Ikabisha
Muloñadi akaKristu chiyatela kukuhwelelawu kumona ikabisha?
Neyi anakutukabisha, muloñadi chitwatela kumulombela Yehova netu atukwashi?
Ms 55:22; 2Ko 12:9, 10; 2Ti 4:16-18; Heb 13:6
Nsañu yamuBayibolu yikuyikwasha:
1An 19:1-18—Chamukabishiliwu kaprofwetu Elija, walombeli kudi Yehova chakufuma hamuchima nawa Yehova wamukolesheli nikumukundeja
Yil 7:9-15—Yosefu amukabishili kudi anakwindi, ilaña Yehova watwalekelihu kumukwasha, kumwamwina, nawa wamuzatishili kupulwishilamu chisaka chindi
Njilanyi jikwawu munateli kwinjila ikabisha?
Mazu akasawuntu
2Ku 36:16; Mat 5:11; Yil 19:9; 1Pe 4:4
Nsañu yamuBayibolu yikuyikwasha:
2An 18:17-35—Rabisheka, mukakumuhoshelaku mwanta wakuAsiriya, wamusawili Yehova nawa wayihosheli kasawuntu antu amuYerusalema
Luk 22:63-65; 23:35-37—Akakumukabisha Yesu amutukili nikumusawula hamukasiliwu nihampinji yadiñayi hamutondu wakuyandishila
Ikañesha kufuma kudi antaña
Kutukwata nakututwala kudi akawuswa
Kutweta
Kutulukuka kudi akamadombu
Kutujaha
Yumanyi yatela kwilawu akaKristu neyi anakuyikabisha?
Mat 5:44; Yil 16:25; 1Ko 4:12, 13; 1Pe 2:23
Nsañu yamuBayibolu yikuyikwasha:
Yil 7:57–8:1—Hampinji yamujahileñawu Stefwanu kudi izanvu dawakamadombu kushilahu niSawulu, kambanji Stefwanu wamulombeli Nzambi nindi ayanakeni antu amukabishileña, kushilahu niSawulu wakuTarusa
Yil 16:22-34—Hela chakwila kapostolu Pawulu amweteli nawa amushili mumpompa, wamutiyilili mukakuhemba kaleya luwi, chafuminimu mukakuhemba kaleya nichisaka chindi chejima ekalili akaKristu
Chumanyi chayimwekeneni akaKristu akusambila?
Yumanyi yitwatela kwila neyi anakutukabisha?
Kuchiñeja yuma yakumbidi kwatukoleshaña ñahi neyi anakutukabisha?
Muloñadi wutwabulilaña kwiteja antu atukabishaña kututiyisha nsonyi, woma, hela kutuneñesha, nawa muloñadi wutwabulilaña kuleka kumukalakela Yehova?
Ms 56:1-4; Yil 4:18-20; 2Ti 1:8, 12
Nsañu yamuBayibolu yikuyikwasha:
2Ku 32:1-22—Hampinji yayileñayi Mwanta Senakeribi nakulukuka Yerusalema, Mwanta washinshika Hezekiya wamushindameneni Yehova nawa wayikolesheli antu; chafuminimu amukiswilili chikupu
Heb 12:1-3—Akakumukabisha Yesu akeñeleña nawu amutiyishi nsonyi, ilaña hetejeli yuma yatama yamwilileñawu kumuneñeshaku
Yumanyi yayiwahi yikufumamu neyi atukabisha?
Neyi tuumika hampinji yitunakumona kukala twamutiyishaña Yehova kuwaha nawa twaletaña kalemesha hejina dindi
Nsañu yamuBayibolu yikuyikwasha:
Yob 1:6-22; 2:1-10—Hela chakwila Yoba welukili wanyi nindi Satana diyi wamukabishileña, Yoba watwalekelihu kwikala washinshika kudi Yehova nakumwekesha nindi Satana hisakutwamba chumichi chaleteli kalemesha hejina daYehova
Dan 1:6, 7; 3:8-30—Amayala ashinshika aHananiya, Mishayeli niAzariya. (Shadiraki, Mishaki, Abedinego) atondelihu kuyijaha hela chakwila adi kuyijaha; chafuminimu, Mwanta Nebukaneza wamulemesheli Yehova hamesu awantu
Neyi tuumika hampinji yinakutukabishawu chinateli kuletesha antu amakwawu kumwiluka Yehova
Nsañu yamuBayibolu yikuyikwasha:
Yil 11:19-21—AkaKristu apalañeneni kumaluña ashiyashana atwalekelihu kushimwina nsañu yayiwahi kwejima kwadiñawu
Fwp 1:12, 13—Kapostolu Pawulu watiyili kuwaha muloña antu amavulu atiyili nsañu yayiwahi hampinji yadiñayi mukaleya
Neyi tuumika hampinji yinakutukabishawu tukukolesha akwetu akaKristu
Kakavulu anyi aleteshaña nawu ambuña aYehova ayikabisheña?
Yer 26:11; Mak 3:6; Ywn 11:47, 48, 53; Yil 25:1-3
Nsañu yamuBayibolu yikuyikwasha:
Yil 19:24-29—MuEfwesesa, antu atuñileña tumatembeli twaAtemisi amweneña nawu nsañu yinakushimwinawu akaKristu yakaanishileña antu kudifukula kudi ankishi yikuletesha bizinisi yawu kufunta hanyima, dichi atachikili kukabisha akaKristu
Ñal 1:13, 14—Henohu kanda ekali mukaKristu, Pawulu (Sawulu) wadiña wakeña chikupu kwitiya kwawaYudeya, dihafumini hakukabisha akaKristu