Kamina kaSolomoni 2:7; 3:5—Muloñadi ambanda amuñanda chinayisanyikishuwu ‘nawambaala nawakaji ankayi amumpata’? Ambala nawankayi ayilukila halubanji nihakuwaha kwawu. Muniyi njila, kansi wamumbanda kaShulami nakusanyikisha ambanda amuñanda nayuma yejima yakuzañalesha nawa yayiwahi kulonda kuyikañesha kusañumuna kukeña mudi yena.

Kamina kaSolomoni 2:7; 3:5. Kansi wamumbanda wamumukala hatiyili ikoku dakumukeña Solomonuku. Wayisanyikishili cheñi ambanda amuñanda kubula kusañumuna kukeña kwindi kudi wudi wejima chiña kabiña wakansi hohu. Hichadiña chaswayi hela chachiwahi kumwekesha kukeña kwekala hakachi keyala namumbanda nawudi wejimaku. Mujiki wawiniKristu wunakukeña kwiñila mumaluwi watela kukeña hohu kambuña aYehova washinshika.—1 Akorinda 7:39.