CHATELA KUSHAKAMAWU AKWAKRISTU
Zatishenu Chiwahi Yuma yidi muChikasha Chetu chaYozelu
Kwilisha kambanji kudi neyi kutuña itala. Hakwila tuzati chiwahi iwu mudimu, twatela kwiluka chakuzatisha yozelu yetu. Twatela kwiluka chakuzatisha chiwahi chozelu chetu, Izu daNzambi. (2 Ti 2:15) Twatela cheñi kuzatisha chiwahi nyikanda yetu yikwawu nimavidiyo adi muChikasha chetu chaYozelu kulonda twilishi atumbanji.a
Munateli kuwahishaku ñahi chimwazatishaña yuma yamuChikasha chetu chaYozelu? (1) Lombenu wukwashu kudi mukulumpi wezanvu denu, (2) zatilenu hamu namukwakushimwina wakuluka yitembi hela payiniya, (3) twalekenuhu kuzatisha yuma yimunakudiza. Neyi mwiluka chakuzatisha chiwahi nyikanda nimavidiyo, mukwikala namuzañalu hakuzataku iwu mudimu wakwilisha atumbanji.
MAGAZINI
MABULOSHUWA
NYIKANDA
MATILAKITI
MAVIDIYO
CHIPAPILU CHAKUTAMBIKA NACHU ANTU
MAKAADI
a Kudi antu iyasonekeleliwu nyikanda yikwawu yabula kwikala muChikasha chetu chaYozelu. Dichi neyi kudi muntu wunateleli owu mukanda munateli kuwizatisha.