Yakubidika

◼ Nyikanda yakuhana muDecember: Umuntu Wakulisha Uwabalile Abako Uwa Mweo. Neyi antu ahosha nawu akweti anyana yinkenu mukanda waSambilileni Kuli Kasambilisha Mukalamba. January: Hanenu mukanda waChumanyi Chacheni Chatañishaña Bayibolu? Neyi enimatala akweti iwu mukanda, akwakushimwina anateli kuhana mukanda wukweti mafu 192 wasonekelawu hachipapilu chawulombu wafukuluka hela mukanda wudi wejima wasonekeluwu henohu chaaka cha 1995 kanda. February: Akwakushimwina anateli kuhana iyi nyikanda yinalondeluhu neyi mukweti: Is There a Creator Who Cares About You?, Chakwikala naMuzañalu muChisaka, hela Baibolo—Cebo ca kwa Lesa Nelyo ca Muntu? March: Hanenu mukanda waChumanyi Chacheni Chatañishaña Bayibolu? Akwakushimwina atela kutachika kudiza Bayibolu hakuhana iwu mukanda hela neyi enimatala akweti.

◼ Chanukishu chamuchaaka cha 2011 chakekalaku haMulungu, April 17, neyi itañwa dinahumi dehi. Tunayilejeli chadimu kulonda amana kwetu akakeñakeñi hela kuloñesha kwakupompela neyi chakwila kudi yipompelu yayivulu yinakuzatisha Itala daWanta, dichi atela kuwana maluña amakwawu.

◼ Yipapilu yakutambika nachu antu kuChanukishu chamu 2010 yamwidimi dazatishaña chipompelu chidi chejima keña ayitemeshi. Neyi mwiluña denu dakushimwina ahoshañamu madimi amakwawu dichi munakukeña akayitemesheli iyi yipapilu munowu madimi, mwatela kusonekesha swayi-swayi kuzatisha Literature Request Form (S-14). Ndandanda yamadimi mwakekala yipapilu yakutambika nachu antu kuChanukishu yidi mu “Literature Update—November 2009.”