Kuhituluka muShikola yaMudimu waTeokalatiki

Awa malwihu adi heshina akayihituluka hakupompa kwaShikola yaMudimu waTeokalatiki mumulungu wakutachika August 26, 2013. Anashimu mafuku itwakahanjekaña chikuma chidi chejima kulonda tusandujoleña hampinji yitunakuloñesha shikola mulungu nimulungu.

1. Chumanyi chalema chitwatela kudizila kudi Mwanta Herodi wetejeli kumuhameka nikumulemesha kudi antu chatela amulemeshi Nzambi? (Yil. 12:21-23) [July 1, w08 5/1 ifu 32 para. 7]

2. Indi atwansi akwaKristu anateli kuhetelamu ñahi mukutoñojoka nikulondela chakutalilahu chaTimotewu? (Yil. 16:1, 2) [July 8, w08 5/1 ifu 32 para. 10]

3. Chelili anatiyi dehi Apolosi ‘chahosheleñayi chakadi woma’ musinagogi kuEfwesesa, Akwila niPirisila amukwashili ñahi munjila yakukeña? (Yil. 18:24-26) [July 15, w10 6/15 ifu 11 para. 4]

4. Chumanyi chitwatela kwila mpinji jikwawu hakwila nawu tuhakwiluku yuma yamuNsona yitwakuhwelela? (Yil. 25:10-12) [July 22, w07 12/15 ifu 24 para. 8]

5. Indi kapostolu Pawulu wadikitileña ñahi mumudimu wakushimwina nihampinji yamukasiluwu mukaleya muRoma, nawa washimwinineña nsañwinyi? (Yil. 28:17, 23, 30, 31) [July 29, w11 6/15 ifu 7 para. 4]

6. Muloñadi antu ejima chikalumbululawu kudi Nleñi? (Rom. 1:18-20) [Aug. 5, w07 11/1 ifu 13 para. 6]

7. Indi ‘kukuula kwekala mudi Kristu Yesu’ kwazatikili mu 33 C.E. kunateli kubuta ñahi “nyiloña yavulumwinuwu dehi chachikulu” henohu mulambu kanda awuhani? (Rom. 3:24, 25) [Aug. 5, w08 6/1 ifu 11 para. 6]

8. Yumanyi yayiwahi yatuloñeshelayi Yehova neyi tukweti kukala kweneni chikupu chakwila hituneluki nichitwatela kulombaku? (Rom. 8:26, 27) [Aug. 12, w08 6/1 ifu 12 para. 10]

9. Indi nhoshelu yakwila nawu ‘kutambwila enyi’ yatalisha mudihi? (Rom. 12:13) [Aug. 19, w09 10/1 mafu 13-14 mapara. 12-13]

10. Tunateli ‘kudivwika Mwanta Yesu Kristu’ ñahi neyi chatufumbiliyi kapostolu Pawulu? (Rom. 13:14) [Aug. 26, w07 8/1 ifu 3 para. 4]