Yakubidika

◼ Nyikanda yakuhana muJanuary: Chumanyi Chacheni Chatañishaña Bayibolu? Neyi enimatala akweti iwu mukanda, akwakushimwina atela kuhana mukanda wudi wejima wukweti mafu 192 wasonekawu hachipapilu chawulombu hela mukanda wudi wejima wasonekeluwu henohu chaaka cha 1992 kanda. February: Hanenu iyi nyikanda neyi yidi kwoku: Is There a Creator Who Cares About You?, Icaba Inkaama ku Nsansa sha Lupwa, hela Baibolo—Cebo ca kwa Lesa Nelyo ca Muntu? March: Hanenu mukanda waChumanyi Chacheni Chatañishaña Bayibolu? Mwatela kuzata nañovu kulonda kutachika kulombola kudiza Bayibolu. April: Kaposhi Kakutalila nimagazini yaAwake! Hakufuntila kudi antu amwekesheli mpwila, niantu enjili kuChanukishu hela kukupompa kukwawu kwateokalatiki ilaña hiyawanikaña kukupompa mpinji yejimaku, shenu muchima kukuhana mukanda waChumanyi Chacheni Chatañishaña Bayibolu? Chikonkwanyi chidi chakutachika kulombola kudiza Bayibolu muniwu mukanda.

◼ Kutachika mulungu watachi waMarch, mpanji yayiha yawantu amavulu yikahanañawu ankoñi endaña yidi namutu wunakwila nawu “Bayi Mutoñojokaña haYuma yaMukaayuku, Fwilenu Yuma yaWanta Yalala.”

◼ Yipompelu yatela kuloñesha chachiwahi kulonda yakanakani Chanukishu chachinu chaaka haChiwana, April 9, hakuhuma kwetañwa. Chipompelu chidi chejima chatela kweseka kwanakana Chanukishu nkawawu. Kumaluña amakwawu yipompelu yazatishaña Itala daWanta dimu, hekwawu chipompelu chimu hela kubadikahu yatela kukeña itala dikwawu haniyi mpinji. Neyi chinatwesheki, tunafuukuli mukahitisheñamu jiminiti 40 henohu progiramu yikwawu kanda kulonda ejima akatweshi kuhetelamu chikupu mukuhanjeka hanyima yaChanukishu.