Komana Chaswayi Kunuñañana Mukaayi?

KOMANA nshakaminu yakumbidi yamukaayi yakekala nakuwunda tahindi nakukala? Chinamwekeni neyi hadi kuditadikisha hayitoñojoka yejima yiyedi.

Munjila yikwawu, anlomboli amakwawu amukaayi akuhwelela chikupu nawu anateli kuleta kuwunda mukaayi—muloña neyi akañanya kuleta kuwunda mukaayi, chinateli kuletesha woma kutoñojoka hanshakaminu yamukaayi. Cheñi nawa, antu amavulu atiyaña woma hamalwihu adi neyi awa: Nyuzanyi yikweti yitwa yañovu chikupu yakujilumuna nachu? Komana anateli kuyizatisha? Chumanyi chinateli kuzatika neyi chakwila azatisha yitwa yeniyi?

Nsañu yanyaka yamwekesha nawu kuzuña nichaambu diyi yuma yakañeshaña kunuñañana, nawa kakavulu nsakililu diyi yaleñelaña iyi yitoñojoka kuyilaku hambidi chatela kuyimanisha. Mukwakusoneka nsañu wejina daJames A. Haught wahosheli nindi: “Yuma yidi yejima yakojejaña chaambu hakachi kawantu, yaletaña kuhelañana, nawa nsakililu hichuma chimu chaleteshaña antu kusweja kwambuka. Hela chakwila antu akuhwelela nawu nsakililu yaleteshaña antu kwikala ‘chiwahi,’ cheñi nawa, yaleteshaña antu amakwawu kukoña yuma yatama chikupu.” Nsoneki wejina daSteven Weinberg wadiñi nayitoñojoka yadifwanaku, wasonekeli nindi: “Hakwila nawu antu amawahi akoñi yuma yatama, chaambu chakojejaña nsakililu dichi chaleteshaña antu amawahi kwila yuma yatama.”

Komana kudiku chikuhwelelu chakwila nawu kaayi kitwashakamamu kakanuñañana? Eña! Hela chochu, nsulu yakunuñañesha kaayi bayi neyi himuntu hela nsakililu yakutuña nawantuku, neyi chitukudiza.

[Mazu ekoku adi hefu 3]

Komana kaayi kadi neyi mutendanzumbu wunakukeña kubaluka?