August 7-13

• Kamina 85 niKulomba

• Mazu Akutachikila (Mamin. 3 nakufunta mwishina)

YUMA YALEMA YAMWIZU DANZAMBI

• “Yehova Wakiswilili Muza Wabulileña Kudifukula Kudi Yena”: (Mamin. 10)

  • Eze 29:18—Mwanta waBabiloni Nebukaneza watambwilili wanyi wufwetu chashindiliyi musumba waTira (it-2 1136 ¶4)

  • Eze 29:19—Mwanta Nebukaneza amwinkelelimu maheta awaEjipitu ejima hachabulili kumufwetawu chashindiliyi musumba waTira (it-1 698 ¶5)

  • Eze 29:20—Yehova wayikiswilili akwaBabiloni muloña amuzuñililiku (g86 11/8 27 ¶4-5)

• Kukeña Yuma Yalema yakuSpiritu: (Mamin. 8)

  • Eze 28:12-19—Yuma yeliliwu ayuuli amuTira yadifwana ñahi nayaSatana? (it-2 604 ¶4-5)

  • Eze 30:13, 14—Iwu wuprofwetu washikijeweli ñahi? (w03 7/1 32 ¶1-3)

  • Yumanyi yimunadizi mukutaña Bayibolu kwawunu mulungu kutalisha hadi Yehova?

  • Yumanyi yikwawu yalema yakuspiritu yimwasandujola mukutaña Bayibolu kwawunu mulungu?

• Kutaña Bayibolu: (Mamin. 4 nakufunta mwishina) Eze 29:1-12

SHENU MUCHIMA HAMUDIMU WAKUSHIMWINA

• Loñeshenu Nsañu Yimukuhosha Munonu Kakweji: (Mamin. 15) Kuhanjeka kushindamena “haChitwatela Kuhosha.” Vumishenu mavidiyo anakumwekesha chakuhana nyikanda nawa hanjekenu hayikuma yidimu. Koleshenu akwakushimwina azatisheña niyuma yinakumwekana katataka nikuzatisha vidiyo yaMukukeña Kutiyaku Nsañu Yayiwahi? hampinji yinakuhanawu buloshuwa yaNsañu Yayiwahi.

CHATELA KUSHAKAMAWU AKWAKRISTU

• Kamina 82

• Kukaankila Kwahenu: (Mamin. 5) Neyi munakeñi, hanjekenu hayuma yimwadizili muYearbook. (yb17-E 35-36 nichikasha Chikasha chidi hefu 35).

• “Ikalenu naYilwilu Yayiwahi—Kudizoza”: (Mamin. 10) Kuhanjeka. Vumishenu vidiyo yaTondolwelenu Yuma Yaluwañeshaña Kashinshi—Kudivwimba.

• Kudiza Bayibolu haChipompelu: (Mamin. 30) kr “Chikasha 5​—Shikola yaWanta​—Kudizisha Ambuña Mwanta,” kape. 16, ¶1-5, yikasha “Kudifukula Kwachisaka” ni “Kupompa kwahachaaka kwaleñelaña antu janzambi kunuñañana”

• Hitulukenu Muyuma Yimunadizi niYimwakadiza Mulungu Wunakwinza (Mamin. 3)

• Kamina 20 niKulomba