LWIHU 10
Bayibolu yashimuna nawudi hachihandilu chakumbidi?
“Aloña akaswana iseki, nawa akashakamahu haya nyaaka.”
“Iseki datwalekañahu haya nyaaka.”
“Wakaminya kufwa chahaya nyaaka, nawa Yehova Mwanta Wabadika wakakombola madilu kumesu ejima.”
“Hanoyu mpinji, mesu amputamesu akatona, nimatu anjika matu akenzunuka. Hanoyu mpinji, mukakubalakata wakakiloka neyi mbaala, niidimi dakamama dakabula nyiñula. Muloña mwisaña mwakabuzika menji, nimuchana chachinkalampata mwakabuzika tuloña.”
“Wakakombola madilu ejima kumesu awu, nikufwa hikwakekalaku cheñiku, hikwakekala cheñi kudishona, kudila hela kuyeñaku. Yuma yakunyima yinahiti dehi.”
“Akatuña matala awu nawa akashakamamu, nawa akadima matempa anyivinyu nawa akada nyikaabu yayu. Hiyakatuña mushakama muntu wacheñiku, nawa hiyakadima ayida kudi acheñiku. Muloña mafuku awantu jami akavula neyi mafuku amutondu, nawa antu jami atondewa akadiluñisha chikupu nyidimu yamakasa awu.”