Yakubidika

◼ Nyikanda yakuhana muNovember: Kampeni kakuhana trakiti yadimena katela kumana munyilungu yiyedi yakutachikilahu. Nyilungu yiyedi yikashalaku hanenu mukanda waChumanyi Chacheni Chatañishaña Bayibolu? Zatenu nañovu kulonda mutachika kudiza kwaBayibolu. December: Hanenu mukanda waUmuntu Wakulisha Uwabalile Abako Uwa Mweo. Neyi antu ahosha nawu adi nanyana, yinkenu mukanda waSambilileni Kuli Kasambilisha Mukalamba. January: Kuhana mukanda waChumanyi Chacheni Chatañishaña Bayibolu? Neyi mwiniitala wukweti iwu mukanda, akwakushimwina anateli kumwinka mukanda wudi wejima wudi namafu 192 hela mukanda wudi wejima wasonekawu kufuma mu1992. February: Hanenu mukanda wudi wejima wumukweti haniyi nyikanda: Is There a Creator Who Cares About You?, Icaba Inkaama ku Nsansa sha Lupwa hela Baibolo—Cebo ca kwa Lesa Nelyo ca Muntu?

◼ Akwakushimwina ejima achidi kanda amanishi kusoneka kaadi yakulema kwañovu yehaku (DPA) anayikoleshi kwila mwenimu. Iyi kaadi yaDPA yakiñaña wuswa wenu wakukaana kuyinka mashi. Neyi munakukeña wukwashu aeluda akuyikwasha.—Talenu chamukachi chaMudimu Wetu waWanta waNovember 2006.

◼ Kutachika haJanuary 1, 2009, nhoshelu yakwila nawu “nkoñi wakutwaminina” hiyakayizatishañaku. Dichi mudimu weniwu wankoñi wakutwaminina akawutenaña nawu “mukwakuloñesha yuma wezanvu dawaeluda.”

◼ Kakavulu yakubidika yalema kutalisha hakusonekesha nyikanda ninjila yakusonekelamu ayisonekaña muMudimu Wetu waWanta. Ankoñi anyikanda atela kwilukañahu dehi yakubidika yidi muMudimu Wetu waWanta chatambwilawu hohu kopi yawu yaMudimu Wetu waWanta kulonda kuhitulukamu swayi-swayi.

◼ Chanukishu Kudi Ankoñi aMagazini: Amana kwetu amakwawu anehuli mpinji yatela kusonekeshelahu magazini yakubombela haMagazini yakuzatisha muMarch, April, May, 2009 yamudimu wadimena. Nshimbi yashimuna nawu nyikanda yadimena atela kuyitemesha henohu kuchidi tukweji tuwana. Chakutalilahu, magazini amuMarch atela kuyisonekesha muNovember, amuApril atela kuyisonekesha muDecember, amuMay atela kuyisonekesha muJanuary. Neyi mulaba kusonekesha magazini anateli kuyitemeshela yakakweji kacheñi chineli hitunateli kuhemba magazinuku. Tunakufwila kutondolwela chaaku chakusonekeshaña nyikanda mukulaba. Hamuloña wanichi, munyakaleña kusonekesha nyikanda.

◼ Yipompelu yatela kutachika kusonekesha Watchtower Library—ya 2008 (cdly08). Iku hikusonekesha kwadimena, kwaloñeshelawu amana kwetu muchipompelu nawa atela kusonekesha hohu kuhitila muchipompelu. Himwatela kuyihana mwiha hela kudi antu amwekeshaña mpwila mudi aYinsahu jaYehovaku. Akwakushimwina azatishaña chikupu Watchtower Library nawa hiyanakuzatisha mabound volumuku, atela kutoñojokahu chikupu, neyi chakwila akukeña kusonekesha mabound volume.

◼ Nyikanda yayiha yiduhu:

Live With Jehovahˈs Day in Mind—Large Print (jdlp)—Chibemba

New World Translation of the Holy Scriptures (Softcover Edition) (bi12)—Chibemba

Questions Young People Ask—Answers That Work, Volume 2—Chichewa

◼ Audiocassette yayiha yiduhu:

Keep Your Eye Simple (csey)—Chibemba

◼ DVD yayiha yiduhu:

Learn From the Great Teacher—American Sign Language

Album for The Watchtower Announcing Jehovahˈs Kingdom 2009 (dvcw09)—American Sign Language

Organized to Share Good News and Whole Association of Brothers (dvjwa)—American Sign Language