Ndandanda yaMulungu waMarch 25

MULUNGU WAKUTACHIKA MARCH 25

Kamina 76 niKulomba

□ Kudiza Bayibolu haChipompelu:

lv kape. 7 ¶10-19 nichikasha chidi hefu 81 (Jimin. 30)

□ Shikola yaMudimu waTeokalatiki:

Kutaña Bayibolu: Luka 4-6 (Jimin. 10)

Na. 1: Luka 4:22-39 (Jimin. 4 hela kufunta mwishina)

Na. 2: Komana Nzambi Walemesha Antu Ekowa Dimu Kubadika Amakwawu?—wp11 10/1 ifu 26 (Jimin. 5)

Na. 3: Wunsahwinyi Wamwekeshaña Nawu Yesu Amusañwili?—1 Kor. 15:3-7 (Jimin. 5)

□ Kupompa kwaMudimu:

Kamina 111

Jimin. 5: Tachikenu Kudizisha Antu Bayibolu Mposu Yatachi. Kuzatisha njila jidi hefu 8, mwekeshenu chakutachika kudizisha antu Bayibolu Mposu yatachi muApril. Koleshenu ejima kuzataku iwu mudimu.

Jimin. 25: “Chakuzatisha Nsañu Yayiwahi Yinafumi Kudi Nzambi.” Malwihu niñakwilu. Neyi himukuhanjeka parakalafu 6, mwekeshenu yimwenu yiyedi.

Kamina 97 niKulomba

3. Indi iyi buloshuwa yambukaku ñahi nanyikanda yikwawu yakudizamu?

³ Chayisonekawu: Nyikanda yetu yayivulu yakudizamu ayisonekaña kulonda antu atañeñamu nikutiyishisha nsañu yalala hela chakubula wakuyikwasha. Iyi buloshuwa yambukaku. Ayisoneka kulonda ayizatisheña hakudiza Bayibolu nantañishi. Dichi neyi munakumwinka muntu, chikuwaha neyi muhanjeka nindi parakalafu yimu hela ayedi. Maparakalafu amehi, dichi munateli kuhanjeka namuntu hanzi hela kumudimu. Hela chakwila chachiwahi kutachikila mukudiza 1, tunateli kutachikila kudiza hadi hejima mubuloshuwa.

4. Indi iyi buloshuwa yatukwashaña ñahi kudizisha antu kuzatisha Bayibolu?

⁴ Munyikanda yetu yayivulu, tunateli kuwana ñakwilu yamalwihu asonekawu mumaparakalafu. Ilaña muniyi buloshuwa ñakwilu yavula kwikala muBayibolu. Antu amavulu akeñaña kudiza Bayibolu kubadika nyikanda yetu. Dichi nsona yayivulu yinatenuwu, mazu ekalahu anayisoneki wanyi. Atela kutañewa muBayibolu. Chumichi chikuyikwasha atudizi kwiluka nawu yuma yinakudizawu yafuma kudi Nzambi.—Isa. 54:13.

5. Chalemenadi neyi ntañishi wukuloñesha chiwahi ifuku dejima dinakuyayi nakudizisha?

⁵ Buloshuwa yalumbulula wanyi nsona jejima. Muloñadi? Ayisoneka munjila yakukolesha kadizi kwihula malwihu kulonda ntañishi yatweshi kuzatisha wuswa windi wakutañisha. Dichi chalema kuloñesha chachiwahi ifuku dejima dimunakuya nakudiza. Mazu akusoñamisha: Bayi musweja kuhoshaku. Twatiyaña kuwaha kulumbulula Nsona. Ilaña chikusweja kuwaha neyi tumwila kadizi kulonda yalumbululi munatalishi nsona kwesekeja nachinakutoñojokayi. Neyi tuzatisha malwihu chachiwahi, tunateli kumukwasha kulumbulula mwaya nsona yejima.—Yil. 17:2.