CHATELA KUSHAKAMAWU AKWAKRISTU

Yuma Yakutukwasha Hakudizisha Yidi muMukanda waMunateli Kwikala naMuzañalu Haya Nyaaka!

Komana mwazatishaña mavidiyo nimalwihu adi mumukanda waMunateli Kwikala naMuzañalu Haya Nyaaka!? Komana mwazatishaña chiwahi yibalu yinakuhosha nawu “Amakwawu Ahoshaña Nawu,” “Yuma Yimukwila,” “niIlukilenuhu Nsañu Yikwawu”? Yumanyi yikwawu yidi muniwu mukanda yimunamoni nenu yikuyikwasha hakudizisha atudizi aBayibolu?—Mat 28:19, 20.

Mukanda “waMunateli Kwikala naMuzañalu Haya Nyaaka!” anawushinkwili “muJW Library” app. Hadi kamufunda dihakuwanina “Mavidiyo niNyikanda yaChibalu 1.”

Mavidiyo niNyikanda: Neyi munakukeña kulombola kadizi kuzatisha mukanda wakupulinta, mukwila ñahi hakwila chiyipeleliku kuwana mavidiyo ninyikanda yakuzatisha? Yenu hamukanda wakuzatishila hachozelu, nawa sakulenuhu chibalu chimunakukeña hayibalu yiwana yidimu. Yenu kwishina muchinti hanasonekiwu nawu mavidiyo ninyikanda yidi muchibalu chimunasakuli. (Talenu mwevulu 1.)

Chakuzatisha “Printed Edition”: Neyi munakudiza namuntu kuzatisha mukanda wahachozelu nawa munakukeña kuhimpa kulonda muzatishi “Printed Edition,” ichi dichimwatela kwila. Mwomukudiza kumudimu chintenu tumesu tusatu tudi kwiwulu kuchikasa chenu chachidiilu nawa akuyiletela hanasonekiwu nawu “Printed Edition.” Chimwahimpa chikuyikwasha kwiluka nsañu yimunakuhanjeka chiyinanuñañani namutu wakudiza kumudimu. Neyi munakukeña kufunta himwadiña chintenu hatotuna tumesu kuhiñahu chintenu hanasonekiwu nawu“Digital Edition.”

Mukanda “waMunateli Kwikala naMuzañalu Haya Nyaaka!” anawushinkwili “muJW Library” app. Hadi kamufunda dihakuwanina chikasha chidi namutu nawu “Komana Nadiloñeshi?” “niMazu Adi Kunsa.”

“Komana Nadiloñeshi?”: Iyi yikasha yiyedi yidi kwakwihi nakumakumishilu yinakushimuna yuma yatela kwilayi kadizi hakwila yashikihu kutachika kushimwina hamu nachipompelu nikupapatishewa. (Talenu mwevulu 2.)

Mazu Adi Kunsa: Mazu adi kunsa ashimunaña nsañu yikwawu yimwatela kwiluka hanowu mutu wansañu. Mumukanda wahachozelu mudi linki kumakumishilu amazu adi kunsa yikuyitwala mukudiza kumwadiñamu neyi muchintahu. (Talenu mwevulu 2.)

Manishenu kudiza mukanda wejima waMunateli Kwikala naMuzañalu Haya Nyaaka! nawatudizi anakuyilaku hambidi hela chakwila owu kadizi napapatishewi henohu kanda mumanishi kudiza mukanda wejima. Mukutwalekahu kuchinda maora, kufuntila nikudiza hela chakwila owu kadizi napapatishewi. Neyi muya nakumulombola namukwenu mukwakushimwina nawa yahoshahu, niyena watela kuchinda maora.