-
“Kwejima Kuwukuyeyi Kwoku Nukuya Ninami”Imbujolenu Chikuhwelelu Chawu
-
-
16-18. (a) Indi Luti wamwekesheli ñahi kukeña kwalala? (b) Chumanyi chitukudizila kudi Luti kutalisha hakukeña kwalala? (Talenu cheñi nyevulu yawambanda ayedi.)
16 Luti wadikasili chikupu mumuchima windi hachuma chafuukwiliyi, hampinji yayileñawu naNyawomi nkawawu. Wamukeñeli Nyawomi chikupu niNzambi wakalakeleleñayi Nyawomi. Luti wahosheli nindi: “Bayi wunkakeja kukushiya, mwaka nifuntumu nibuli kuya naneyuku. Kwejima kuwukuyeyi kwoku nukuya ninami. Kwejima kuwukushakameyi, kwoku nikushakama ninami. Antu eyi akwila antu ami. Nzambi yeyi wukwila Nzambi yami. Kwonsu kuwakafwileyi, kwoku nakafwila ninami, kwokwakanjiikilawu. Yehova akambabeshi tuhu kwindi neyi hadi chuma chakatwambula, kwiji yowu kufwa hohu bweñi.”—Luti 1:16, 17.
“Antu eyi akwila antu ami. Nzambi yeyi wukwila Nzambi yam”
17 Mazu ahosheliyi Luti alema muloña antu achidi ayiluka hela chakwila munahiti yaaka 3,000 kufuma hafwiliyi. Amwekeshaña chililu chalema, chakukeña kwalala. Luti wamukeñeli chikupu Nyawomi nawa wadiña washinshika chakwila wakeñeleña kumushiya wanyi. Kufwa hohu dikwadi kuyambula. Antu jaNyawomi adi kwikala antu jaLuti, muloña wadihanini kushiya yuma yejima yelukiliyi kuMowabi, nianzambi aweni Mowabi. Kwambukaku naOripa, Luti wahosheli namuchima wumu nindi wakeñeleña Nzambi yaNyawomi, Yehova, yekali Nzambi yindi niyena.a
-
-
“Kwejima Kuwukuyeyi Kwoku Nukuya Ninami”Imbujolenu Chikuhwelelu Chawu
-
-
a Chalema hakumona neyi Luti hazatishili hohu nkumbu yakwila nawu “Nzambi” neyi chadi kuhoshawu enyi amavuluku; wazatishili cheñi ijina daNzambi, Yehova. Bayibolu yimu yekala namazu ahosha nawu: “Nsoneki wakonkomweneni nindi iwu mwenyi hikambanji waNzambi walala.”—The Interpreter’s Bible.
-