Tunateli Kudiloñesha Ñahi Mpinji yaChanukishu?

Kutachika chinu chaaka, tukwikalaña nampinji yeneni yakudiloñeshelamu Chanukishu chakufwa kwaKristu. Neyi Chanukishu chikala mukachi kamulungu dikwila nawu munowu mulungu kukwikalaña Kupompa kwaChihandilu niMudimu wanyi. Cheñi neyi Chanukishu chikala hamposu hela hamulungu dikwila nawu mpanji yawantu amavulu niKaposhi kakutalila yikwikalañaku wanyi. Komana kwila muzatisha chiwahi iyi mpinji nehi? Neyi chochichadiña muyaaka yakusambila, twatela kuloñeshela dimu yuma yakeñekaña mumpinji yaChanukishu. (Luk 22:7-13; km 3/15 1) Ilaña kudi yuma yikwawu yitwatela kwila hakwila nawu tukadiluñishi kuChanukishu. Tunateli kudiloñesha ñahi?

• Toñojokenu nankashi hakulema kwakuwanikaku.—1Ko 11:23-26

• Lombenu nikutoñojoka hawubwambu wenu naYehova.—1Ko 11:27-29; 2Ko 13:5

• Tañenu nikutoñojoka nankashi hansañu yahosha hakulema kwaChanukishu.—Ywn 3:16; 15:13

Akwakushimwina amakwawu alondelaña ndandanda yakutaña Bayibolu mumpinji yaChanukishu yidi muKutalatala muNsona Hefuku Hefuku. Amakwawu atañaña mavasi amuBayibolu adi hachati yinakulumbulula mazu. Hela chochu, amakwawu atañaña yibaaba yidi muKaposhi Kakutalila yahosha haChanukishu nihakukeña kwatumwekeshelayi Yehova niYesu. Njila yidi yejima yimukutonda lekenu yiyikundamishi kwakwihi naYehova niMwanindi.