Kukeña Maheta
Komana Bayibolu yakaanisha kwikala namali hela maheta?
Nsañu yamuBayibolu yikuyikwasha:
1An 3:11-14—Yehova wamwinkeli Mwanta Solomoni maheta amavulu muloña wadiña wadizoza
Yob 1:1-3, 8-10—Hela chakwila Yoba wadiña waheta, walemesheli chikupu wubwambu windi naYehova
Muloñadi mali nimaheta chabulilañawu kuleta muzañalu nikuwunda kwamuyitoñojoka?
Mpinjinyi yabulaña kuzatika maheta?
Kukalanyi kwafumaña mukusweja kukeña mali nimaheta?
Yumanyi yinateli kufumamu neyi twiñija mutu mumaheta?
Yis 11:4, 18, 28; 18:11; Mat 13:22
Nsañu yamuBayibolu yikuyikwasha:
Yil 8:18-24—Shimona wabula maana wamweneña nindi nateli kulanda kukooleka muchipompelu namali
Chumanyi chafumañamu neyi tusweja kukeñesha mali?
Nsañu yamuBayibolu yikuyikwasha:
Mak 10:17-23—Mukwenzi weyala chineli wakeñeli nankashi mali nimaheta adiñayi nawu washalilihu kukooleka kwakwikala mukakumulondela Yesu
1Ti 6:17-19—Kapostolu Pawulu wayilejeli akaKristu aheta nindi hiyatela kuditiyaku muloña chamuneñeshaña Nzambi
Kusweja kukeña mali kunateli kuzeyesha ñahi chikuhwelelu chetu nakumutiyisha Nzambi kutama?
Kuh 8:10-14; Yis 28:20; 1Yo 2:15-17
Talenu cheñi Ms 52:6, 7; Amo 3:12, 15; 6:4-8
Nsañu yamuBayibolu yikuyikwasha:
Yob 31:24, 25, 28—Yoba welukili nindi chatama kushindamena hamaheta muloña hadi kumukuhwelela Nzambiku
Luk 12:15-21—Yesu watukaanishili kusweja kukeña maheta kuhitila muchakutalilahu chahaniniyi chamuntu waheta kumujimba ilaña wabula kuheta kumesu aNzambi
Tunateli kwikala ñahi namuzañalu nayuma yitukweti?
Yumanyi yabadika maheta akumujimba, nawa muloñadi?
Yis 3:11, 13-18; 10:22; Mat 6:19-21
Nsañu yamuBayibolu yikuyikwasha:
Hag 1:3-11—Yehova wayilejeli antu kuhitila mudi kaprofwetu Hagayi nindi wabulili kuyikiswila muloña ashili maana hakutuña matalawu bayi hakutuñulula tembeli Yindi yajilaku
Chi 3:14-19—Yesu wazuwilili chipompelu chamuLayodikeya muloña ashili muchima hamaheta akumujimba chatela ashi maana hakumukalakela Nzambi