• Walombeli Kudi Nzambi naKumuleja Yuma Yadiña kuMuchima
    Imbujolenu Chikuhwelelu Chawu

    • 9. Chumanyi chitukudizila kudi Hana wakeñeleña kuya kuShilo hela chakwila welukili chuma chadi kwilayi muhadi nindi?

      9 Chisaka chadiña nakudikita nyidimu nampinji yantetemena. Antu ejima adiña nakudiloñesha kuya halwendu kushilahu nianyana. Ichi chisaka cheneni chendeleña makilomita kubadika ha 32 hakwila nawu chishiki kuShilo kufuma kwituña damapidi daEfweremi.b Endeleña ilu lwendu ifuku dimu hela ayedi hamaseki. Hana welukili yuma yadi kwilayi muhadi nindi. Hela chochu Hana hashalileña kwitalaku. Wayimikila akwakudifukula aNzambi chakutalilahu chachiwahi makonu. Chachiwahi wanyi kwiteja yililu yatama yawantu amakwawu kutukañesha kudifukula kudi Nzambi. Neyi tubula kuya nakupompa, hitukwikala nankisu yatukwashaña hakwila tuumiki kukala kutwamonañaku.