Chikasha Chalwihu

◼ Mpinjinyi Yimunateli Kuleka Kudiza Bayibolu Nakadizi?

Neyi kadizi naleki kupama kuspiritu, lekenu kumudizisha mukubabala. (Mat. 10:11) Shinshikenu yumiyi: Mwamuwanañahu neyi mumushika nenu mwakenza nakudiza? Waloñeshelaña chadimu yuma yimukudiza? Wayahu dehi nakupompa? Walejañaku akwawu yuma yadizañayi? Komana wahimpaña yililu yindi kwesekeja nanshimbi yamuBayibolu? Hela chochu, mwatela kwiluka yaaka yindi niwuswa windi, nakwiluka nenu muntu himuntu wukweti wuswa wambukaku wakutiya yuma. Neyi munaleki kudiza nindi, mulejenu nenu munakukeña kutwalekahu kudiza neyi kumbidi wakamwekesha mpwila yakudiza.—1 Tim. 2:4.