Komana Munakuzatisha jiHandibilu?

Ifuku dimu kansi weyala wayaaka 11 waweni handibilu yadiña nakutiyakesha mpanji yawantu amavulu yahosheleña hahelu. Chimwahitili mafuku wahosheli nindi, “Handibilu yeniyi yanshikili hamuchima muloña mpinji yejima nadiña nakukoña yuma yatama, dichi natiyili woma wakuya muhelu mwabidimaña kesi neyi nafwi.” Wayili nakutiyilila mpanji, nawa chimwahitili chaaka chimu hanyima yakudiza Bayibolu wapapatisheweli. Kufuma haniyi mpinji Karl Klein watachikili mudimu wawakwaKristu, nawa wazatili hadi yaaka yayivulu neyi membala waMwizaza Dalombolaña dawaYinsahu jaYehova. Chumichi chatachikili hohu nahandibilu.

Nimakonu, jihandibilu jazataña mudimu weneni hakushimwina. Akwakushimwina amavulu achimona neyi kumwinka muntu handibilu hinjila yayiwahi yakutachikilamu kuhanjeka. Anvwali anateli kukolesha anyanawu kushimwina kuhitila mukuyinka jihandibilu kulonda ahaneña kudi enimatala. Akwakushimwina ashimwinaña kuhitila mukusoneka nyikanda atela kushimuna nsañu yakupompa kuhitila mukusha handibilu mumukanda. Nawa cheñi handibilu hinjila yayiwahi yakutambikilamu atudizi aBayibolu niantu akweti mpwila yakudiza kwinza nakupompa.

Komana mwazatishaña chiwahi jihandibilu mumudimu wenu wakushimwina?