Yakubidika
◼ Nyikanda yakuhana muJuly niAugust: Zatishenu mabroshuwa analondeluhu akweti mafu 32 hanateleli: Bushe Lesa mu Cituntulu Alatusakamana?, Kuluña na Wumi Hamaseki Haya Nyaka!, Mulelola!, “Moneni! Ifintu Fyonse Nafilenge Fipya,” Kamfulumende Iikaleta Paradise, Cinshi Cicitika Nga Twafwa?, Cinshi Caba Imifwaile ya Bumi—Ni Shani Fintu Wingaisanga?, nimukanda wa Untu Watemwa Afwa. Broshuwa yaAspiritu Awafu—Komana Anateli kuKukwasha Hela kuKukatisha? Chalala Ekala Kwoku?, niNzhila Yaya kuWumi Wahaya Nyaka Munayiwani? September: Hanenu mukanda wahoshaña nawu, Chumanyi Chacheni Chatañishaña Bayibolu? Zatenu nañovu kulonda mutachiki kudiza kwaBayibolu halwendu lwatachi. Neyi enimatala akweti iwu mukanda, mukwihihisha yilejenu chiyatela kuhetelamu muniwu mukanda kuhitila mukumwekesha chakudiza Bayibolu. Cheñi munateli kuhana mukanda wunakwila nawu Difukulenu Kudi Nzambi Walala Wumu Hohu. Mwani zatenu nañovu kulonda muzatishi iyi nyikanda mumudimu wamwiha munaka kakweji. October: Hanenu Kaposhi Kakutalila niAwake. Neyi muntu namwekeshi mpwila, mwinkenu nawa hanjekenu nindi tilakiti yinakwila nawu Komana Munakukeña Kwilukilahu Nsañu Yayivulu yamuBayibolu? kulonda kutachika kudiza Bayibolu. Cheñi munateli kuhana mukanda wa Icaba Inkaama ku Nsansa sha Lupwa. Mwani zatenu nañovu kulonda muzatishi iyi nyikanda mumudimu wamwiha munaka kakweji.
◼ Chineli kakweji kaAugust kakweti nyilungu yitanu nijimposu jitanu, chikawaha kuzataku wupayiniya wakukwasha.
◼ Kutachika muSeptember, ankoñi añinza akahanaña mpanji yawantu amavulu yidi namutu wunakwila nawu: ‘Endenuña Chakashinshi.’
◼ Kuchinda kwanyikanda yejima kushilahu nimagazini yimukweti hachipompelu kwahachaaka kwatela kwikalaku haAugust 31, 2008, hela ifuku didi kwakwihi nanidi ifuku. Iku kuchinda kunesekani nakuna kwachindaña mukwakuhana nyikanda hakakweji hakakweji, nawa kuvula kwejima mwatela kukwisoneka haLiterature Inventory Form (S-18). Ihulenu ankoñi amagazini yachipompelu kulonda ayileji kuvula kwamagazini ejima. Nsoneki wachipompelu chatalaña hanyikanda watela kwikala hohu hampinji yakuchinda. Yena hamu ninkoñi wakutwaminina muchipompelu chatalaña janyikanda akafwachika iyi fomu. Yipompelu yejima yatalaña mudimu wakusonekesha nyikanda yikatambwila Mafomu asatu aLiterature Inventory Forms. Mwani temeshenu fomu yayeni kukasanji kamutayi henohu ifuku daSeptember 6 kanda dishiki. Hembenu kopi yimu yamufayilu yenu. Kopi yamuchisatu mwatela kuyizatisha neyi chipapilu chakuzatilahu.
◼ Mafomu atemeshañawu hachaaka nichaaka aChaaka Chamudimu cha 2009 akayitemesha kuyipompelu yejima. Neyi munakukeña mafomu amakwawu, sonekeshenu kuzatisha S-14. Mwani zatishenu awa mafomu kwesekeja nankeñelu yawu.
◼ Himwatela kutuntulula yawaana yamudimu wamukaayi kejima nakuyisha hamali amuchipompeluku; mwatela kuyitemesha ejima kukasanji kamutayi.
◼ Twatela kuzatisha mukanda waChatañishaña Bayibolu hakutachika nikulombola kudiza kwaBayibolu bayi tuzatisha buloshuwa yaChumanyi. Twatela kutwalekahu kuhana buloshuwa yaChumanyi mumudimu wakushimwina sampu mabuloshuwa ejima anamani.