuntisha katama nakatama?
Yis 20:22; 24:29; Rom 12:17, 18; Yak 1:19, 20; 1Pe 3:8, 9
Nsañu yamuBayibolu yikuyikwasha:
1Sa 25:9-13, 23-35—Nabali chamutukiliyi Davidi niamayala adiñayi nawu nakukaana kuyinka yakuda, Davidi washikeneni kuhosha nindi wukumujaha Nabali niamayala amwitala dindi ejima, ilaña mazu ahosheli Abigayili amukwashili Davidi kubula kupwekesha mashi
Yis 24:17-20—Solomoni amoneneni kusoneka nawu Yehova wakeñaña wanyi nindi antu jindi azañalaleña chamonawu chilumbu chawu nakukabakana nawa atela kukuhwelela nawu Yehova wakayibabesha antu atama
Neyi mukaKristu nakutiyañana wanyi namukwawu, komana watela kumuketuka chikinza hela kumuhembela nkunyi?
Lev 19:17, 18; 1Ko 13:4, 5; Efw 4:26
Nsañu yamuBayibolu yikuyikwasha:
Mat 5:23, 24—Yesu wahosheli nindi twatela kuzata hanakumini ñovu jetu kulonda tuleti kuwunda namuntu wunatuneñeshi