Anvwali, Kwashenu Anyanenu Ekali naWubwambu

Wawuwahi naNzambi Anvwali amwakama Nzambi akeñaña anyanawu kwikala ambuña aYehova ashinshika. Anvwali anateli kuyikwasha kwila mwenimu kuhitila mukuyidizisha anyanawu Bayibolu kufuma kuwukeki. (Kuh 6:7; Yis 22:6) Komana chumichi chakeñekaña kudihana? Eña! Ilaña chakeñekaña kuzata nañovu hakwila twili mwenimu.—3Yo 4. Anvwali anateli kudizila yuma yayivulu kudi Yosefu naMariya. “Ayileña kuYerusalema kuchawija chaChipandakenu hachaaka-hachaaka,” hela chakwila chumichi chakeñekeleña kuzata nañovu nikuzatisha mali. (Luk 2:41) Chakadi nikujina, alemesheli yuma yakuspiritu muchisaka chawu. Hohamu, anvwali makonu anateli kukwasha anyanawu munjila yayiwahi kuhitila mukuyidizisha mpinji yejima nawa atela kwila yuma yinateli kudizilaku anyanawu.—Ms 127:3-5.

TALENU VIDIYO YINAKWILA NAWU AYIDIZISHILEÑA ANYANAWU MPINJI YEJIMA, KUHIÑAHU AKULENU MALWIHU ANALONDELIHU:

• A Jon nawaSharon Schiller atwalekelihu ñahi kutwamijaku Wanta hampinji yakulishileñawu anyana?

• Muloñadi anvwali chatela kubabeshelawu anyana kwesekeja nachidiwu?

• Anvwali anateli kukwasha ñahi anyanawu kushinda kweseka?

• Yozelwinyi yatuloñeshelayi Yehova mukuloñesha yimunazatishi hakukwasha anyanenu kupama kuspiritu?