CHATELA KUSHAKAMAWU AKWAKRISTU
Mpinjinyi Yinakazataku Cheñi Wupayiniya Wakukwasha?
Chimwenu chaEzekeli chatembeli chamwekeshaña nawu antu jaYehova akadihana aweni nakumukalakela. Tunateli kudihana ñahi halwetu kulonda tuzatiku nyidimu yakumuhameka Nzambi?—Heb 13:15, 16.
Njila yimu yakumuhamekelamu Nzambi hikuzataku wupayiniya wakukwasha. Muchaaka cha 2018 mudi tukweji twatuvulu tukweti jiMponsu jitanu niNyilungu yitanu. Chumichi chikuyikwasha antu azataña mudimu wakumujimba mafuku ejima atanu nawa azataña mudimu wakushimwina kunsa yanyilungu hohu. Kubombelahu, akwakushimwina anateli kuzataku wupayiniyi wakukwasha wamaora 30 hela 50 akeñekaña, sweje-e mukakweji waMarch niApril nimumulungu wankoñi wañinza.
Tukwila ñahi neyi chakwila kudi yuma yinatuleñeli kubula kuzataku wupayiniya wakukwasha? Tunateli kudishaku kulonda tuzatiku mumudimu wakushimwina kwesekeja nahanakumini ñovu jetu. Hela chakwila yuma yinatukalili hela nehi, kukeña kutwamukeña Yehova kukutuleñela kuzata nañovu muchaaka cha 2018.—Hos 14:2.
Nateli kwimbujola ñahi chakutalilahu chaSabina Hernández chakuzata nañovu?
TALENU VIDIYO YAYEHOVA NATELI KUNKWASHA KWILA CHUMA CHIDI CHEJIMA, KUHIÑAHU AKULENU MALWIHU ANALONDELIHU:
Chumanyi chamukwashili Sabina kuzata nañovu mumudimu waYehova?
Chakutalilahu chaSabina chinateli kutukwasha ñahi?
Muchaaka cha 2018, kakwejinyi hela tukwejinyi tumunakukeña kuzataku wupayiniya wakukwasha?