APRIL 29–MAY 5
MASAMU 34-35
Kamina 10 niKulomba | Mazu Akutachikila (1 min.)
1. “Mushimekenu Yehova Mpinji Yonsu”
(10 min.)
Davidi wamushimekeleña Yehova hela chakwila wamweneña kukala (Ms 34:1; w07 3/1 22 ¶11)
Davidi wadisambilileña mudi Yehova, bayi yomweniku (Ms 34:2-4; w07 3/1 22 ¶13)
Mazu akushimeka ahosheliyi Davidi akolesheli amabwambu jindi (Ms 34:5; w07 3/1 23 ¶15)
Hanyima yakumwamwina kudi Abimeleki, Davidi amuwanini muchinkalampata kudi amayala 400 atiyili kutama nachiyuulu chaSawulu. (1Sa 22:1, 2) Davidi watoñojokeleña hadi antu amuchidawa hasonekeleñayi idi isamu.—Ms 34, tumazu twahewulu.
DIHULENU NENU, ‘Nateli kumushimeka ñahi Yehova chinikahoshaña namuntu hakupompa kukwawu kukalondelahu?’
2. Yuma Yalema yakuSpiritu
(10 min.)
Ms 35:19—Davidi watalishili mudihi chalombeliyi nindi antu amuhela abuli “kumunyachila namesu awu”? (w06 5/15 20 ¶2)
Yumanyi yalema yakuspiritu yimwawana mukutaña Bayibolu onu mulungu yimukutuleja?
3. Kutaña Bayibolu
(4 min.) Ms 34:1-22 (th kudiza 5)
4. Tachikenu Kuhanjeka
(2 min.) KUSHIMWINA WUNSAHU WAMUMPANJI. Kuhanjeka kunamani henohu kanda mumushimwini. (lmd kudiza 1 chikuma 4)
5. Funtilenuku
(4 min.) KUSHIMWINA WUNSAHU WAMUMPANJI. (lmd kudiza 2 chikuma 4)
6. Lumbululenu Yuma Yimwakuhwelela
(5 min.) Chimwenu. ijwfq 59—Mutu: Muloñadi aYinsahu jaYehova elukaña ñahi neyi chakwila atela kwanakana mafuku akunooka hela nehi? (th kudiza 17)
Kamina 59
7. Njila Jisatu Mutwatela Kumushimekela Yehova haKupompa
(15 min.) Kuhanjeka.
Kupompa kwahachipompelu kwatwinkaña kukooleka kwakumushimekelamu Yehova. Talenu iji njila jisatu.
Kuhanjeka: Hoshenu hachawahayi Yehova neyi munakuhanjeka nawantu. (Ms 145:1, 7) Mwatiyahu hela kutaña chikuma chayikwashili? Kudihu yuma yiwahi yayimwekeneni mumudimu wakushimwina? Kudihu muntu wayikolesheli mumazu indi kwiji muyuma yayililiyi? Kudihu yuma yimwamweni muyileñaleña yayitiyishili kuwaha? Iyi yawaana yejima yafuma kudi Yehova. (Yak 1:17) Shikenuña swayi kulonda mwikaleña nampinji yakuhanjeka nawakwenu
Kwakulahu: Fwilenuña kwakulahu hela tuhu kamu hakupompa kudi kwejima. (Ms 26:12) Munateli kwakula ñakwilu yinashindemeni hachikuma hela hachikuma chikwawu, hansona, hamwevulu, hela chuma chimunadiziliku. Chineli kudi antu amavulu akwimikaña, loñeshenu ñakwilu jajivulu. Amavulu “akumulambulaña Nzambi namulambu wakushimeka” neyi ñakwilu yetu yikala yayihi 30 sekondi hela kufunta mwishina.—Heb 13:15.
Tumina: Imbenu tumina twaWanta nezu datiyakana. (Ms 147:1) Anateli wanyi kuyitena nawu mwakulihu hakupompa kwejima, sweje-e neyi mudi muchipompelu cheneni, ilaña munateli kudibomba mukwimba tumina mpinji yejima. Hela chakwila munakudimona nenu mwembaña chatama, neyi muzata nañovu, mukumutiyisha Yehova kuwaha! (2Ko 8:12) Mwatela kuhitulukilañamu chadimu mutumina henohu mudi kwitala.
Vumishenu VIDIYO Kuloñesha Kwetu Kunakuyilaku Hambidi—Chawaana Chakwimba, Chibalu 1. Nawa ihulenu izaza nenu:
Mumafuku akutachikilahu akuloñesha kwetu kwamakonu, twamwekesheli ñahi netu kwimba tumina twakumushimeka Yehova kwalema?