“Nenzi Nakuyihempula Muloña . . .”

Enimatala chashinkulawu kuchisu nakumona tunemani hanzi, anateli kuhayama muloña atwiluka wanyi nawa hiyanateli kwiluka muloña wutunendeluku. Twatela kuhosha netudi hakutachika kuhanjeka nawu kulonda abuli kwakama? Akwakushimwina amakwawu elaña chayimushawu kwesekeja nachemushañawu, azatishaña izu dakwila nawu “muloña” hakulumbulula chinendeluwu. Chakutalilahu, anateli kuhosha nawu: “Tunenzi nakuyihempula muloña antuñinetu amavulu anakwakama hawubanji wunakumwekana. Munakutoñojoka nenu . . .” hela nenu “Nenzi nakuyihempula muloña nadizaña Bayibolu nawantu chakadi kufwetesha.” Neyi hakutachika kuhanjeka mumuleja mwiniitala chimunendeli, nateli kutiyilila kunsañu yimunakuhosha.