“Toñojokenuña Hayumiyi”

Hayumanyi? Afwilipi 4:8 yahoshaña kutoñojoka hayuma yalala, yalema, yaloña, yakadi majilu, yasañumunaña kukeña, yatenañawu antu nawu yayiwahi, yayiwahi niyahamekañawu. Ichi hichinayi mukwila nawu mukwaKristu watela kutoñojokaña hohu haBayibolu mpinji yejimaku. Ilaña, yuma yitwatoñojokañahu yatela kwikala yakumuzañalesha Yehova. Hitwatela kutoñojoka hayuma yinateli kutukañesha kwikala ashinshika kudi yenaku.—Ms 19:14.

Chinateli kutukalila kuleka kutoñojoka hayuma yatama. Twatela kukaana yuma yafwilaña mujimba wetu niSatana “nzambi wanshakaminu yamakonu.” (2Ko 4:4) Muloña diyi walombolaña kaayi kejima, munabombeli nsañu yayivulu yahaTV, hachikuzulemba, hachisanji, haIntaneti, nyikanda, magazini niyuma yikwawu. Twatela kwikala asoñama nayuma yitwatañaña niyitwatalaña muloña yuma yeñilaña muyitoñojoka yetu yinateli kuluwañesha chitwatoñojokaña niyilwilu yetu.—Yak 1:14, 15.

TALENU VIDIYO YATONDOLWELENU YUMA YALUWAÑESHAÑA KASHINSHI—YISELA YATAMA, NAWA AKULENU AWA MALWIHU:

• 

  Yumanyi yatalañayi manakwetu hafoni yindi, nawa yumanyi yinafumimu?

• 

  Añalija 6:7, 8 ni Masamu 119:37 yinamukwashi ñahi?