December 17-23

• Kamina 96 niKulomba

• Mazu Akutachikila (Mamin. 3 nakufunta mwishina)

YUMA YALEMA YAMWIZU DANZAMBI

• “Afuukwili Kushindamena Hezu daNzambi”: (Mamin. 10)

  • Yil 15:1, 2—Nsañu yakwalama yakeñeleña kwambula chipompelu chawakwaKristu (bt 102-103 ¶8)

  • Yil 15:13-20—Izanvu dalombolaña dafuukwili kushindamena haNsona (w12 1/15 5 ¶6-7)

  • Yil 15:28, 29; 16:4, 5—Izanvu dalombolaña dafuukwili yuma yakolesheli yipompelu (bt 123 ¶18)

• Kukeña Yuma Yalema yakuSpiritu: (Mamin. 8)

  • Yil 16:6-9—Yumanyi yitukudizila kuniyi nsañu kutalisha kukuzata nañovu mumudimu wakushimwina? (w12 1/15 10 ¶8)

  • Yil 16:37—Kapostolu Pawulu wazatishili ñahi wenimbu windi wakwikala kaRoma hakushimwina nsañu yayiwahi? (tudi aRoma: nwtsty nsañu yakudiza yidi haYil 16:37)

  • Yumanyi yimunadizi mukutaña Bayibolu kwawunu mulungu kutalisha hadi Yehova?

  • Yumanyi yikwawu yalema yakuspiritu yimwasandujola mukutaña Bayibolu kwawunu mulungu?

• Kutaña Bayibolu: (Mamin. 4 nakufunta mwishina) Yil 16:25-40

SHENU MUCHIMA HAMUDIMU WAKUSHIMWINA

• Lwendu Lwatachi: (Mamin. 2 nakufunta mwishina) Zatishenu njila yinakumwekesha chakuhanjeka nawantu. Mwekeshenu chakushinda ikañesha davula kumwekana mwiluña denu.

• Kufuntila Kwatachi: (Mamin. 3 nakufunta mwishina) Zatishenu njila yinakumwekesha chakuhanjeka nawantu. Mutalishenu nawa hanjekenu (ilaña kuvumisha vidiyo nehi) havidiyo yinakwila nawu Muloñadi chitwadizilaña Bayibolu?

• Kutalisha Vidiyo Hakufuntila Kwamuchiyedi: (Mamin. 5) Vumishenu vidiyo nikuhanjeka nsañu yidimu.

CHATELA KUSHAKAMAWU AKWAKRISTU

• Kamina 74

• “Mushimekenu Yehova naMuzañalu”: (Mamin. 15) Kuhanjeka. Vumishenu vidiyo yinakwila nawu Anyana, Mushimekenu Yehova naKamina (yenu hanasonekiwu nawu TUMINA). Hakukunkulula mpanji, lejenu izaza kwimana nakwimbila hamu kamina kavidiyo, kamina 84, Tudihanenu (yenu hanasonekiwu nawu ANYANA)

• Kudiza Bayibolu haChipompelu: (Mamin. 30) jy kape. 46

• Hitulukenu Muyuma Yimunadizi niYimwakadiza Mulungu Wunakwinza (Mamin. 3)

• Kamina 102 niKulomba