Yehova Wukuyikwasha Neyi Munakumona Kukala kwaMali

Chihandilu chitunakushakama munanu mafuku akukuminina chayihuñu. Chitunakuswina kukukuma kwakanu kaayi, yuma yikutaminañaku hohu. Mpinji yikwawu tukukaankilaña yakuda niyuma yikwawu yalema muchihandilu. (Hab 3:16-18) Chumanyi chikutukwasha kuumika hampinji yitunakuhita mukukala kwamali? Twatela kutwalekahu kumushindamena Yehova Nzambi yetu. Wayikana ambuñindi nindi wukuyakamenaña nawa wukuyinkaña yuma yinakaankiliwu.—Ms 37:18, 19; Heb 13:5, 6.

Yuma yimwatela kwila:

• Mulombenu Yehova yayileji chakwila, yayinki maana nikuyikwasha.—Ms 62:8

• Ikalenu akasunuka kwiñila mudimu wumwabulahu dehi kuzata.—g 1/10 8-9, chikasha

• Twalekenuhu kukolesha wubwambu wenu naNzambi, kuhitila mukutaña Izu dindi ifuku dejima, kuya nakupompa nikushimwina

TALENU VIDIYO YATUÑENU ITALA DAKASHAKAMA HAYA NYAAKA​—“ZAÑALALENUÑA NAYUMA YIMUDI NAYU,” NAWA AKULENU AWA MALWIHU:

• Kukalanyi kwamweni iyi yisaka?

• Chumanyi chitwatela kulemesha nankashi muchihandilu chetu?

• Njilanyi mutunateli kuyikwashila amanakwetu anakuhita mukukala kwamali?